book

Index 10

အခန်း ၁ဝ

🍭`ချစ်တတ်ခြင်းက မင်းနဲ့မှ...´🍭

                              (Or)

                                  ဂျစ်တူးရဲ့ `ဦး´


==========♡ အခန်း  ၁ဝ ♡==========


သူကြားချင်သည့်စကားကြားရသည်နှင့် ချက်ချင်းကိုမျက်နှာလေးမော့ပြီး မေးခွန်းထုတ်လာပုံက ကိုယ့်ပြောစကားအတွက်သိပ်ပြီးယုံချင်ဟန်မတူပေ။မျှော်လင့်တကြီးမော့ကြည့်သည့် အရည်လဲ့လဲ့မျက်ဝန်းလေးတွေဟာ သိပ်ကိုလှလွန်း၍ ခိုက်လည်းခဏမျှမှင်သက်ငေးနေမိရတော့ သူမလေးရဲ့အမေးအားထပ်ပြီး ခွန်းတုံ့မပြန်မိ။ဒါကိုပင် အလိုမကျသလိုဖြင့်မျက်မှောင်လေးတွန့်ကုတ်ပြီး အင်္ကျီလက်ဖျားအစလေးထံတလှုပ်လှုပ်လာဆွဲရင်းမှ... 


``ဟင်လို့...ဦး! ဖြေလေ´´


``ဘာကိုလဲ ငဂျစ်လေးရဲ့

စကားကိုနှစ်ခါထပ်ပြောရအောင်သိပ်လုပ်တာပဲ´´


``ဟွန့်! မပြောချင်ဘူးလား နှစ်ခါ´´


ဆုပ်ကိုင်ထားသည့်သူ့အင်္ကျီလက်ဖျားစအားဆတ်ခနဲရုန်းလွှတ်ပစ်ပြီး နှုတ်ခမ်းစူကာပြောလိုက်မိပါ၏။ပြောပြီးမှပဲ ချစ်ရိပ်ဆံပင်မွေးတွေဗြုန်းခနဲထောင်ချင်သွားရသည်။


ဟိုက်! ဒါဘယ်လိုအပြုအမူမျိုးလုပ်မိတာလဲ?သူနဲ့ချစ်ရိပ်က ရင်းဖြင့်မရင်းနှီးပါဘဲ နှစ်ကာလကြာရှည်စွာချစ်ကျွမ်းဝင်ခဲ့သော ရည်းစားကြီးအပေါ်ချွဲနွဲ့သလိုမျိုး သွားပြီးပြုမူမိတာပါလေ။သွားပြီ၊သွားပြီ...ချစ်ရိပ်ဖန်ဆင်း၊နင်တော့ ဒီမာဖီးယားချောချောရဲ့မှော်မှာမိနေပြီ။


``ကဲဟယ်!! အသိတရားဝင်စမ်း´´


``ခွပ်!´´


``အ!အမလေး´´


ဘာတွေဖြစ်နေတယ်မသိတော့ပါ။မျက်စိရှေ့ကလူသားလေးဟာ မျိုးစုံကိုချစ်ဖို့ကောင်းအောင်ဆိုးပြနေတာ။ယခုလည်း ချစ်စရာအမူအရာလေးနဲ့ပြောလာပြီးမှ ရုတ်တရက်မျက်လုံးပြူးလေးဖြင့်ငြိမ်သွားလေရဲ့။ပြီးတော့ လက်လေးတစ်ဖက်ကမြောက်တက်ရင်း ကိုယ့်ခေါင်းကိုယ်ခပ်ဆတ်ဆတ်လေးပြန်ထုပစ်တယ်။သို့နှင့် သူလည်းမျက်မှောင်ကြီးကျုံ့၍သူမလက်လေးကိုလှမ်းဆွဲယူလိုက်ကာ နာသွားသည့် နဖူးပေါ်သို့လက်ဖြင့်ဖွဖွပွတ်ပေးနေရင်းမှ...


``ဘာဖြစ်ရတာလဲကွာ

နာသွားသေးလား?ကိုယ့်ကိုပြ´´


``နာတယ်

ဒါပေမဲ့ချစ်ရိပ်ကကိုယ့်ကိုကိုယ်သတိပေးတာ၊အခုအဆင်ပြေသွားပြီ´´


``ဘာလဲ

ကိုယ့်ကိုရင်းရင်းနှီးနှီးစကားပြောတာကမဖြစ်သင့်ဘူးလို့ယူဆတယ်ပေါ့´´


``ဟုတ်တယ်လေ´´


``အဟင်း! ရပါတယ် ချာတိတ်ရ

ကိုယ်တို့ကသူစိမ်းတွေမှမဟုတ်တာ´´


သူ့စကားကြောင့်ချစ်ရိပ်တအံ့တသြလေးဖြင့် သူ့မျက်နှာဆီမော့ကြည့်ရပါသည်။သူစိမ်းတွေမဟုတ်ဘူးတဲ့လား?ဘယ်ကသာ...။ငါက ဒီနိုင်ငံကလူနဲ့ဘယ်တုန်းကရင်းနှီးလို့တုန်း။သူဘာတွေပြောနေတာပါလိမ့်!


``ဘာတွေကြည့်နေတာလဲကွ

ကိုယ်အဲ့လောက်တောင်ချောနေလို့လား´´


``တော်ပါ၊ချောတာက ဘာသုံးစားရလို့လဲ

ဒါနဲ့နေပါဦး၊ချစ်ရိပ်ကိုအလုပ်ပေးမယ်ဆိုရင် ဒီအိမ်ရဲ့ဘယ်နားမှာလုပ်ရမလဲ´´


``အင်း! Babyဘာလုပ်ချင်လဲ

ကြိုက်တာလုပ်´´


``ဟယ်!တကယ်လား

အဲ့ဒါဆိုချစ်ရိပ်ခြံစောင့်လုပ်ချင်တယ်...တံခါးနဲ့အနီးဆုံးနေရာလေ...ဟဲ ဟဲ!´´


``ကလေးဆိုးလေး´´


``အ!´´


သူမလေးလိုချင်သောရာထူးကိုနားထောင်ပြီးသည်နှင့် နဖူးလေးပေါ်လက်ညိုးဖြင့်ခပ်ဖွဖွလေးထိုးလိုက်မိသည်။မနာပါဘဲ `အ´ခနဲအော်သွားသူတစ်ယောက်ကတော့မျက်စောင်းကြီးထိုးကာ တစ်ဖက်သို့လှည့်သွားလေရဲ့။


ဒီကောင်မလေးဘာအကြံနဲ့ပြောလိုက်သည်ကို အသက်၁၁နှစ်ကြီးတဲ့သူက မသိဘဲရှိပါ့မလားလေ။ခြံတံခါးနဲ့အနီးဆုံးတာဝန်ကိုယူပြီး ဒီအိမ်ကထွက်ပြေးချင်နေတဲ့ သူမက တကယ့်ကလေးဆိုးလေး။


``ဟိတ်! ဂျစ်ဂျစ်လေးစိတ်ကောက်သွားတာလား

ကိုယ့်ကိုစိတ်ဆိုးတယ်ပေါ့´´


ဘယ်လိုပင်ဂျစ်တိုက်ပြပါစေ၊တစ်ချက်မှစိတ်ဆိုးခြင်းမရှိလေသော သူ...၊ချစ်စနိုးအခေါ်အဝေါ်တွေနဲ့ အမြတ်တနိုးရှိသောအကြည့်နဲ့အပြုံးတွေက တကယ်ကိုနွေးထွေးလွန်းလေစွ။ဘာလဲ?ချစ်ရိပ်တို့ရဲ့ဒီအခြေအနေက ဘာကြီးလဲ?သူပြောတဲ့ သူစိမ်းတွေမဟုတ်ဘူးဆိုတာကရော ဘာသဘောလဲ?


ဟင့်၊တော်ပါပြီ။

ခေါင်းတွေရှုပ်တယ်။

ချစ်ရိပ်ကမနက်ဖြန်၊သဘက်ဆိုပဲ ဒီအိမ်ကနေလွတ်တော့မှာကို...။သူ့အကြောင်း တခုတ်တရတွေးစရာဘာရှိသလဲ...။


အတွေးတို့ကိုသင့်တော်သည့်အဖြေဖြင့်ချက်ချင်းရှင်းထုတ်ကာ ခေါင်းလေးတစ်ချက်ညိတ်လိုက်၏။ထို့နောက် သူ့မျက်နှာကြီးထံစေ့စေ့ပြန်ကြည့်ကာ...


``တော်ပြီ၊တော်ပြီ လိုရင်းပဲပြောတော့မယ်

ဦးလေးကြီး ချစ်ရိပ်ကိုအလုပ်ခန့်မှာသေချာလား´´


``ဒါပေါ့၊ကိုယ့်ရဲ့ဒီမျက်နှာက လိမ်နေတဲ့ရုပ်ပေါက်လို့လား?ဒါပေမဲ့ မင်းပြောတဲ့ခြံစောင့်တော့မရဘူး၊တခြားဟာလုပ်´´


``မရဘူး၊မရဘူး

ခြံစောင့်ပဲလုပ်ချင်တယ်´´


``ကိုယ်ကလည်း မရဘူးဆိုမရဘူးပဲ

လူကဖြင့်သေးသေးလေးနဲ့ဘာကိုခြံစောင့်လဲ´´


``ဦးနော်!´´


``ကိုယ်သိပ်စိတ်မရှည်တတ်ဘူး ဂျစ်တူး

ပြောမရရင်အလုပ်လုပ်ခွင့်ပါပြန်ရုတ်သိမ်းလိုက်မယ်´´


``အာ့ဆို ချစ်ရိပ်လည်းဟိုရေကန်ထဲပြန်ဝင်သေလိုက်မယ်´´


ကဲ! ဒီငတိမလေးကိုတော့ ပြောလို့ကိုမနိုင်ပါလေ။ခန္ဓာကိုယ်မှာ ခြင်ကိုက်ရာလေးမျှတောင် အထိအခိုက်မခံတာသိသားနဲ့ ခြံစောင့်လုပ်မယ်ပြောလိုပြော၊သေမယ်ပြောလိုပြော။မျိုးစုံကိုဖြစ်နေတာ။အခုလည်းကြည့်! ရေကန်ထဲပြန်ဝင်သေမယ်ဆိုပြီး ချက်ချင်းဆတ်ခနဲထကာခြိမ်းခြောက်ပုံက ခေါက်ဆွဲဖတ်နဲ့ဆွဲကြိုးချဟန်ပြင်နေသလိုပင်။သေကလည်းသေချင်၊မသေအောင်လည်း ကြံထားတာမျိုး။


``အဟက်!´´


``ရယ်တယ်ပေါ့

လူကိုမလုပ်ရဲဘူးထင်နေလား´´


ပြတ်ပြတ်သားသားလေသံကြီးဖြင့်ပြောကာ နေရာမှဆတ်ခနဲထလာခဲ့ပါ၏။ကလေးဆန်စွာတွေးတတ်လွန်းသောစိတ်မှာတော့ ချစ်ရိပ်ရဲ့လက်ကိုဖျတ်ခနဲဆိုပြီး သူဆွဲလိုက်မယ်ပေါ့။ပြီးရင် ချစ်ရိပ်လုပ်ချင်တာကို လုပ်ပါတော့လို့ပြောမယ်ပေါ့။အတွေးတွေကတော့ အသားကုန်အဆင်ချော၏။သို့သော်တကယ့်လက်တွေ့မှာတော့ သူကရယ်ရုံပြုံးရုံဖြင့်သာကြည့်နေပြီး ဒီအတိုင်းကျန်ခဲ့လေရဲ့။ချစ်ရိပ်ကိုလည်း လှမ်း၍မဆွဲ။


ငင့်! ဒါဖြင့်ချစ်ရိပ်ကဘယ်လိုဆက်လုပ်ရမှာလဲ??


ရေချိုးခန်းဆီပြန်လျှောက်လာရင်း မျက်နှာငယ်လေးဖြင့် သူ့ထံလှည့်ကြည့်မိသေးသည်။


ထိုင်နေတုန်း....၊လုံးဝကိုမလှုပ်ရှားသည့်အဆုံးမှာ ချစ်ရိပ်မျက်ရည်လေးလည်လာပြီး ခြေလှမ်းကိုတော့ရှေ့ဆက်လိုက်သည်။မဆက်လို့လည်းမရဘူးလေ...၊ရှက်စရာကြီး။


``ဦး!

ချစ်ရိပ်တကယ်ဝင်သွားပြီနော်´´


``အဟွန်း!´´


ဝင်သွားတာတောင် လှမ်းအကြောင်းကြားနေသေးတဲ့ သတ္တိခဲလေးပါပင်။ဒီလိုဆိုခုနကသူမ,သေကြောင်းကြံနေတယ်လို့ထင်မိတာ ဟုတ်မှဟုတ်ရဲ့လားပဲ။လူကကျောခိုင်းထားသော်လည်း သူမအသံလေးကိုတော့ကြားနေရသည်မို့ အသည်းတွေယားလိုက်တာမပြောပါနဲ့။တဖြေးဖြေးသိမ်ငယ်လာတဲ့အသံလေးကိုလည်းသနားမိရတယ်။ဒီမှာလူတစ်ယောက်လုံးရှိနေပါလျက်နဲ့ သူမသေကြောင်းကြံမှာကို ဘယ်သူကခွင့်ပြုပါ့မလဲ။ဒါကိုသိလည်း တမင်ကိုဂျစ်နေတဲ့ကလေးငယ်။


ကြည့်ပါဦး!ချစ်ရိပ်ဂျစ်တူးကဘယ်နှနှစ်သမီးလေးလဲ?လုပ်နေပုံတွေက တကယ့်ပူတူးပေါက်စနလေးလိုပဲ။သူ့တစ်သက်လည်း ဒီလောက်ကလေးဆန်တဲ့မိန်းကလေးမျိုးဒီတစ်ခါသာတွေ့ဖူးတယ်။


သိပ်ကိုချစ်ဖို့ကောင်းတာပဲ~


``....´´


ချစ်စနိုးလေးတွေးလိုက်ရင်းမှ လူကလည်းဆတ်ခနဲထရပ်လိုက်မိ၏။ပြီးနောက်မြန်ဆန်လှသောခြေလှမ်းတို့က ခြေဖဝါးသေးသေးရဲ့ဦးတည်ရာနောက်အမီ ချဥ်းကပ်ခဲ့တော့...


တွေ့ရပါပြီ။သေကြောင်းကြံဖို့ တလှုပ်လှုပ်သွားနေတဲ့လိပ်ကလေးက အခုထိရေကန်ဆီမရောက်သေးပဲကိုး။


သို့သော် ကိုယ့်ခြေသံကြားမှဆတ်ခနဲလှည့်ကြည့်ကာ ရေကန်ထဲခြေတစ်ဖက်လှမ်းဝင်လိုက်လေ၏။


``တော်ပြီကွာ

မဆော့နဲ့တော့...လာ´´


``ဟင်! ဘာလုပ်တာလဲ လူကိုလွှတ်နော် ဦးမာဖီးယား´´


``မလွှတ်ဘူး

ထပ်ပြီးအဲ့လိုခေါ်ရင်ကိုယ့်အဆိုးမဆိုနဲ့တော့´´


``ဘာဖြစ်လဲ ခေါ်မှာပဲ

ဦးမာဖီးယား!!

ဦးမာဖီးယား!!´´


သန်မာသည့်လက်တစ်ဖက်တည်းဖြင့် ခါးကျဥ်းကျဥ်းလေးမှဆတ်ခနဲပင့်ချီလာခဲ့တော့ ယက်ကန်ယက်ကန်ဖြင့် အော်ရင်းဟစ်ရင်းပါလာပြန်သည့် သူမ...။ဒီလိုဂျီကျမှုလေးတွေနဲ့ အသားမကျခဲ့သော သူ့အတွက်တော့ ဒါအတတ်နိုင်ဆုံးစိတ်ရှည်ပေးနေခြင်းပါ။သို့သော် ကိုယ့်ကိုဆိုဂျစ်ပဲတိုက်ချင်နေသော သူမကိုအနည်းငယ်လေးတော့ စိတ်ရှည်ရခက်လာတာကြောင့် ရေချိုးခန်းဆီမှပြန်ထွက်ရန်ပြင်နေသောခြေလှမ်းတို့ကို ရပ်ပစ်လိုက်၏။ထို့နောက် ကြွေရေကန်ဘက်သို့ပြန်လှည့်ကာ...


``သိပ်ဆိုးတဲ့ကလေး

တွေ့ကြသေးတာပေါ့´´


``ဗွမ်း!´´


မြန်ဆန်လှသည့်လုပ်ရပ်ကြောင့် သူ့လက်ထဲကခန္ဓာကိုယ်သေးသေးလေး ရေကန်ဆီကျသွားတာများဗွမ်းခနဲ။ထို့နောက် ပြန်ပြီးထမရအောင် ပုခုံးမှခပ်တင်းတင်းဆုပ်ကိုင်ဖိချထားတာမို့ လုံးဝပြန်ထမရတော့ဘဲ ရေထဲယက်ကန်ယက်ကန်ဖြစ်နေရ၏။လုပ်မည်မထင်လိုက်၍ ချစ်ရိပ်အံ့အားသင့်သွားကာ ရင်ထဲလည်းလန့်စိတ်ပိုလာရသည်။


သွားပြီ။သူ...၊သူချစ်ရိပ်ကိုရေနှစ်ပြီးသတ်တော့မှာထင်တယ်။


``ဗွမ်း! ဗွမ်း!´´


``အ! အား! ဒီမှာသူများသားသမီးကိုရေနှစ်သတ်နေပါတယ်လို့...ကယ်ကြပါဦး အီး..ဟီး!´´


အခုမှကြောက်အားလန့်အားဖြင့်အော်ငိုလေသော ချာတိတ်မ။ဒီလိုတွေမကြမ်းတမ်းချင်လို့ပဲ ကိုယ်အစစအရာရာသည်းခံနေခဲ့တာလေ။အခုတော့ စိတ်တွေကထိန်းမရတော့ပါ။စိတ်ဆိုးတာထက် အသည်းယားတာ။တစ်သက်နဲ့တစ်ကိုယ် ဘယ်သူမှဂျီမကျရဲတဲ့ကိုယ့်လိုလူကို သူမကစိတ်ရှိတိုင်းပြောဆိုအော်ဟစ်နေတော့တာလေ။


``အဟင့်!ဟင့်! ဦး..ချစ်ရိပ်ကြောက်တယ်´´


``.....´´


``အဟွတ်!´´


``.....´´


``အွန့်!!´´


ရေတွေကြားထဲရုန်းကန်နေစဥ်မှာပင် ရုတ်တရက်ခံစားလိုက်ရသောဆန်းကြယ်မှုတစ်ခုကြောင့် ချစ်ရိပ်အသံလေးတိခနဲတိတ်ကျသွားရကာ မျက်လုံးလေးတွေဝိုင်းစက်သွားခဲ့၏။ထိုခဏ၌ လှုတ်ခတ်နေသောရေပြင်လေးငြိမ်သက်သွားပြီး နှလုံးခုန်သံတဒိန်းဒိန်းက အပြင်းအထန်လှုပ်ရှားလာခဲ့၏။ကြွေကန်ဘောင်ပေါ်ထိုင်လျက်မှ သူ့ခန္ဓာကိုယ်ကြီးကို ငုံ့ကိုင်းကာ ချစ်ရိပ်ထံပါးသို့သူ့မျက်နှာကတိုးကပ်လာစဥ် တစ်စုံတစ်ရာပြောင်းလဲသွားသည်က...


နှုတ်ခမ်းတွေ...။


တိတိကျကျထိကပ်သွားခဲ့သောနှုတ်ခမ်းတွေဆီမှ ထူးဆန်းသောခံစားချက်တစ်ခုက ရင်တစ်ခုလုံးကိုဖျတ်ဖျတ်ခါအောင်လှုပ်ရှားသွားစေ၏။


သူ...၊ဒီလူကြီး...။

ချစ်ရိပ်ရဲ့first kissလေးကိုလုယူလိုက်သည်ပဲ။ဒါဟာကိုယ့်ရဲ့ချစ်ဦးသူအတွက်ချစ်ရိပ်အမြဲစောင့်ထိန်းခဲ့သောအရာပါ။ချစ်ရိပ်ရဲ့ဒီနှုတ်ခမ်းတွေကို တရားဝင်ချစ်သူသာလျှင် နမ်းခွင့်ပေးမယ်လို့ရည်ရွယ်ထားခဲ့တာ။အခုတော့...အခုတော့...


အလိုမတူစွာသိမ်းပိုက်ခံလိုက်ရသော အနမ်းလေးအားနှမြောတသလွန်းစွာ ချစ်ရိပ်ကိုယ်လေးကရုန်းကန်နေမိ၏။သို့သော်ရုန်းလေလေ သူ့အနမ်းတို့ကပို၍ကြမ်းတမ်းလာကာ ခါးကျဥ်းကျဥ်းလးမှဆွဲပွေ့ယူလိုက်ပြန်တော့ ချစ်ရိပ်ကိုယ်လေးကသူ့ရင်ခွင်ထဲရောက်ရပြန်သည်။နှစ်ယောက်စလုံးလည်းရေတွေရွှဲစိုလို့နေပြီ။သို့သော် သူကအနမ်းတို့ကိုဖယ်ခွာမပေးဘဲ လက်တစ်ဖက်က ချစ်ရိပ်ရဲ့လည်တိုင်လေးဆီထိန်းကိုင် ၍ နှုတ်ခမ်းလွှာလေးများပေါ်ခပ်ကြမ်းကြမ်းမင်းမူနမ်းရှိုက်နေခဲ့၏။


``အင့်! အဟင့်!´´


ဇွဲကောင်းလွန်းသည့်ကလေးငယ်က ကိုယ့်အနမ်းတို့ကိုလက်မခံလည်းဘဲ ပထမဆုံးသော ချိုမြိန်ခြင်းအထိအတွေ့ထဲပျော်ဝင်ယစ်မူးမိသူမှာတော့ အနမ်းတို့ကိုဖယ်ခွာမပေးမိပေ။


ရိုင်းသွားတယ်။အပြုအမူဟာ ကြမ်းတမ်းနေမှန်းသိသော်လည်း ရင်ထဲတစိမ့်စိမ့်ပိုလာသည့်မြတ်နိုးမှုကို နူးနူးညံ့ညံ့မဖော်ပြတတ်လေတော့ ကွေ့ဝိုက်ခြင်းမရှိသော ပွင့်ပွင့်လင်းလင်းအပြုအမူဟာ သူမလေးကိုဝမ်းနည်းစေခဲ့ပြီထင်ရဲ့။ထိကပ်နေသောမျက်နှာနှစ်ခုကြား ခပ်နွေးနွေးအရည်လေးတွေစိုစွတ်လာလေမှ ငိုနေပြီဟူသောအသိကြောင့် အောက်နှုတ်ခမ်းဖူးလေးအားစုပ်ယူနမ်းရှိုက်၍ ခပ်ဖွဖွကိုက်ပစ်ကာ နှုတ်ခမ်းလေးကိုလွှတ်ပေးလိုက်ပြီး ခန္ဓာကိုယ်လေးကိုတော့ရင်ခွင်ထဲထွေးဖက်ထားလိုက်၏။


``အဟင့်! ယုတ်မာတဲ့လူကြီး´´


``....´´


``မုန်းတယ်

ရှင့်ကိုမုန်းတယ်´´


ဝမ်းပန်းတနည်းအော်ငိုကာ ရင်ဘတ်ဆီသို့တဗုန်းဗုန်းလာထိခတ်နေသောလက်လေးတွေအား သူ,မတားမြစ်မိ။ဟုတ်သည်။ကလေးလေးတစ်ယောက်အပေါ်ကြမ်းတမ်းမိသည့် သူ့လုပ်ရပ်ကလည်း လွန်သွားပါသည်လေ။


``ရှင့်လိုလူမျိုးဆီရောက်လာမိတာကိုက ချစ်ရိပ်အမှားပဲသိလား?အဟင့်...ဟင့်!´´


``အဲ့ဒါမင်းကိုယ်တိုင် ကိုယ့်ဒေါသကိုလာဆွတာပဲဂျစ်တူး...မှတ်ထား!နောက်တစ်ခါ ကိုယ့်စကားနားမထောင်ဘဲ အာခံရဲရင်အခုလိုမျိုးပဲနမ်းပစ်မယ်´´


``ရှင်နော်!!´´


``စိန်ခေါ်ချင်လား ဘေဘီ

အချိန်မရွေးပဲ´´


``အင့်!´´


မျက်နှာအနားသို့ထပ်မံငုံ့ကပ်၍ ခွန်းခြွေလာသောသူ့စကားကြောင့် ချစ်ရိပ် ငိုသံလေးတောင်တိုးတိမ်သွားရပါ၏။ခြိမ်းခြောက်ရုံမဟုတ်သော သူ့အပြောကကျောထဲတောင်စိမ့်သွားစေသည့်အလား။မပွင့်တပွင့်ပြုံးလိုက်သည့်ဟန်က တကယ်ကိုနတ်ဆိုးတစ်ကောင်လိုနှင့်။


စောစောကလိုနူးညံ့မနေတော့သည့်အသွင်ကြောင့်ချစ်ရိပ်ရင်ထဲတကယ်ကိုထိတ်လန့်သွားခဲ့ရသည်။သူ့ပုံစံအမှန်ကသပ်သပ်ရှိနေခဲ့မှန်းချစ်ရိပ်အခုမှသိလိုက်၏။


မညှာမတာအနမ်းခံရသည်ကိုလည်း အပြစ်မတင်ရဲ။ဘာဆိုဘာမှအသံမထွက်ရဲလောက်အောင် တိတ်ဆိတ်နေမိတော့ သူကခပ်စူးစူးဖြင့်သာကြည့်ပြီး လှည့်ထွက်သွားလေရဲ့။


ကြောက်ဖို့ကောင်းလိုက်တာ~

ချစ်ရိပ် သူ့ကိုကြောက်လိုက်တာ~။


~~~~~ 🍭 ~~~~~


ခပ်လေးလေးခြေလှမ်းတို့ဖြင့်သာအခန်းပြင်ထွက်လာခဲ့သော `သူ´။ကျောခိုင်းလိုက်လေမှ တအင့်အင့်ရှိုက်ငိုနေသံလေးကိုကြားမိပေမယ့် နောက်ပြန်မလှည့်မိတော့ပေ။ငိုနေမှာကိုသိပါတယ်၊ငိုရှိုက်သံလေးကကိုယ့်ရင်ကိုစူးစူးနစ်နစ်နာစေလည်း စိတ်ကိုတင်းကာသာ ဆက်လျှောက်ခဲ့မိရဲ့။


အနားကိုထပ်ပြီးကပ်ရင် သူမလေးကိုယ့်ကိုကြောက်နေတော့မှာလေ။


``ဟင်း!´´


တွေးရင်းမှသက်ပြင်းကြီးချမိရပြန်ပါသည်။ထို့နောက် အစေခံတစ်ဦးကိုလှမ်း၍ခေါ်လိုက်ပြီး...


``ကလေးကိုအဝတ်တွေလဲပေးလိုက်

နွေးနွေးထွေးထွေးဝတ်ပေးပြီး ဆေးကိုသေချာတိုက်...ပြီးရင်အစေခံဝတ်စုံတစ်စုံပြင်ထားလိုက်´´


``ဟုတ်ကဲ့ပါရှင့်´´


အသေအချာမှာခဲ့ပြီးမှခြေလှမ်းကိုရှေ့ဆက်လာခဲ့ပြီး သူမရှိရာအခန်းလေးဆီသို့ပြန်ငဲ့ကြည့်မိသေး၏။


Sorryပါ Babyလေးရယ်...

ကိုယ့်ကိုစိတ်ဆိုးသွားမယ်မှန်းသိပါတယ်။ဒီလိုမှကြောက်အောင်မပြောခဲ့ရင်လည်း မင်းကိုယ့်ဆီကနေထွက်ပြေးဖို့ပဲလုပ်နေမှာ ကိုယ်သိတယ်။အလိုလိုက်ထားပြန်တော့ မင်းက ဆိုးချင်တယ် `အငယ်´။


ကိုယ့်ဆီလမ်းမှားရောက်လာခဲ့တယ်ဆိုပေမယ့်လည်း ကိုယ့်ပိုင်နက်ထဲဝင်ရောက်ခဲ့တဲ့ငှက်ကလေးကို လွတ်မြောက်ခွင့်မပေးနိုင်တော့တာ တောင်းပန်တယ်။


အဖြေက မင်းကိုသိပ်ချစ်မိသွားလို့ပါပဲ ကလေးငယ်။


ကိုယ့်ရဲ့ချစ်တတ်ခြင်းက မင်းနဲ့မှဖွဲ့တည်ခဲ့လို့ပါပဲ။


~~~~~ 🍭🍭🍭🍭 ~~~~~


``Winnerဘက်မှာ ဘာတွေထူးခြားသေးလဲ´´


ခပ်မာမာနှင့်ပြတ်သားလှသည့်လေသံက တိတ်ဆိတ်နေသောအခန်းငယ်ထဲပျံ့လွင့်လာခဲ့သည်။ပြီးနောက် ပုံရိပ်တစ်ခုကအနားသို့ကပ်လာပြီး ထိုအသံရှင်ရဲ့ရှေ့၌ဦးညွှတ်ကာကြမ်းပြင်နေရာလွတ်တွင် ခပ်ကျုံ့ကျုံ့ဝင်ထိုင်၍...


``စံအိမ်မှာထူးခြားတဲ့သတင်းတွေရှိနေပါတယ် သခင်မ´´


``ဘယ်လိုမျိုးသတင်းလဲ´´


``သခင်လေးခိုက်ရဲ့အနားကိုထူးဆန်းတဲ့မိန်းကလေးတစ်ယောက်ရောက်နေပါတယ်၊ပြီးတော့သူကမြန်မာလူမျိုးပါ´´


``ဘယ်လိုလုပ်ပြီးရောက်လာတာလဲ´´


``တစ်နေရာကနေဖမ်းခေါ်ခဲ့တာပါ

ဒါပေမဲ့သခင်လေးခိုက်က သူ့အပေါ်အရမ်းဂရုစိုက်နေသလိုပဲ´´


ဒီစကားကြောင့်နီရဲစိုတောက်သောနှုတ်ခမ်းလွှာတို့ အကျည်းတန်စွာမဲ့ပစ်လိုက်၏။မိန်းကလေးတစ်ယောက်ရှိနေတယ်?ခိုက်ရဲ့အနားမှာမိန်းကလေးတစ်ယောက်ရှိနေတယ်တဲ့လား။


ဘယ်တုန်းကမှမိန်းကလေးတွေနဲ့နီးနီးကပ်ကပ်နေလေ့မရှိသူက ဂရုစိုက်နေတယ်လို့သတင်းထွက်ရလောက်အောင်အထိ ဘာတွေထူးခြားနေတာလဲ?


``တောက်! ငါမရှိတဲ့အချိန်တွေအတွင်း သူတော်တော်ပြောင်းလဲနေတာပဲ´´


``.....´´


``ထားပါ၊မင်းပြန်လို့ရပြီ

ပိပိရိရိနေပြီး အဲ့ကောင်မလေးနဲ့ပတ်သက်တာမှန်သမျှငါ့ဆီသတင်းပို့´´


``ဟုတ်ကဲ့ပါ သခင်မ´´


``ခွမ်း!´´


တရိုတသေဦးညွှတ်ကာ သတင်းပေးသူပြန်သွားလေမှ လက်ထဲကိုင်လျက်သားရှိသည့်ဖန်ခွက်ကိုနံရံဆီ အားကုန်လွှဲ၍ပစ်ပေါက်လိုက်သည်။ခွမ်းခနဲကွဲကျသောအသံနှင့်အတူ နံရံပေါ်စီးကျလာသောဝိုင်နီနီတို့ရဲ့မြင်ကွင်းကခြောက်ခြားဖွယ်အတိ။ဒေါသတွေအဘယ်မျှတောက်လောင်နေသည်ဆိုတာ ခပ်ရဲရဲဖြင့်စူးတောက်နေသောမျက်ဝန်းများကသက်သေခံနေ၏။


သူမက...သဝန်တိုတတ်သည်။

သူမက...သိပ်လှသည်။

ပြီးတော့ သူမက...`ခိုက်ရန်ရှင်း´ဆိုသောထိုအမျိုးသားရဲ့ ဘဝလက်တွဲဖော်အမည်ရမူပိုင်ခွင့်ကိုရရှိဖို့ လက်တစ်ကမ်းသာလိုတော့သော မိန်းမသား။


ဟုတ်ပါသည်...။

 Juliet Babyဆိုသော သူမက ခိုက်ရန်ရှင်းလက်တွဲရမယ့် တစ်ဦးတည်းသော မဟေသီ...။


~~~~~ 🍭🍭🍭🍭 ~~~~~


အခန်း >>> ၁၁ဆက်ပါမည်။


ချစ်သည်းတို့အတွက်တစ်ခဏတာသောစိတ်အပန်းဖြေမှုလေးတွေသာရရှိစေရန်ရည်ရွယ်ရေးသားသော...


WineSatt Cho(🍋Lëmoñ🍋)


rate now: