နတ်ရဲတောင်လျို့ဝှက်ချက် ၅
==================
ရူဘီနာမှာဖခင်ဖြစ်သူနဲ့အတူတောတက်လာ
ခဲ့၏ ။
ဖခင်ဖြစ်သူမှာလက်မူပညာတတ်မြောက်သူဖြစ်
သောကြောင့်လက်ဆွဲခြင်းများ၊စားပွဲကုလားထိုင်များ
ကိုကြိမ်ဖြင့်လက်ရာမြောက်စွာပြုလုပ်တတ်သူဖြစ်
၏ ။
ကြိမ်နွယ်မှာခုတ်ယူနေလှန်းပြီးခြောက်သွေ့ချိန်
မျိုးတွင်မှအသုံးပြု၍ရသောကြောင့်ကြိုတင်၍
ရသမျခုတ်ကာ နေလှန်းစုဆောင်းထားရန်ဖြစ်၏ ။
ကြိမ်ပင်မှာအပ်ကဲ့သို့ချွန်မြသောအဆူးအခက်များ
ပြည့်နှက်နေသောကြောင့် ဆူးမရှမိစေရန်သေချာ
ဂရုတစိုက်ကြိမ်နွယ်များကိုဖြတ်တောက်ခုတ်ထစ်
ရ၏ ။
ဖခင်ဖြစ်သူကြိမ်ခုတ်နေချိန်တွင် ရူဘီနာမှာ
တောင်ကြာပင်များလိုက်ရှာနေတော့၏ ။
တောင်ကြာဟုခေါ်တွင်သော်လည်းရေကန်တွင်
ပေါက်ရောက်နေသောကြာပန်းများနဲ့များစွာကွဲလွဲ
ချက်ရှိ၏ ။
ပထမအချက်အနေဖြင့်တောင်ကြာမှာကျောက်
တုံးကျောက်ဆောင်များသောတောင်များတွင်ပေါက်
ရောက်သော တစ်တောင်သာသာအမြင့်ရှိ၍အရွက်
မှာကြာရွက်နဲ့ဆင်သော်လည်းကြာရွက်ကဲ့သို့မကြီး
ပဲငါးနှစ်သားခလေးလက်ဖဝါးသာသာအရွယ်မျသာ
ရှိပြီး အပွင့်လည်းမပွင့်သလို အရွက်မှာလည်းတစ်
ရွက်သာရှိသောအပင်တစ်မျိုးဖြစ်၏ ။
ထိုတောင်ကြာတစ်ပင်လုံးမှာဆေးဖက်ဝင်
၏ ။
တောင်ကြာပင်အားနူတ်လိုက်ပါကအောက်ခြေ
တွင်သေးငယ်သောဥငယ်လေးတစ်ဥရှိနေတတ်၏။
တစ်ပင်လုံးပဉ္စငါးပါးထုထောင်း၍ ဒဏ်ရာအနာတရဖြစ်သောနေရာများတွင်လိမ်းအုံပေးပါက ထိခိုက်ဒဏ်ရာမှန်သမျ ပျောက်ကင်းစေ
သောအစွမ်းရှိ၏ ။
မီးလောင်ဒဏ်ရာများကိုပင်အမာရွတ်မကျန်
အောင်ပျောက်ကင်းနိူင်သောအစွမ်းမျိုးရှိသော
ဆေးဖက်ဝင်အပင်တစ်မျိုးပင်ဖြစ်သည်။
တခြားအပင်များနဲ့ရောနှောနေသော တောင်ကြာပင်ကို ဂရုတစိုက်ရှာနေသော
ရူဘီနာမှာ လွယ်လာသောကြိမ်ပလိုင်းအတွင်း
တောင်ကြာအတော်အတန်ရသောအခါ ကြိမ်တော
အတွင်းကြိမ်ခုတ်နေသောဖခင်ဖြစ်သူထံပြန်သွား
ရာခုတ်ပြီးသောကြိမ်နွယ်များကိုအဝိုင်းလိုက်ခွေခေါက်နေသောဖခင်ဖြစ်သူကိုတွေ့လိုက်ရ၏ ။
ရူဘီနာဖခင်မှာကြိမ်နွယ်ပင်ခွေကိုပခုံးတွင်လက်လျိုထမ်း၍ ရူဘီနာကတောင်ကြာပလိုင်းလွယ်၍
ရွာသို့ပြန်လာခဲ့ကြတော့၏ ။
ရွာနဲ့နီးကပ်လာချိန်အော်ဟစ်ငိုကြွေးသံများ
ကြားလိုက်ရသောကြောင့် သားအဖနှစ်ယောက်
စိုးရိမ်တကြီးဖြင့်ရွာသို့ခြေလှမ်းသွက်သွက်လှမ်း
လာခဲ့ကြတော့သည်။
”...ဟင်..မေမေ....ပါးပါး....လုပ်ပါအုံး
မေမေကိုခေါ်လို့မရတော့ဘူး....”
အပြေးတပိုင်းဖြင့်အိမ်အနီးရောက်ချိန်တွင်
မြင်လိုက်ရသောမြင်ကွင်းကြောင့်သားအဖနှစ်ယောက်ရင်ထဲဆို့နစ်သွားရတော့၏ ။
ရူဘီနာမိခင်ကြီးမှာမြေကြီးပေါ်တွင်
လဲကျနေခြင်းနဲ့အတူ ရင်ဘတ်မှထွက်နေသော
သွေးများကထိုနေရာမြေကြီးတဝိုက်တွင်အိုင်ထွန်း
လျက်ရှိနေ၏ ။
ရူဘီနာမှာမိခင်ကြီးမှာအသက်ပျောက်နေပြီ
ဖြစ်သောကြောင့် ရူဘီနာတစ်ယောက်မိခင်အလောင်းကိုပွေ့၍အူလိုက်သည်းလိုက်ငိုကြွေးနေသကဲ့သို့ ဖခင်ဖြစ်သူ
မှာလည်းမျက်ရည်ဖြိုင်ဖြိုင်စီးကျလျက်ဖြင့်ရှိနေပါ
တော့၏ ။
အေးချမ်းသာယာစွာရှိနေသောသူမတို့ရွအတွင်း
မည်သူကများရန်ငြိုးရန်စမရှိပဲ မိခင်ကြီးကိုသတ်သွားခြင်းကိုတွေး၍မရနိူင်ရှိနေ
ပါတော့သည်။
ထိုအချိန်မှာပင်တုတ်ဓားလက်နက်ကိုယ်စီ
ကိုင်ထားသော ရွာသားတစ်စုသူမတို့အိမ်ရှေ့ရောက်လာခဲ့ကြတော့
၏ ။
”....ဒီကောင်တွေ ဝေးဝေးမရောက်လောက်သေး
ဘူး ကျုပ်တို့လိုက်ရင်မှီနိူင်သေးတယ်...”
”....ဘာတွေဖြစ်နေကြတာလဲဗျာ ကျုပ်မိန်းမကို
ဘယ်သူကများအငြိုးတကြီးသတ်သွားတာလဲ...”
”...ကျုပ်တို့လည်းမသိဘူး မူရတီး ..တစ်ကိုယ်
လုံးအနက်ရောက်ဝတ်ရုံရှည်ဝတ်ထားတဲ့လူတစ်
စုရောက်လာပြီး ရွာထဲကမိန်းခလေးတွေကို
ဖမ်းခေါ်ကြတာ မိန်းခလေးတချို့ပါသွားတယ်..”
ရွာသားများနဲ့သူမဖခင်ပြောစကားများကိုကြား
နေရသော ရူဘီနာတစ်ယောက်ယခုမှညီမဖြစ်သူ
အားသတိရ၍ အိမ်တွင်းပြေးဝင်၍ ညီမဖြစ်သူအား
ရှာဖွေရာယခုမှညီမဖြစ်သူပျောက်ဆုံးနေမှန်းသိလိုက်ရတော့၏ ။
”..ပါးပါး...ကဘီနာ ပျောက်နေတယ်...ကဘီနာ
ရှာမတွေ့ဘူး...”
” ဒါဆိုသေချာတယ်.. ဟိုကောင်တွေဖမ်းတဲ့အထဲ
ပါသွားလောက်ပြီ...”
....ဟင်.....
သူမပြောစကားကိုရွာသားတစ်ယောက်က သူ့ထင်
မြင်ချက်ပြန်ဖြေစကားကြားရချိန် ရူဘီနာတစ်ယောက်တပူပေါ်နှစ်ပူဆင့် ဝမ်းနည်း
စရာကြုံရချိန်နောက်ဝမ်းနည်းစရာတစ်ခုထပ်လာ
တိုးရပြန်တော့၏ ။
”...ကျုပ်တို့ကဒီကောင်တွေနောက်လိုက်မယ်
မူရတီး ခင်များလည်းလိုက်ချင်လိုက်ခဲ့...”
”..မလိုက်ပဲ ဘယ်နေလို့ရမလဲဗျာ..ကျုပ်မိန်းမ
ကိုသတ် ကျုပ်သမီးကိုဖမ်းတဲ့ကောင်တွေကို
တွေ့လို့ကတော့နူတ်နူတ်စင်းပစ်မှာ....”
” ..ပါးပါး....ပါး...ပါး...မသွားပါနဲ့.. အန္တရယ်များလွန်းပါတယ်....”
”...မသွားလို့မရဘူး သမီးညီမလေးသူတို့နောက်
ပါသွားတာ ဖေဖေလိုက်ကယ်ရမှာပေါ့
ဘာမှစိတ်မပူနဲ့ဖေဖေပြန်လာခဲ့မယ်.....”
မေးရိုးကြီး
များထောင်၍အံ့ကြိတ်လျက် ကြိမ်ခုတ်ဓားကောက်
တိုကိုကိုင်ထားသောရူဘီနာဖခင်မှာရွာသားများနောက်လိုက်ပါသွားခဲ့ပြီဖြစ်၏ ။
ရွာတွင်းသို့ဝင်ရောက်လာသူများမှာ ယောက်ကျားသားများအလုပ်ခွင်ရောက်နေချိန်ကို
တွက်ဆရောက်လာခြင်းဖြစ်ပြီးရွာသူမိန်းခလေးများ
ကိုလာရောက်ဖမ်းဆီးခြင်းဖြစ်ပြီး သမီးဖြစ်သူအတွက်ကာကွယ်ခုခံသောမိခင်ကြီးကို
သတ်သွားခြင်းဖြစ်နိူင်ကြောင်းရူဘီနာတွေးလိုက်မိ၏ ။
ရူဘီနာတစ်ယောက် ဝမ်းနည်းပလက်ဖြင့်
မိခင်ကြီးအလောင်းဖက်ငို၍ဖြည်မဆည်နိူင်ခံစားနေရတော့၏ ။
ရွာထဲမှလူကြီးသူမတချို့ရောက်လာပြီး
မိခင်အလောင်းကိုမီးသဂြိုလ်ရန်စီမံနေကြတော့၏။
ရူဘီနာတစ်ယောက်မိခင်သေဆုံးရခြင်းအတွက်
ပူဆွေးဝမ်းနည်းနေရသလို၊ဖမ်းဆီးခေါ်ဆောင်သွား
ခြင်းခံရသောညီမဖြစ်သူနဲ့ ညီမဖြစ်သူကိုကယ်တင်ရန်ထွက်ခွာသွားသောဖခင်
ဖြစ်သူအတွက်လည်းစိတ်ပူနေမိရပြန်သည် ။
ရင်တမမဖြင့်အိမ်ရှေ့လမ်းပေါ်ထွက်၍ဖခင်
ဖြစ်သူနဲ့ညီမပြန်အလာကိုစောင့်မျော်နေမိသော
ရူဘီနာတစ်ယောက် ညနေမှောင်ရီပျိုးစအချိန်တွင်
တောင်ပေါ်မှဆင်း၍ရွာသို့ပြန်လာနေသောရွာသား
များကိုတွေ့လိုက်ရသောကြောင့်ငြိမ်စောင့်မနေနိူင်
တော့ပဲ ရွာသားများထံပြေးသွားလိုက်တော့၏ ။
”.....ပါးပါး....ပါးပါး....ညီမလေး....”
လူအုပ်အတွင်းညီမဖြစ်သူနဲ့ဖခင်အမည်ကိုခေါ်
၍မျက်လုံးဝေ့ဝိုက်၍လိုက်ရှာနေမိတော့၏ ။
ရွာသားများမှာသွေးရူးသွေးတန်းဖြစ်နေသော
ရူဘီနာကိုကြည့်၍ စိတ်မကောင်းဟန်မျက်နှာဖြင့်
ရှိနေကြ၏ ။
”....ပါးပါးကော.. ပါးပါး မတွေ့ပါလား..
ညီမလေးကိုကောရှာတွေ့ကြလား... ပြောကြပါအုံး....”
”...စိတ်ထိန်းနော် ရူဘီနော်...ငါတို့လမ်းမှာ
တိုက်ခိုက်ခံရတယ် ...အဲဒီမှာ...နင့်ပါးပါး....
အသတ်ခံလိုက်ရတယ်.....”
.....ဟင်......
..ရူဘီနာ...ရူဘီနာ.. သတိထားပါအုံး.....
တနေ့တည်းတွင်မိခင်ရောဖခင်ကိုပါဆုံးရူံးလိုက်
ရသည့်အပြင် ညီမဖြစ်သူကသေသည်မသိရှင်
သည်မသိရသော အခြေအနေမို့ ရူဘီနာမှာဖခင်
အကြောင်းကြားလိုက်ရချိန် ကမ္ဘာကြီးတစ်ခုလုံး
အိုးထိန်းစက်ကဲ့သို့ချာချာလည်နေသလိုခံစားရမိခြင်းနဲ့အတူလူကမတ်တတ်ပျော့ခွေလျက်ခံစား
မူအရှိန်ကြောင့်သတိလစ်မေ့မြောသွားပါတော့
သည်။
ရူဘီနာသတိရချိန်မှစ၍ငိုနေမိ၏ ၊ သူမအတွက်ပျော်ရွင်စရာမိသားစုကမ္ဘာလေးမှာ
အချိန်ခနလေးအတွင်းအစိတ်စိတ်အမွာမွာကွဲကြေ
သွားသောမှန်တချပ်ကဲ့သို့ပြန်၍ဆက်စပ်မရနိူင်
တော့မှန်းတွေးရင်းငိုနေမိခြင်းဖြစ်သည်။
မိဘများအတွက်ဝမ်းနည်းစွာငိုကြွေးနေရင်းမှ
ညီမဖြစ်သူအကြောင်းတွေးနေမိရာ စိုးရိမ်စိတ်များ
ဝင်လာမိပြန်၏ ။
ယခုအချိန်ဆိုလျင်ညီမဖြစ်သူမှာရန်သူလက်အတွင်းသေသည်ရှင်သည်မသိရပဲရှိနေ၏ ။
အကယ်၍အသက်မသေပဲရှိနေပါက အကူအညီ
ကိုမျော်လင့်နေမည်မှာသေချာနေသည်။
ဖခင်ကြီးသေဆုံးသည်ကိုမသိပဲဖခင်ကြီးလာ
ကယ်မည်မျော်လင့်ချက်ဖြင့်စောင့်နေသောညီမဖြစ်
သူအားစိတ်အတွင်းပြန်မြင်ယောင်ရင်း ပါးထက်မှ
ကျလာသောမျက်ရည်များလက်ဖမိုးဖြင့်ခပ်ကြမ်းကြမ်းပွတ်သုတ်လိုက်တော့သည်။
ယခုအချိန်တွင်ငိုကြွေးနေသည်ထက်
ကယ်ဆယ်မည့်သူကိုစောင့်ကြိုနေမည့်ညီမဖြစ်သူ
အတွက်အမတစ်ယောက်အနေဖြင့် သူမ ကြံ့ခိုင်
နေရမည်။
မိဖနှစ်ပါးကိုသတ်သွားသူများကိုပြန်၍လက်စား
ချေမည်အတွေးဖြင့် လက်သီးကိုကျစ်ကျစ်ပါအောင်
ဆုတ်လိုက်တော့၏ ။
နောက်တစ်နေ့၏မနက်စောစောအချိန်တွင်
ရူဘီနာတစ်ယောက် ရွာမှထွက်လာခဲ့တော့၏ ။
သူမကျောတွင် လေးနဲ့မြှားကိုလွယ်ပိုးထားပြီး
ဓားမြှောင်တစ်လက်ကိုဓားအိမ်တွင်ထည့်၍ခါးတွင်
တွင်ချပ်ထား၏ ။
ရူဘီနာမှာရှည်လျားသောဆံနွယ်များကိုခေါင်းတွင်
စုစည်း၍အဝတ်ပိုင်းတထည်ဖြင့်ခေါင်းပေါင်းထား၏။
ဝတ်စားထားသောအဝတ်အစားများမှာယောက်
ကျားလေးများဝတ်ဆင်သောအဝတ်အစားများကို
ဝတ်ဆင်ထားသောကြောင့် တခြားလူစိမ်းတစ်ယောက်သာ ရူဘီနာကိုတွေ့မည်
ဆိုပါက ကောင်ချောလေးတစ်ယောက်ဟုထင်မြင်
ကြမည်မှာသေချာနေ၏ ။
ရူဘီနာဖခင်မှာသားယောက်ကျားလေးအလွန်လိုချင်သူဖြစ်သော်လည်း ရူဘီနာမွေးဖွားလာချိန်
မိန်းကလေးဖြစ်နေခြင်းကြောင့် သားလိုချင်သော
ဖခင်ကြီးမှာရူဘီနာကိုယောက်ကျားလေးတစ်
ယောက်လိုဆက်ဆံ၍ ရိုးရာနပမ်းပညာများ၊ကိုယ်ခံ
ပညာများသင်ကြားပေးသည့်အပြင် သူတောတက်
တိုင်းလည်း ရူဘီနာကိုအဖော်အဖြစ်ခေါ်လေ့ရှိသူ
ဖြစ်သည်။
ထို့ကြောင့် ရူဘီနာမှာ ယောက်ကျားလေးဆန်သောစိတ်ရှိ၍မိမိကိုယ်ကို
ယုံကြည်မူရှိလာသည်မှာသူမဖခင်ကြောင့်ဖြစ်သည် ။
နတ်ရဲတောင်မှာ ကြီး၍မြင့်မားသောတောင်
ကြီးဖြစ်သောကြောင့် အဝေးမှကြည့်ပါကနီးမည်
ထင်မှတ်ရသော်လည်းတကယ်တမ်းသွားသောအခါမူအတော်ဝေးဝေးအရပ်တွင်ရှိ၍တောအုပ်များ
ဖြတ်သန်းသွားရမည်ဖြစ်ကြောင်း ရူဘီနာသိလိုက်
ရသည်။
ထို့ကြောင့်..နတ်ရဲတောင်ရှိရာကိုမှန်းဆ၍
တောတွင်းလျောက်လာနေစဉ် ပုံဆင်တူသော
သစ်ပင်များကြောင့်တောအုပ်ကြီးအတွင်းမျက်စိ
လည်လျက်ရှိနေပါတော့၏ ။
ထိုအချိန်မှာပင်မိန်းခလေးတယောက်အော်ဟစ်သံကြားလိုက်ရသောကြောင့်ထိုနေရာသို့ အပြေးအလွားရောက်သွားမိတော့၏ ။
မိန်းကလေးတစ်ယောက်ကိုအနက်ရောင်
ဝတ်ရုံရှည်ဝတ်ထားသူတစ်ယောက်ကထမ်းပြေး
နေကိုတွေ့လိုက်ရခြင်းကြောင့် အလွန်နီးကပ်နေသော အခြေအနေမို့ ခါးကြားမှ
ဓားတိုလေးကိုထုတ်၍ ပြေးလမ်းရှေ့မှပိတ်ရပ်
လိုက်တော့၏ ။
ဝတ်ရုံနက်ဝတ်ထားသူမှာမမျော်လင့်ပဲ
ရူဘီနာရောက်လာခြင်းကြောင့် အံ့သြသင့်သွားဟန်
ရှိကာ သူ့ပခုံးတွင်ထမ်းလာသော မေ့မြောနေပြီ
ဖြစ်သောမိန်းခလေးကို ပခုံးပေါ်မှပစ်ချလိုက်ရင်း
ခါးတွင်ချပ်ထားသောဓားရှည်ကိုဆွဲထုတ်၍
ရူဘီနာကိုတရှိန်ထိုးဝင်၍တိုက်ခိုက်လိုက်
တော့၏ ။
ရူဘီနာမှာတိုက်ခိုက်မူအတွေ့အကြုံနည်း
သည့်အပြင် လက်နက်အတိုအရှည်ကွာဟနေခြင်း
ကြောင့် တိုက်ပွဲတွင်အရေးနိမ့်နေလျက်ရှိနေတော့
၏ ။
....ရွတ်...အ....
....ဖောင်း....ဟင်.....
လက်နက်အတိုအရှည်ကွာဟချက်ကြောင့်
အဝေးမှတိုက်လျင် သူမအတွက်တပန်းရူံးနိမ့်နေသောကြောင့် ရူဘီနာ
မှာရှေ့သို့တိုး၍လူချင်းပူးကပ်၍တိုက်ခိုက်နေရာ
ဝတ်ရုံနက်မှဓားဖြင့်ဘေးတိုက်ပွတ်ဆွဲခြင်းကို
ဓားမြောင်ဖြင့်ကာထားရာမှလက်မောင်းသားလွတ်ထွက်၍ ရူဘီနာမှာ ဓားချက်ကြောင့်လက်မောင်းမှ.သွေးများဖြာကျလာ
သလိုကိုယ်တပတ်လှည့်၍ ရိုက်လိုက်သော သူမ
လက်ကထိုလူ့ခေါင်းပေါ်ရိုက်မိသွားရာ ဝတ်ရုံနက်
ခေါင်းဆောင်းနောက်သို့လန်ကျသွားခြင်းနဲ့အတူ
ထိုလူရုပ်သွင်ကိုတွေ့လိုက်ရချိန် ခနမျမှင်သက်
သွားမိတော့၏ ။
မျက်နှာတစ်ခုလုံးတွင်ဆေးမှင်စက်များမျက်နှာ
အပြည့်ထိုးထားခြင်းကြောင့်ကြည့်ရဆိုးနေသလို
မျက်လုံးများကကြောင်စီစီဖြစ်နေကြပြီး ဟထား
သောပါးစပ်အတွင်းမှသွားများမှာမည်းနက်နေ
ရာယခုလိုပုံစံမျိုးတစ်ခါမှမတွေ့ဖူးသော ရူဘီနာ
ကြောင်ငေးသွားမိခြင်းဖြစ်သည်။
ထိုလူမှာရူဘီနာသူအားငေးစိုက်ကြည့်နေခြင်း
ကြောင့်သူမျက်နှာကိုစမ်းသပ်ကြည့်ရာ မျက်နှာ
အကွယ်အကာမရှိကြောင်းသိလိုက်ရချိန် ရူဘီနာ
အားမတိုက်ခိုက်တော့ပဲ ခေါင်းဆောင်းကိုပြန်ဆောင်း၍တောအတွင်းသို့
ပြေးဝင်သွားတော့သည်။
ရူဘီနာမှာထိုလူမည့်သည့်အကြောင်းကြောင့်
ပြေးလွားခြင်းကိုမစဉ်းစားနေအားဒဏ်ရာကိုလက်တဖက်ဖြင့်အုပ်ကိုင်၍
ဒဏ်ရာရနေသောမိန်းကလေးအနီးတိုးကပ်ကြည့်
ရာမူးယစ်စေသောရနံ့တမျိုးမျိုးရူရိူက်ထား၍မေ့
မြောနေမှန်းသိလိုက်ရတော့၏ ။
”…ဒါတွေက ကျွန်မဒီကိုရောက်လာရတဲ့
အကြောင်းတွေပဲ.. ဦးလေး....”
ရန်မတီးတစ်ယောက်ရူဘီနာစကားအဆုံးတွင်
သက်ပြင်းချလိုက်မိ၏။
နုနုနယ်နယ်မိန်းခလေးတစ်ယောက်အတွက်
ဆိုးရွားလွန်းသော လောကဓံကို လောလောလတ်လတ်ကြုံထားရသော ရူဘီနာ
ဘဝအကြောင်းကြားလိုက်ရချိန်သားသမီးခြင်း
ကိုယ်ချင်းစာစိတ်ဖြင့်စိတ်မကောင်းမိရခြင်းဖြစ်သည်။
ရန်မတီးမှာလည်း သူတို့နယ်မှရွာသူများ
ပျောက်ဆုံးခြင်းကြောင့် ခရီးထွက်လာသည့်အကြောင်းများ ရူဘီနာအား
ပြန်ပြောင်းပြောပြနေ၏ ။
”....ဦးလေးအနေနဲ့ သမီးကိုတစ်ခုလောက်
ပြောချင်တယ် ဦးလေးတို့အဖွဲ့ဟာလည်း မိန်းခလေးတွေကယ်ဖို့ နတ်ရဲတောင်သွားမှာမို့
ဖြစ်နိူင်ရင်သမီးကို အိမ်ပြန်စေချင်တယ်...”
”..မပြန်ဘူးဦးလေး...သမီးမိဘတွေအတွက်
သူတို့ကိုတခုခုလက်တုန့်ပြန်ဖို့ဆုံးဖြတ်ချက်ချထား
ပြီးသားမို့ သမီးမပြန်ဘူး.. ဦးလေး...”
”…အဲလိုဆုံးဖြတ်ချက်ရှိတယ်ဆိုရင်လည်း
ဦးလေးတို့နဲ့အတူတူသမီးကိုလိုက်ခဲ့စေချင်ပါတယ်၊
ယောက်ကျားလေးတွေချည်းပဲဆိုပေမယ့်
ရိုင်းစိုင်းတဲ့ခလေးတွေမပါ ပါဘူး သမီးစိတ်အနှောင့်အယှက်မဖြစ်စေရဘူးလို့
ဦးလေးတာဝန်ယူပါတယ်.... ”
ရန်မတီးမှာ ဖြစ်နိူင်လျင် ရူဘီနာကိုယခုကိစ္စတွင်
ဝင်မပါစေလိုသော်လည်း လုံးဝမပြန်ရန်စိတ်ဆုံးဖြတ်ချက်ချပြီးသားဖြစ်သော
ရူဘီနာကြောင့် အနီးကပ်ကူညီပေးနိူင်ရန်သူနဲ့တပါ
တည်းလိုက်ပါရန်ခေါ်နေခြင်းဖြစ်ပါတော့သည်။
အိမ်အပြင်ဖက်တွင်ညနေစောင်းအချိန်မို့လေရူးများ
တသုန်သုန်တိုက်ခတ်လျက်ရှိနေပါ၏ ။
==========================
၆ ဆက်ရန်
မြူခိုးအလင်္ကာ