"ကျွန်မတို့ အခြားစကြာဝဠာတစ်ခုကိုရောက်နေကျတာ!"

ထိုစကားကိုကြားပြီးသည့်နောက်တွင် ဒေါက်တာကခေါင်းကိုခါရမ်းလိုက်ပြီး Narunil ဘက်လှည့်၍တစ်စုံတစ်ခုပြောလိုက်သည်။ ထို့နောက် Sam ဘက်သို့ပြန်လျှောက်လာပြီး သူမလက်မောင်းကိုဆွဲကိုင်လိုက်သည်။

"Sam Sam Sam Sam" ဒေါက်တာ့၏လေသံမှတစ်ဆင့် Sam ၏အပြုအမူကြောင့် စိတ်ပျက်သည့်ဟန်ကိုတွေ့နေရသည်။

"မင်းနည်းနည်းပါးပါးဆင်ခြင်ပြီးပြောလို့မရဘူးလား…ငါတို့ရောက်နေတာအခြားစကြာဝဠာတစ်ခုဆိုတာငါလည်းသိတာပေါ့…ဒါပေမယ့်ပြသာနာက ဒီဂြိုဟ်ကမတည်ငြိမ်တာပဲ။ ဘာကြောင့်မတည်ငြိမ်တာလဲဆိုတာရဲ့အကြောင်းအရင်းကို ငါတောင်နားမလည်သေးဘူး Sam…။ အကယ်၍ဒီဂြိုဟ်သာပျက်ဆီးသွားမယ်ဆိုရင် ဒါကဒီတိုင်းပျောက်ကွယ်သွားမှာမဟုတ်ဘူး။ ငါတို့ထင်ထားထာထက်ကိုပိုကြီးမားတဲ့အရာတွေဖြစ်လာနိုင်တယ်။ အမှန်တရားတစ်ခုလုံးပျက်ဆီးပြီး ဝဲဂယက်တွေကြားမှာကြီးမားတဲ့ကွာဟမှုတွေဖြစ်လာလိမ့်မယ်။"

Sam ကငြင်းဆိုရန်အတွက်ပါးစပ်ဟရန်ပြင်လိုက်ပေမယ့် ဒေါက်တာကကြားဖြတ်၍ဆက်ပြောသည်။

"ပြီးတော့ ဒါကငါလျစ်လျူရှုထားလို့ရတဲ့အရာမဟုတ်ဘူး။ ငါဒါကိုပြုပြင်ရမယ်။ တစ်နည်းနည်းနဲ့တော့ဒီအရာတွေက ဘယ်အချိန်မှာပြောင်းလဲသွားပြီး ဘယ်လိုပြောင်းလဲတယ်ဆိုတာကိုဖော်ထုတ်ရမယ်။ ပြီးရင်အရာအားလုံးကိုမူလအတိုင်းပြန်ဖြစ်အောင်လုပ်ရမယ်။ ဒါပေမယ့်ဘယ်လောက်ထိပြောင်းလဲပေးနိုင်မလဲဆိုတာငါလည်းမသိဘူး။ တကယ်လို့ ငါတို့သာတခုခုလုပ်ဖို့ကြိုးစားမယ်ဆိုရင် ကြင်နာလှပါတယ်ဆိုတဲ့ Tractites တွေကသူတို့ရဲ့တည်ရှိမှုကို ပြန်ပြီးမခုခံဘူးလို့မင်းထင်နေလား Sam…အဆိုးဆုံးထိတွေးရရင်ငါတို့ကိုတောင်သတ်ပစ်လိုက်နိုင်တယ်။ အဲ့ဒီတော့ မင်းဒီအကြောင်းတွေကိုကြိုမပြောထားရင်ပိုကောင်းမယ်။ ငါသာဒါကိုမပြုပြင်နိုင်ဘူးဆိုရင် မင်းရော ငါရော လူသားတွေကို ဘယ်တော့မှထပ်တွေ့ရတော့မှာမဟုတ်ဘူး။ ငါတို့ရဲ့ဖြစ်တည်မှုတွေ Tractites တွေရဲ့ဖြစ်တည်မှုတွေအကုန်ပျောက်ဆုံးသွားလိမ့်မယ်။ အခုအခြေအနေကဘယ်လောင်တောင်အရေးကြီးလဲဆိုတာ မင်းနားလည်ပြီလား။"

Sam ကတုန့်ဆိုင်းနေသည်။ ထို့နောက်ဒေါက်တာ၏မျက်လုံးကိုစိုက်ကြည့်၍ "ရှစ်ဒသမငါး" ဟုပြောလိုက်သည်။

(A/N: chapter 2 တုန်းက John Richter Scales ကိုမှတ်မိကျတယ်မလား။)

ဒေါက်တာကနောက်ကိုခြေတစ်လှမ်းဆုတ်လိုက်မိသည်။ ဘာကြောင့်သူမထိုသို့ပြောသည်ကိုတော့နားလည်နိုင်မည်မထင်။

"ဘာ?"

Sam ကသူမ၏လက်မောင်းကို ဒေါက်တာ့၏ဆုတ်ကိုင်ထားမှုအောက်မှလွတ်အောင်ရုန်းလိုက်ပြီးသည့်နောက် Kitig နှင့် Narunil တို့သွားရာလမ်းဘက်သို့လိုက်သွားလိုက်သည်။ 

အမှန်တကယ်တော့ သူမ John Richter Scales အကြောင်းဒေါက်တာ့ကိုရှင်းပြချင်သေးပေမယ့် ဒေါက်တာ့၏အူတူတူပုံစံကိုကြည့်ပြီးရယ်ချင်သေးသောကြောင့် ပါးစပ်ပိတ်ထားလိုက်မိသည်။ 

ယခုအခြေအနေကဘယ်လောက်အရေးကြီးမှန်းသူမသိသည်။ ဒေါက်တာနှင့်ဆိုလျှင်တော့အမြဲတမ်းအရေးကြီးသည်ဆိုတာကိုသူမသိသည်။ ဘာလို့ဆိုဒေါက်တာက တစ်စုံတစ်ခုကို ရေဆုံးမြေဆုံးထိလိုက်၍တွေးတတ်သည့်အပြင် အခြေအနေတစ်ခုခုကိုလည်း လွန်ကဲစွာတုန့်ပြန်တတ်သေးသည်။

'ဒီနေရာကဒီလောက်အေးချမ်းတာ…ဘယ်လိုလုပ်လူသားတွေချန်ခဲ့တဲ့နေရာဖြစ်နိုင်မှာလည်း…အယုတ်စွဆုံးဒါကအခြားအရာအားလုံးရဲ့ဖြစ်တည်မှုကိုခြိမ်းခြောက်နေတဲ့အရာဖြစ်လာဖို့ဆိုတာဝေးသေးတယ်။ ဘယ်လိုလုပ်ဖြစ်နိုင်မှာလည်း…ဟမ့်'

ဘယ်လိုပင်ဖြစ်ဖြစ် Sam ကသူမကိုအကြောင်းပြချက်ရေရေရာရာ မရှိဘဲနှင့်ဆူပူကြိမ်းမောင်းသည်ကိုတော့သဘောမကျပေ။

ခဏအကြာတွင်ဒေါက်တာကသူမနောက်မှလိုက်လာပြီး သူ့လက်တွေကိုပခုံးပေါ်သို့တင်လိုက်သည်။ 

"တောင်းပန်ပါတယ်ကွာ…"

"ရှင်ကျွန်မကိုဒီလိုလွယ်လွယ်နဲ့ခြိမ်းခြောက်လို့ရမယ်ထင်လို့လား။ Tractites တွေက Zygons မဟုတ်ဘူးလေ…ဟုတ်တယ်မလား။ ပြီးတော့ရှင်အမြဲလေကြောရှည်နေတတ်တဲ့ Dalek အရူးကောင်တွေရောဟုတ်လို့လား။"

ဒေါက်တာကသူမကိုအံ့အားသင့်စွာဖြင့်ကြည့်နေသည်။

"ဒါပေမယ့် ငါကမင်းဘာဆက်ပြောမလဲဆိုတာသိတာမှမဟုတ်တာ။ အဲ့ဒါကြောင့် မင်းသဘောပေါက်အောင်ပြောတာလေ။" 

"ဘာကိုသဘောပေါက်ရမှာလဲ။ ကျွန်မတို့ကအခုအန္တရာယ်များတဲ့နေရာမှာ ရောက်နေတယ်ဆိုတာလား။ အိုး လုပ်စမ်းပါဒေါက်တာရယ်။ ဒါကိုကျွန်မဘာသာကျွန်မဖော်ထုတ်နိုင်ပါတယ်။ မဟုတ်လို့လား။ ရှင်ကျွန်မကိုအရာအားလုံးလိုက်ပြောပြနေရအောင် ကျွန်မကလည်းပိန်းနေတာမဟုတ်ဘူး။"

ဒေါက်တာကသူမကိုဘာမှပြန်မပြောတော့ပဲအဆောက်အအုံတစ်ခုဖက်သို့ငေးကြည့်နေသည်။ ထိုအဆောက်အဦး၏ ပြတင်းပေါက်သည် အပြင်ဘက်မှနေ၍ကြည့်လျှင် ရေများဖြင့်ပြည့်နှက်နေသည်ကိုတွေ့ရသည်။ တောက်ပသောအရောင်အသွေးရှိသည့် သန္တာကောင်များနှင့် အရောင်အသွေးစုံလင်လှသောငါးများက ဟိုဟိုသည်သည်လူးလာလှုပ်ရှားကာကူးခတ်နေကြသည်။

Sam ကရှေ့သို့တိုးလာလိုက်ပြီး ရေမျက်နှာပြင်ပေါ်တွင်ဒေါက်တာ့မျက်နှာ၏အရိပ်ထင်နေသည်ကိုတွေ့လိုက်ရသည်။ ထိုအရိပ်သည် ခန္ဓာကိုယ်မှကွဲထွက်သွားသော ဝိညာဉ်တစ်ခု၏အရိပ်ကဲ့သို့ပင်ထင်ရစေသည်။

ထို့နောက် ဟိုးအရင်တစ်ချိန်ကဒေါက်တာပြောခဲ့သောဟာသများကို သူမပြန်လည်အမှတ်ရမိသည်။ ထိုအရာများက ဒေါက်တာ၏နှစ်ပေါင်းကိုးရာမှတ်စုစာအုပ်မှဖြစ်သည်။ သို့သော်ထိုအရာများသည် အမှန်တကယ်အားဖြင့် ဟာသများမဟုတ်ဆိုတာတာကိုသူမတဖြေးဖြေးနှင့်နားလည်လာခဲ့သည်။ ထိုစာအုပ်ထဲတွင် လူငယ်ဆန်၍ ထူးချွန်ထက်မြက်မှုများကကိန်းအောင်းနေပြီး အတွေ့အကြုံများစွာရှိသည့်လူတစ်ယောက်အဖြစ်တွေ့မြင်နေရသည်။

"တစ်ခါတလေမှာလည်း ငါတို့ Daleks တွေဖြစ်ဖို့လိုတယ်" ဒေါက်တာကပြောလိုက်သည်။ ပြီးနောက် ရွှံ့အခဲလိုက်ကပ်နေသောသူ၏ဖိနပ်ကိုငုံ့ကြည့်လိုက်သည်။

"အမှန်တကယ်တော့ မင်းမှာရွေးချယ်စရာမရှိတော့ဘူးဆိုတာကို သိလိုက်ရတဲ့အချိန်ကအရေးကြီးဆုံးပဲ" 

ထို့နောက် Sam ကဒေါက်တာပြောချင်သည့်အဓိပ္ပာယ်ကို မစဉ်းစားနိုင်သေးခင်မှာပင် ဒေါက်တာကသူမကိုမော့ကြည့်လာသည်။ သူ၏မျက်နှာထက်တွင်မူ ဇရာ၏ဝါးမျိုမှုတို့ ပျောက်ကွယ်သွားရလောက်အောင် တောက်ပသောအပြုံးတစ်ခုကနေရာယူထားသည်။ 

"လာစမ်းပါ။ ဒီမှာစူးစမ်းလေ့လာဖို့ကမ္ဘာကြီးတစ်ခုလုံးရှိနေသေးတယ်"

သူမတို့၏ရှေ့ဘက်တွင် Narunil နှင့် Kitig တို့ကလမ်းမပေါ်တွင်ဖြတ်၍ဆောက်လုပ်ထားသောမှန်ခုံးအောက်တွင်မတ်တပ်ရပ်နေကျသည်ကိုတွေ့ရသည်။ သူတို့၏ခေါင်းများကတစ်ယောက်ပုခုံးပေါ်တွင်တစ်ယောက်မှီတင်လျက် လက်ချောင်းများကမူသွယ်ယှက်၍ဆုတ်ကိုင်ထားကျသည်။ 

'Tractite အချစ်ဇာတ်လမ်းလား'

'စူးစမ်းလေ့လာဖို့ကကမ္ဘာကြီးတစ်ခုတည်းမဟုတ်ဘူးပဲ။ ဟမ်…စကြာဝဠာတစ်ခုလုံးကို…စူးစမ်းရမှာ။'

ရုတ်တရက် ဒေါက်တာသူမကိုဆူပူကြိမ်းမောင်းခဲ့စဉ်က ပြောခဲ့သည့်စကားတစ်ခွန်းက သူမခေါင်းထံတွင်ရုတ်တရက်ပြန်ပေါ်လာသည်။ 

'-တစ်နည်းနည်းနဲ့ဒီအရာတွေက ဘယ်အချိန်မှာပြောင်းလဲသွားပြီး ဘယ်လိုပြောင်းလဲတယ်ဆိုတာကိုဖော်ထုတ်ရမယ်။ ပြီးရင်အရာအားလုံးကိုမူလအတိုင်းပြန်ဖြစ်အောင်လုပ်ရမယ်။-'

'ဒေါက်တာဆိုလိုချင်တာက ကျွန်မတို့အတိတ်ကိုပြန်သွားပြီး ဒီစကြာဝဠာကိုဖြစ်တည်စေခဲ့တဲ့အရာတွေကို သုတ်သင်ပစ်ရမယ်။ ဒါဆို-အိုး'

သူမမျက်လုံးတွေကိုမှိတ်ချလိုက်သည်။ ရုတ်တရက် သူမယခုရောက်ရှိနေသော Tractite မြို့ကိုမကြည့်နိုင်တော့လောက်အောင်ပင်ဖြစ်လာရသည်။ သူမတို့ကိုနွေးထွေးစွာကြိုဆိုခဲ့သော Tractites များအပေါ် အမျိုးအမည်မသိနိုင်သောခံစားချက်မျိုးဖြစ်ပေါ်လာမိသည်။ ထို Tractites များသည် အခြားသောဂြိုဟ်သားများနှင့်မတူပဲ သံသယကင်းရှင်းကာ အငြိုးမရှိပဲသူမတို့အပေါ်ဆက်ဆံခဲ့သည်မဟုတ်ပါလော။

သို့ဆိုလျှင် ဒေါက်တာကသူမ၏ သမားရိုးကျမဟုတ်သော စကြာဝဠာတစ်ခုဟုပြောလိုက်သည့်စကားအပေါ် ဒေါသထွက်၍ဆူပူခြင်းသည်အံ့သြစရာမဟုတ်တော့။ စင်စစ်အားဖြင့်သူမ၏စကားသည် Tractites များကိုဖျက်ဆီးရမည်ဟူသောအဓိပ္ပာယ်ကိုဖွင့်ဟလိုက်သလိုဖြစ်နေပေသည်။

Tractites များကိုသူမပြောလိုက်သည့်စကား နားမလည်ပါစေနှင့်ဟုသာဆုတောင်းမိတော့သည်။ 

ထို့နောက်သက်ပြင်းချ၍သူမမျက်လုံးတွေကိုဖွင့်ဟလိုက်သည်။ သူမကိုယ်သူမငါးပြတိုက်၏ဖန်သားမျက်နှာပြင်ကိုငေးကြည့်နေသည်ကိုတွေ့လိုက်ရသည်။ 

ထို့နောက် Narunil ကယခုမြို့သည် သေးငယ်သောမြို့လေးတစ်မြို့သာဖြစ်ကြောင်းပြောခဲ့သည်ကိုအမှတ်ရမိသည်။ သူမစကား၏အဓိပ္ပာယ်သည် အခြားသော Tractites မြို့များ ဤကမ္ဘာပေါ်တွင်ရှိနေသေးသည်ကိုဖော်ပြနေသယောင်ရှိသည်။

ထို့နောက်သူမထိုငါးပြတိုက်ကိုအုတ်ခဲတစ်လုံးပစ်၍ခွဲလိုက်သည်ကိုစဉ်းစားမိပြီး အဆောက်အဦးမှန်များကွဲသွားပြီးနောက် ဖြစ်ပေါ်လာမည့်ငါးများ၏ဟန်ပန်ကိုတွေးတောမိသည်။ ကျောက်တုံးခင်းလမ်းပေါ်တွင် အောက်ဆီဂျင်ပြတ်လတ်မှုကြောင့် ခုန်ဆွခုန်ဆွနှင့် သောင်တင်နေကျသည့်ပုံ…ထိုအရာသည်သူမ၏ နှလုံးသားကိုနာကျင်စေသည်။

ထို့နောက် ဒေါက်တာက Kitig နှင့် Narunil တို့နှင့်စကားပြောနေသည်ကိုသူမတွေ့လိုက်ရသည်။ သူမဒေါက်တာ့ကိုအော်ခေါ်ရန်စဉ်းစားမိလိုက်ပေမယ့် သူမတစ်စုံတစ်ခုကိုစဉ်းစားမိလိုက်သည်။ ထိုအရာသည်…သူမ၏ စိတ်ကိုလေးလံသောခဲတစ်လုံးဖြင့်ဆွဲထားသကဲ့သို့ဖြစ်စေသည်။

"ဒေါက်တာပြောတာမှန်တယ်။ ငါပြောနိုင်တာဘာမှမရှိဘူး။"

"ငါတို့ Tractites တွေကိုသတ်ရမယ်။ ငါနဲ့ဒေါက်တာ။"

"သူတို့အကုန်လုံးကိုသတ်ပစ်ရမယ်။"

A/N: ကျေးဇူးပြုပြီး subscribe လုပ်ပေးကျပါနော်။ စာလည်းဖတ်ရင်း 5starလေးလည်းvoteရင်း reviewလေးတွေလည်းရေးလို့ရပါတယ်။ စာရေးသူတွေကို donate လုပ်ချင်ရင်လည်း buy a cup of coffee ဆိုတဲ့ button ကို click လာပ်ပြီး donate လုပ်လို့ရပါတယ်။🙆