မူရင်းစာအုပ် ...
Wu Dong Qian Kun
မူရင်းစာရေးသူ.
Heavenly Silkworm Potato (天蚕土豆)
ဘာသာပြန်သူ.. Win min khant
အဆောင်သခင် သိုင်းဘုရင် (မိတ်ဆက်...)
ခွန်အားကြီးမားသူတို့သာ အုပ်စိုးသည့် ကမ္ဘာကြီးတစ်ခု... အဲဒီမှာ မဟာယန်အင်ပါယာဆိုတဲ့ နိုင်ငံကြီးတစ်နိုင်ငံ ရှိတယ်.. အဲဒီနိုင်ငံမှာလည်း အင်အားကြီး ကလန်လေးခု ရှိတယ်... လင်းကလန်ဆိုတာ အဲဒီကလန်ကြီးထဲက တစ်ခုပဲ.. တစ်ချိန်မှာ လင်းကလန်ထဲက မိသားစုတစ်စုဟာ အရင်းအနှီး ကြီးမားသည့် တာဝန်တစ်ခုကို အောင်မြင်အောင် မဆောင်ရွက်နိုင်ခြင်းကြောင့် မိသားစုတစ်စုလုံးကို ချင်ယွမ်မြို့ဆီ နယ်နှင်ဒဏ် ပို့ဆောင်ခြင်း ခံကြရတယ်.. အဲဒီမိသားစုဦးစီးက လင်းကလန်ကို ပြန်ဝင်နိုင်ဖို့ အနှစ်နှစ်အလလ ပြန်ကြိုးစားခဲ့တယ်..
မိခင်ကလန်ကနေ နှင်ထုတ်ခံရတဲ့အချိန်မှာ လင်းတုန်က အသက် ငယ်ငယ်လေးပဲ ရှိသေးတယ်.. လင်းကလန်ရဲ့ ထိပ်သီး ပါရမီရှင် လင်းလောင်တန်က သူ့အဖေကို လွာမှယ်လွယ်လေးနဲ့ အနိုင်ယူခဲ့တာကိုလည်း သူ ဘာမှမတတ်နိုင်ဘဲ ရပ်ကြည့်နေခဲ့ရတာလေ.. သူ့အဖေလည်း ရှုံးသွားတဲ့အခါမှာ သူတို့မိသားစု မျှော်လင့်ချက်တွေ ပျက်စီးသွားခဲ့ပြီး ကံကြမ္မာဆိုးငင်တဲ့ နေ့ရက်တွေ ရောက်ရှိလာခဲ့တော့တ်ယ်.. ငယ်သေးတဲ့ လင်းတုန်ရဲ့ စိတ်ထဲမှာ လက်စားချေဖို့ ဆန္ဒတစ်ခုက စွဲထင်သွားခဲ့တော့တယ်..
ဒီလိုနဲ့ လင်းတုန်က ဇွဲလုံ့လကို မလျှော့ဘဲ ကြိုးစားခဲ့လိုက်တာ တစ်နေ့ကျတော့ သူ့ကို အံ့သြဖွယ် အဆင့်တစ်နေရာဆီကို ပို့ပေးနိုင်တဲ့ ထူးဆန်းတဲ့ ကျောက်တုံးအဆောင်လက်ဖွဲ့လေးတစ်ခုကို ကောက်ရခဲ့တယ်..
စိတ်ထဲမှာ တေးထားတဲ့ လင်းလောင်တန်ကို သူ ပြန်ပြီး လက်စားချေနိုင်မလား.. ရှေ့လျှောက် ဘယ်လိုအခက်အခဲတွေ ..စွန့်စားခြင်းတွေနဲ့ ဘယ်လို အောင်မြင်အောင် ဖြတ်ကျော်နိုင်မလဲ..
စွန့်စားခြင်း.. တိုက်ခိုက်ခြင်း.. အချစ် အမုန်း အာဃာတတရား ရသမျိုးစုံ ရောပြွမ်းပြီး ခံစားစေရမဲ့ ဇာတ်လမ်းကောင်း စာစဥ်တစ်ပုဒ် ဖြစ်ပါတယ်..
