နတ်ရဲတောင်လျို့ဝှက်ချက်-၂
=================
ယခုအရပ်ဒေသမှာတစ်ခြားသောနယ်မြေ
များနဲ့အလှမ်းကွာဝေးသလိုဥပဒေလက်လှမ်းမမှီရာ
အရပ်ဖြစ်သောကြောင့်ရွာသားများအတွက်ဥပဒေ
ချမှတ်ပေးသူမှာ ရွာလူကြီးပင်ဖြစ်၏ ။
ရွာလူကြီးလုပ်သူမှာလည်းရှေးအဆက်ဆက်
ရွာလူကြီးများစည်းကမ်းချက်ကိုတဆင့်ပြန်လည်
အသုံးပြုသောရွာစည်းကမ်းဥပဒေမျိုးပင်။
ခိုးဝှက်သူကိုကြိမ်ဒဏ်၊ ခိုက်ရန်ဖြစ်ပွားသူများ
ကိုရွာပြင်ထုတ်၍ ကြိုးတုတ်၍ထားခြင်း၊ သူများသားမယားစော်ကားသူကိုအသက်သေဆုံး
ထိအထိပစ်ဒဏ်၊ လူသတ်မူကိုသေဒဏ်၊ စသော
အမူအကြီးအသေးအလိုက်ရွာလူကြီးမှ ကျောသား၊ရင်သားမခွဲခြားစီရင်ပေးရ၏ ။
ရွာလူကြီးတင်မြောက်ရာတွင်လည်းသမာသမတ်ကျသူကိုတင်မြှောက်သလို၊ ရွာလူကြီးအမိန့်စကား
နဲ့ပြုလုပ်ခိုင်းသောကိစ္စရပ်များရှိပါကငြင်းဆန်ခွင့်
မရှိပေ။
ရွာလူကြီးမှာလည်းသူ့ကိုယ်ရေးတာအတွက်
ရွာသားများကိုခိုင်းခွင့်မရှိပဲ ရပ်ရေးရွာရေးအတွက်
ခိုင်းခြင်းမျိုးသာရှိသည်။
သူ့အရပ်သူ့ဇတ်နဲ့အံဝင်ခွင်ကျရှိနေကြသော
အရပ်ဒေသတစ်ခုဟုဆိုရမည်ဖြစ်၏ ။
ပရမ်ကွမ်းမှာရွာလူကြီးရွေးချယ်သောအဖွဲ့တွင်
ပါဝင်သောကြောင့် မနက်စောစောထ၍
သူ့တကိုယ်စာလိုအပ်သည်များကိုထုတ်ပိုး၍
မိဘများကိုနူတ်ဆက်စကားဆိုကာမိုးတိမ်ကို
ပခုံးပေါ်တင်လိုက်ပြီးတစ်ခြားသူများနဲ့ချိန်းဆိုထား
ရာဆုံမှတ်ဖြစ်သော ရွာထိပ်သို့လျောက်လာခဲ့တော့
၏။
ရွာထိပ်တွင်အရွက်ဖားဖားများဝေလျက်
လူနှစ်ယောက်ဖက်စာမျရှိသော သစ်ပင်ကြီးတစ်
ပင်ရှိပြီးထိုသစ်ပင်ဘေးတွင် ရွာသားများကိုးကွယ်
သောနတ်စင်တစ်ခုတည်ဆောက်ထားသည်။
သူကြီးဇောင်ပရမ်းနဲ့နတ်ဆရာမဒလိမှာ
အစောကြီးအချိန်ကတည်းကပင်ထိုအပင်ကြီး
အောက်ရောက်ရှိနေကြပြီး ပြုတ်ထားသောကြက်
ဖိုကြက်မတစ်စုံကိုနတ်စင်တွင် နတ်ဆရာမှပွဲဆက်
၍နူတ်မှတတွတ်တွတ်ရွတ်ဖတ်နေ၏ ။
အဖွဲ့သားများစုံသောအခါနတ်ဆရာမှ
အဖွဲ့သားဆယ့်တစ်ယောက်ကို သူတို့ကိုးကွယ်ရာ
ရိုးရာနတ်ထံတိုင်တည်အပ်နှံ၍ လမ်းခရီးတွင်ဘေး
ဒုက္ခမတွေ့စေရန်အကူအညီအတောင်းခံနေ၏။
နတ်အပ်ပွဲပြီးဆုံးချိန်တွင်ရန်မတီးဦးဆောင်
သောအဖွဲ့မှာ ခရီးတစ်ခု၏အစအဖြစ်ရွာမှထွက်ခွာ
လာခဲ့ကြပြီဖြစ်၏ ။
သူကြီးဇောင်ပရမ်းနဲ့ နတ်ဆရာ မဒလိတို့နှစ်
ယောက်မှာ ပဟေဠိဆန်စွာပျောက်ဆုံးသွားသော
မိန်းခလေးများကိုရှာထွက်သွားကြသောရွာသား
အဖွဲ့ဘေးကင်းစွာဖြင့်မိန်းခလေးများကိုအမြန်ရှာ
တွေ့နိူင်စေရန်ဆန္ဒပြုလျက်ရှိနေကြပါတော့၏ ။
ရွာသားအဖွဲ့ကိုဦးဆောင်သူရန်မတီးမှာအသက်ငါး
ဆယ်အရွယ်ရှိပြီဖြစ်သော်လည်းတောင့်တင်းကြံ့ခိုင်
ဆဲပင်ဖြစ်၏။
လူပျိုပေါက်အရွယ်ကတည်းကပင်ဖခင်မုဆိုးကြီး
ထံမှ မုဆိုးပညာကိုလက်ထပ်သင်ထား၍ မုဆိုး
အတွေ့ကြုံကြွယ်ဝသူတစ်ယောက်ဖြစ်ပြီး ကျားကဲ့
သို့တောဘုရင်မျိုးကိုပင်တစ်ယောက်တည်းပစ်ခတ်
ရရှိဖူးသူဖြစ်၍သတ္တိအရာတွင်အထူးတလည်ဖော်ပြ
ရန်လိုအပ်မည်မထင်ပေ။
တောသဘာတောင်သဘာဝနဲ့အကျွမ်းအဝင်၍
သူအတွေ့အကြုံများကိုဖော်ပြ၍မကုန်နိူင်အောင်များပြားလွန်းလှ၏ ။
အသက်အရွယ်ကြောင့်မုဆိုးအလုပ်ကိုစွန့်လွတ်
၍တောင်ယာလုပ်ငန်းပြောင်းလဲလုပ်ကိုင်နေသည်မှာသုံးလေးနှစ်ခန့်ရှိပြီဖြစ်သော်လည်းယခုလိုရွာအတွက်သေရေးရှင်ရေးကိစ္စပေါ်လာချိန်ရဲစွမ်းသတ္တိ
ရှိသော်လည်းအတွေ့အကြုံနူနယ်သောလူငယ်များ
ကိုဦးဆောင်၍ ပျောက်ဆုံးနေသောရွာသူမိန်းကလေးများကိုရှာဖွေ
ရန်ရွာသူကြီးဇောင်ပရမ်းကသူ့အားတာဝန်ပေးလာ
ချိန်တွင် သူကိုယ်တိုင်လည်းထိုတာဝန်ကိုကျေကျေ
နပ်နပ်ကြီးကြီးလက်ခံလိုက်သူဖြစ်သည်။
ရန်မတီးဦးဆောင်သောအဖွဲ့မှာနေ့တဝက်
ခန့်ခရီးနှင်ပြီးသော် တခြားသောတောင်ပေါ်ရွာငယ်
တစ်ရွာသို့ရောက်လာခဲ့ကြတော့၏ ။
ထိုရွာမှသူ့သူငယ်ချင်းအိမ်တွင်နေ့လည်စာစား
ကြရင်း သတင်းစကားစနည်းနာကြည့်ကြရာ
ထိုရွာတွင်လည်းမိန်းမပျိုလေးတချို့ပျောက်ဆုံး
သွားကြောင်းသိကြရပြန်၏ ။
စားသောက်ပြီးသော်အိမ်ရှင်ကိုနူတ်ဆက်၍
ခရီးဆက်ထွက်ခဲ့ကြပြန်တော့၏ ။
ထိုသို့ဖြင့် မရပ်မနားဖြင့်ခရီးနှင်နေကြသော
ရန်မတီးတို့အဖွဲ့မှာ တနေကုန်ခရီးရောက်နိူင်သမျ
သွားကြရင်း ညဖက်တွင်သာအနားယူကြ၏ ။
ရွာတွေ့လျင်ရွာတွင်အိပ်စက်၍ရွာမတွေ့ပါက
တောတွင်းဖြစ်သလိုပင်အိပ်စက်ကြ၏ ။
ခရီးထွက်လာသောရက်သုံးလေးရက်ခန့်
ကြာချိန်တွင်
လမ်းတွင်ရှိသောရွာတွင်ဝင်ရောက်
တည်းခို၍မိန်းကလေးများအကြောင်းသတင်းစုံစမ်း
ကြည့်ရာထိုရွာများတွင်လည်းမိန်းကလေးများပျောက်ဆုံးကြောင်းသိရပြန်၏
မိန်းကလေးများပျောက်ဆုံးသည်မှလွဲ၍မိန်းကလေး
များကိုမည်သူမည်ဝါဖမ်းဆီးသွားသည်ဆိုခြင်းကိုမူ
သဲလွန်စတစ်စုံတရာ မသိရှိရပေ။
ရန်မတီးတို့လူစုမှာသဲလွန်စတစ်စုံတရာမရှိ
စမ်းတဝါးဝါးခရီးဆက်နေကြရသော်လည်း လက်
လျော့၍ရွာပြန်မည့်အစီအစဉ်မရှိပေ။
ရန်မတီးမှာတောင်ဖက်အရပ်တချို့ကိုလှည့်လည်
စုံစမ်းရာတွင် သဲလွန်စတစ်စုံတရာမရသောကြောင့်
အခက်တွေ့နေရ၏ ။
ယခုထက်ရှေ့ဆက်ပို၍သွားပါကထိုနေရာ
ဒေသများသို့သူမရောက်ဖူးခြင်းကြောင့် အခက်တွေ့
ရနိူင်၏ ။
သို့ရာတွင်နောက်ဆုတ်မည့်အစီအစဉ်မရှိ
သောကြောင့် ရှေ့သို့ဆက်သွားရန်သာဆုံးဖြတ်
လိုက်တော့၏ ။
ရန်မတီးမှာလူငယ်များကိုအထူးသတိဝိရိယ
ထားရန်မှာကြား၍သူတို့တကြိမ်တခါမျမရောက်ဖူး
သောနယ်မြေအသစ်သို့ ခရီးနှင်ခဲ့ကြတော့၏ ။
တောမှာလူသူအရောက်အပေါက်နည်းပါး
ခြင်းကြောင့်သစ်ပင်ကြီးများမှာတစ်ပင်နဲ့တစ်ပင်
အကိုင်းများယှက်၍ အရွက်များထူပိန်းနေမူကြောင့်
နေပျောက်မထိုးနိူင်အောင်ရှိနေ၏ ။
ရန်မတီးမှာရှေ့နောက်ဝဲယာနေရာမလပ်
သတိထားကြည့်၍ ခြေလှမ်းကိုဂရုတစိုက်လှမ်းနေ၏။
မြေအမျိုးအစား၊ပတ်ဝန်းကျင်အခြေအနေ
အရယခုလိုနေရာမျိုးတွင်အသားစားပဒူအုံကြီးများ
မြေကြီးအောက်တွင်ကျင်းဖွဲ့၍ရှိနေတတ်သောကြောင့်ဖြစ်၏ ။
ပဒူအုံများမှာအကောင်ငယ်သော်လည်း
အုံလိုက်ကျင်းလိုက်ဖြင့်မြေကြီးအောက်တွင်စုဖွဲ့နေတတ်ကြပြီး အပေါ်ယံမြေသားကို သဘာဝအတိုင်း
ရှိနေစရန်ပြုလုပ်၍သူတို့သားကောင်ကိုထောင်ချောက်ဆင်ထားတတ်ကြသည်။
အသေအချာဂရုတစိုက်ကြည့်ပါကသိနိူင်
သော်လည်း ပေါ့လျော့မိပါက ပေးဆပ်ရမည့်
လျော်ကြေးက အသက်ပင်ဖြစ်သည်။
လူကိုမဆိုထားနဲ့ကိုယ်ခန္ဓာကြီးမားသော
ဆင်ကြီးများပင် ပဒူကျင်းသို့ခြေကျွံ့ကျမိပါက
နာရီပိုင်းအတွင်း အရိုးကျအောင်စားသောက်
တတ်ကြသောအကောင်များပင်ဖြစ်၏ ။
...ဝေါ...ဝေါ....ဝေါ....ဝေါ.....
...ဘာသံတွေလဲ....
...တောလဲသံကြီးဒီဖက်ကိုလာနေသံပဲ...
..အားလုံးအသံမထွက်ကြနဲ့ဘေးလွတ်ရာ
အကာအကွယ်ယူထားကြမယ်....
တရွေ့ရွေ့တောတွင်းလျောက်နေကြစဉ်
သူတို့ရှေ့ခပ်လှမ်းဆီမှ တဝေါဝေါအသံကြီးရွေ့
လျားလာသံကြောင့်အားလုံးခြေလှမ်းပြိုင်တူရပ်
လိုက်ကြရင်း လူငယ်များမှာတစ်ယောက်တစ်ပေါက်ပြောဆိုနေ
ကြခြင်းကြောင့် ရန်မတီးမှာလူငယ်များကိုအသံမထွက်စေရန်သတိ
ပေးလိုက်ရင်း သစ်ပင်ကျောက်တုံးကြီးများနောက်သို့အကာအကွယ်ယူ၍ သူတို့ရှေ့မှကြားနေရသောအသံလာရာ
သို့စိတ်ဝင်တစားမျော်ကြည့်နေမိကြတော့၏ ။
အသံများမှာ တဝေါဝေါတဖျောဖျောဖြင့်အရှိန်
အလျင်အမြန်လာနေခြင်းဖြစ်၏ ။
ထိုအသံပိုင်ရှင်မှာမည်သည့်သတ္တဝါအမျိုး
အစားဆိုခြင်းကို မုဆိုးတက်သစ်စလူငယ်များမဆိုထားဘိ။
ဝါရင့်မုဆိုးကြီး ရန်မတီးပင် မှန်းဆ၍ မရနိူင်အောင်ရှိနေသည်။
အားလုံးအကာအကွယ်နောက်မှနေ၍
နီးကပ်လာသောအသံရှိရာသို့ဒူးလေးမောင်းတင်၍
ပစ်ခတ်ရန်အသင့်ချိန်ထားလျက် ရင်ခုန်စိတ်လူပ်
ရှားနေမိကြတော့၏ ။
အသံမှာသူတို့နဲ့တဖြည်းဖြည်းနီးကပ်လာသလို
ရှေ့ပြေးအဖြစ်လန့်ဖျတ်ကာပျံပြေးလာကြသော
တောကြက်များတောကြက်များ၊ ယုန်၊ချေငယ်လေး
များမှာ ပုန်းအောင်းနေသောသူတို့လူစုအနီးမှဖြတ်
ပြေးသွားကြ၏ ။
ကြားလိုက်ရသောကြောက်စရာအသံ
ကြီးသူတို့အနားသို့နီးကပ်လာချိန်ထိုကြောက်စရာ
အသံပိုင်ရှင်ကိုမြင်လိုက်ရသော သူတို့လူစုမျက်လုံး
များပြူးကျယ်ကုန်ကာ လူမှာလည်းကျောက်ရုပ်
ကြီးများအလားငြိမ်သက်ကုန်ကြတော့သည်။
သူတို့ရှေ့တွင်မြင်ရသည်မှာကား
မြွေကြီးတစ်ကောင်ဖြစ်၏ ။
မြွေကြီးဆိုရာတွင်သာမာန်မြွေများထက်
အဆမတရာမကကြီးသောမြွေကြီးတစ်
ကောင်ဖြစ်နေသောကြောင့်ဖြစ်သည်။
ကိုယ်ခန္ဓာမှာ စည်ပိုင်းခန့်မျရှိ၍ အရှည်မှာ
ဆယ့်လေးငါးတောင်ခန့်မျအရှည်ရှိပြီးမျက်လုံးမှာ
ဟင်းစားပန်းကန်လုံးအရွယ်အစားရှိကာ ကိုယ်ခန္ဓာကိုယ်
လိမ်တွန့်၍လာရာတချို့သေးငယ်သောသစ်ပင်ငယ်တချို့မှာ မြွေကြီးကိုယ်လုံးရိုက်အားကြောင့်
ကျိုးကြေကုန်သလို ကျောက်ခဲငယ်တစ်ချို့မှာလည်းကိုယ်လုံးတွန့်လိမ်
အားဖြင့်ဘေးသို့လွင့်ထွက်၍ သစ်ပင်များကိုအရှိန်
ဖြင့်ပြင်းထန်စွာထိမိရာကျောက်တုန်းထိမှန်ရာနေရာမှပင်စည်အခေါက်များဖွာခနဲ ထွက်ကုန်ကြ၏ ။
အစပထမမြွေကြီးပြေးလာချိန်တွင် ရန်မတီးတို့
လူစုမှာမြွေကြီးမှာသားကောင်တစ်ကောင်နောက်သို့လိုက်လာခြင်းဟု လျပ်တပျက်ထင်မြင်မိကြ၏ ။
သို့ရာတွင်
သူတို့ထင်သလိုမျိုးမဟုတ်ပဲမြွေကြီးတစ်ကောင်တည်းကိုသာတွေ့ရပြီးတစ်ခြားမည်သည့်အကောင်
ကိုမှမတွေ့ရခြင်းကြောင့် မြွေကြီးမှာ အမဲလိုက်ခံ
နေရမှန်းသိလိုက်ကြရတော့၏ ။
ထိုမျ အရွယ်အစားပမာဏကြီးမားသော
မြွေကြီးကိုအမဲလိုက်ခြင်းမှာမည်သည့်အကောင်မျိုး
ဟုမတွက်ဆနိူင်သော်လည်း ထိုမြွေထက်ကြီးမည်
ဟုအားလုံးတွက်ဆလိုက်ကြမိ၏ ။
မြွေကြီးမှာသူတို့ရှေ့ခပ်လှမ်းလှမ်းတွင်ခနရပ်
လိုက်ပြီးသူ့ရန်သူလိုက်လာမလိုက်လာနားစွင့်နေဟန်ခေါင်းထောင်လျက်ရှိနေ၏ ။
ရန်မတီးတို့လူစုမှာလည်းတိုက်ပွဲကြားတွင်
ညှပ်နိူင်သောအခြေအနေမို့ရင်တမမဖြင့်ပုန်းကွယ်နေရာမှကြည့်နေမိကြ၏ ။
ထိုသို့ရှိနေချိန်မှာပင်မြွေကြီးမှာ ရုတ်တရက်
တစ်စုံတရာကိုတွေ့ရဟန်ခေါင်းလှည့်၍ရုတ်တရက်
လာရာလမ်းသို့လှည့်ပြေးရန်ပြုလိုက်စဉ်မှာပင်တုံခနဲကိုယ်ခန္ဓာတချက်တုန်သွားပြီး ခနမျရုန်းကန်လူပ်ရှား၍ ငြိမ်သက်သွားတော့၏ ။
ရန်မတီးတို့လူစုမှာရုတ်တရက်မို့မြွေကြီးဘာ
ဖြစ်သွားမှန်းမသိငြိမ်ကျသွားခြင်းကြောင့်နားမလည်
နိူင်စွာတအံ့တသြရှိနေကြတော့၏ ။
ထိုမျကြီးမားသောမြွေကြီးမှာမိနစ်ပိုင်းအတွင်း
တိုက်ခိုက်ခံလိုက်ရခြင်းနဲ့အတူ တိုက်ခိုက်သော
အကောင်ကိုမမြင်လိုက်ရခြင်းက သူတို့ဦးနှောက်ကိုပို၍တွေးရကြပ်စေ၏ ။
ရန်မတီးမှာအစပထမမြွေကြီးထိုသို့ဖြစ်သွား
ခြင်းအားသူကိုယ်တိုင်နားမလည်နိူင်ဖြစ်သွားရမိ၏ ။
နောက်မှသူအဖေထံမှကြားဖူးသောအကြောင်း
အရာတချို့ကိုသတိရသောကြောင့် ပူပန်နေသော
စိတ်တဝက်ပြေလျော့သွားရတော့၏ ။
ပို၍သေချာစေရန် တခြားသူများကိုနေရာတွင်
ယခုအတိုင်းနေရန်လက်ဟန်ခြေဟန်ဖြင့်သတိပေး
၍သူတစ်ယောက်တည်းမြွေကြီးငြိမ်သက်ရာနေ
ရာသို့သတိထား၍တိုးကပ်လာခဲ့တော့၏ ။
သစ်ကိုင်းခြောက်တစ်ချောင်းကိုကောက်၍
ငြိမ်သက်နေသောမြွေကြီးကိုထိုးကြည့်ရာမြွေကြီး
မှာတုတ်တုတ်မျမလူပ်သောကြောင့် စိတ်ချသွား
ရပြီးတစ်ခြားသူများကိုထွက်လာရန်အချက်ပြ၍
မြွေကြီးတစ်ကိုယ်လုံးကိုစေ့စေ့စပ်စပ်လိုက်ရှာကြည့်နေမိ၏ ။
”..နည်းတဲ့မြွေကြီးလား မြွေဆိုတာထက်
နဂါးလို့တောင်ပြောရမယ် ထိပ်မှာအမောက်ကလေးတောင်ပါသေးတယ်...”
”...ဒီလောက်ကြီးတဲ့မြွေမျိုးကဘာကိုကြောက်ပြီး
ပြေးလာတာလဲ... ”
” အေးကွ..မျက်စိရှေ့မှာပဲသေသွားတာ
နားကိုမလည်နိူင်တော့ပါဘူး....”
ပရမ်ကွမ်းအပါအဝင်လူငယ်တစ်စုမှာယခုလို
အရွယ်အစားမြွေမျိုး ပထမဆုံးမြင်ဖူးရာတအံ့တသြ
ဖြင့်တယောက်တပေါက်ထင်ရာမြင်ရာပြောဆိုနေကြချိန်တွင် မြေကြီးတစ်ကိုယ်လုံးကိုစေ့စေ့စပ်စပ်
လိုက်ကြည့်နေသောရန်မတီးမှာ မြွေကြီးဦးခေါင်း
ပိုင်းနေရာမှ မဲနက်နေသော နေရာတစ်ခုကိုကြည့်
ရင်းယခုမှအဖြစ်အပျက်ကိုသူ့စိတ်တွင်းဇတ်ရည်
လည်သွားတော့၏ ။
”...မြွေကြီးကိုဘာကြောင့်သေသွားလဲ
အဖြေရပြီ.. နဂါးရုံကောင်ကမြွေကြီးကိုသတ်သွား
တာပဲ....”
..ဟင်...
...ဟာ .နဂါးရုံကောင်ကသတ်တာဟုတ်လား...
...နဂါးရုံဆိုတာ ဘယ်လိုအကောင်မျိုးလဲ.. အဘ....
”...နဂါးရုံဆိုတာ ငါတို့အနီးအနားမှာခနခနတွေ့ရ
တတ်တဲ့အကောင်မျိုးပါပဲ အရွယ်အစားကပျားလောက်ပဲရှိမယ် ပျားလောက်
ကိုယ်ထည်မကြီးဘူးအတောင်နီနီရဲရဲနဲ့ ရွံ့နွံတွေနဲ့
အပင်၊့မြေကြီးတွေမှာအိမ်ဖွဲ့နေတတ်ကြတယ်
အုပ်စုဖွဲ့ပြီးမနေတတ်ကြဘူး တစ်ကောင်၊နှစ်ကောင်
အများဆုံးပဲ....”
”...ဟုတ်လားအဘ.. အဲဒီနဂါးရုံအဆိပ်က
ဒီလောက်မြွေကြီးကိုတောင်တုန်းခနဲသေတာ
ဆိုတော့ အဆိပ်အတော်ပြင်းတာပဲနော်...”
”..ဟုတ်ပ လူကိုထိုးမိရင်မလွယ်ဘူးနော်..အဘ.”
” နဂါးရုံကိုတချို့ကမြွေဘုရင်လို့ခေါ်ကြတယ်
သူတို့ကရန်လိုတတ်တဲ့ကောင်မျိုးမဟုတ်ဘူး
ခုလည်းဒီမြွေကြီးကသွားရင်းလာရင်းသူ့ကို
ထိခိုက်မိပုံရတယ်...နဂါးရုံလိုက်ခံရတဲ့မြွေက
သူတို့ဟာသူတို့အဆိပ်ဘယ်လောက်ပြင်းပြင်း
သေတာများတာပါပဲ..
ရေထဲငုတ်ပြေးရင်တောင်အပေါ်ကပေါ်လာမယ့်အချိန်စောင့်ပြီး ထိုးသတ်တာပါပဲ ...
လူကိုမတော်တဆထိုးမိရင်မသေပါဘူး
အဆိပ်နည်းနည်းတက်ပြီးထိုးခံရတဲ့နေရာကကိုက်မယ်ယောင်ရမ်းလာမယ် အဲလောက်ပါပဲ...
မြွေအတွက်ကျတော့ နဂါးရုံအဆိပ်တချက်က
သေမင်းပေါ့....”
”...အဘပြောမှပဲ နဂါးရုံဟာ မြွေနိူင်မှန်းသိရတော့တယ်...”
”...အဘကော နဂါးရုံအကြောင်းသိနေတာ
အရင်ကတည်းကနဂါးရုံနဲ့မြွေတိုက်ခိုက်တာကြုံ
ဖူးလို့လား...”
” အဘတော့ မကြုံဖူးပါဘူး...အဘဖေကြုံဖူးတဲ့
အဖြစ်အပျက်တစ်ခုပါ
နဂါးရုံက အဘအဖေရဲ့အသက်သခင်ကျးဇူးရှင်
ဖြစ်ခဲ့ဖူးတယ်လေ...”
”...ဟုတ်လား..ကျွန်တော်တို့ကိုလည်းအဲအကြောင်းပြောပြပါလား...”
” ကျွန်တော်တို့လည်းနားထောင်ချင်တယ် အဘ..”
”...ကဲ..ကောင်းပြီ.. ခနတဖြုတ်အမောဖြေ
နားရင်းပြောပြရတာပေါ့.. ”
ရန်မတီးမှာလူငယ်များကိုမြွေဘုရင်နဂါးရုံအကြောင်းပြောပြရင်းမှ သူဖခင်ကြုံရသောအကြောင်း
သိလိုစိတ်ဖြင့်နားထောင်လိုသောလူငယ်များက
ပြောပြရန်တောင်းဆိုလာကြခြင်းဖြစ်၏ ။
ရန်မတီး သစ်ပင်ကြီးတစ်ပင်အောက်တွင်ပင်စည်ကိုကျောမှီ
၍ထိုင်ချလိုက်ရာလူငယ်များမှာရန်မတီးကိုဝိုင်းဖွဲ့
ဝင်ထိုင်၍သူတို့သိလိုသော နဂါးရုံကောင်ဇတ်လမ်း
ကိုနားစွင့်နေကြတော့၏ ။
==========================
တစ်ခုသောမိုးရာသီတွင် ကာထန်တို့သူငယ်ချင်း
သုံးယောက်မှာအိမ်အတွက်သုံးရန်ဝါးသွားခုတ်ကြ
ရန်တိုင်ပင်ကြ၍ နွေရာသီတွင်ရေတစ်စက်မှမရှိသော်လည်း မိုးရာသီတွင် တောင်ကျချောင်းရေများ ဝါးလုံးထိုးစီး
ဆင်းနေသော ရွာနဲ့ခပ်လှမ်းလှမ်းချောင်းဘေးမှ
အထက်ဖက်ဝါးတောရှိရာဆန်တက်ခဲ့ကြတော့၏ ။
သူတို့စိတ်ကူးမှာတနေကုန်ဝါးများကိုရသမျ
ခုတ်မည်။နောက်တစ်နေ့တွင်ရသမျဝါးများကို
ဖောင်ဖွဲ့၍ အပေါ်မှအောက်သို့စုန်ဆင်းမည်စိတ်ကူး
ကြောင့်တစ်ညအိပ်နှစ်ရက်ခရီးအတွက်ရိက္ခာတချို့၊ထမင်းအိုးတစ်လုံး၊ဟင်းအိုးတစ်လုံးယူဆောင်
၍ဝါးလုံးအတော်အသင့်ကြီးသောဝါးတောကိုရွေး
ချယ်၍စားချိန်မှလွဲ၍ဝါးခုတ်ကြတော့၏ ။
အားလုံးမှာလုပ်ငန်းကျွမ်းကျင်သူများမို့
တနေကုန်တနေခမ်းမနားမနေဝါးခုတ်ကြရာ
လိုအပ်သောဝါးပမာဏရရှိသောကြောင့်
ဝါးတောတွင်ဖြစ်သလိုတညအိပ်၍နောက်နေ့မနက်
စောစောတွင်နွယ်ပင်၊ကြိမ်ပင်တချို့ကိုရှာ၍ဝါး
ဖောင်ဖွဲ့ကြတော့၏ ။
တစ်ယောက်ကခုတ်ပြီးသမျဝါးများကို
ချောင်းစပ်သို့သယ်ပေးပြီး ကျန်နှစ်ယောက်က
ချောင်းဘေးရေစပ်စပ်တွင်ကြိမ်နွယ်များဖြင့်ဝါးများ
ကိုချည်နှောင်၍ဖောင်ဖွဲ့နေကြတော့၏ ။
သယ်စရာဝါးကုန်ချိန်တွင်ဝါးသယ်ပေးသော
တစ်ယောက်မှာ အားလုံးစားသောက်ရန်ထမင်း
ချက်ပြုတ်ရန်ပြင်ဆင်တော့၏ ။
ထမင်းတစ်အိုးကျက်သောအခါ ၊ ချို့ကိုဟင်းအတွက်ဝါးတောအတွင်းဝင်၍မျှစ်တချို့ကိုဟင်းချက်ရန်ချိုးယူနေစဉ်တောင်ကမ်းပါးယံမိုးလွတ်ရာနေရာတစ်ခုတွင် ကြီးမားသောဥကြီးနှစ်ဥ
ကိုတွေ့ရာဝမ်းသာအားရဖြင့်ယူဆောင်လာခဲ့တော့၏။
မျှစ်များကို အပေါ်ယံအခွံမာများသုတ်သင်၍
ချက်ပြုတ်နေစဉ်၊ ဥကြီးနှစ်ဥကိုအပေါ်ထိပ်ကို
အနည်းငယ်ဖွင့်၍ အင်ဖက်ဖြင့်သေချာစွာထုတ်ကာ
မီးအရှိအနည်းငယ်ဖြင့်ဖုတ်နေပါတော့၏ ။
အပေါ်ထိပ်အနည်းငယ်ဖွင့်ထားခြင်းမှာ
ဥကိုအလုံးမပျက်မီးဖုတ်ပါက ပေါက်ထွက်တတ်သောကြောင့်ဖွင့်ထားရခြင်း
ဖြစ်၏ ။
ထမင်းစားချိန်ရောက်သောအခါ
ကျန်သူများမှာထိုဥနှစ်လုံးမှာဘယ်အကောင်ဥ၊
ညာအကောင်ဥခန့်မှန်းပြောဆိုကြရင်းဆားအနည်း
ငယ်လူး၍စားကြည့်ကြရာအလွန်စားကောင်းသော
ကြောင့်ဘာဥညာဥတွေးမနေကြတော့ပဲစားသောက်လိုက်ကြတော့၏ ။
ထို့နောက်
ဝါးဖောင်မှာလည်းပြီးစီးနေသောကြောင့်အချိန်ဆွဲမနေကြတော့ ထိုးဝါးတစ်ယောက်တစ်ချောင်းကိုင်
၍ဝါးဖောင်ကိုကမ်းမှခွာ၍ကျောက်တုံးကျောက်ဆောင်များနဲ့မတိုက်မိစေရန်ထိုးဝါးများထိုး၍ရေစီး
အတိုင်းမျောနေကြစဉ် သူတို့ဖောင်ဘေးကမ်းစပ်
တလျောက်မှလူ့ပေါင်လုံးအရွယ်ငန်းမြွေကြီးတ
ကောင်မှာဖောင်နောက်သို့တရှိန်ထိုးလိုက်နေ
ကြောင်းကိုသုံးယောက်သားမသိရှိကြပေ။
ချောင်းကျည်းမှလွန်မြောက်၍ချောင်းမကြီးသို့
ရောက်သွားရာဖောင်မှာကမ်းစပ်နဲ့အတော်ဝေးသွား
အငြိုးတကြီးဝါးဖောင်နောက်သို့လိုက်လာသောငန်းမြွေကြီးမှရေစုန်အတိုင်းမျော၍ဖောင်နောက်လိုက်လာတော့၏ ။
”..ဟာ..ဟိုမှာမြွေကြီးတစ်ကောင်....”
”...ဟေ့ကောင်တွေသတိထားဖောင်နောက်လိုက်
လာတာကြ...”
”...ဘယ်လိုလုပ်ကြမလဲ မြွေကအရမ်းနီးလာပြီး..”
မြွေကြီးမှာခေါင်းတလုံးဖော်၍ဒေါသဖြစ်နေဟန်
ပါးခွက်ကြီးထောင်၍ဖောင်အနီးကပ်လာသောကြောင့်အားလုံးကြောက်လန့်တကြားရှိနေစဉ်မြွေ
ကြီးမှာဝါးဖောင်အနီးရောက်လာပြီးဝါးဖောင်ပေါ်တက်လာရာ ပေါင်လုံးအရွယ်ငန်းမြွေကြီးကိုကြည့်
၍အားလုံးကြောက်လန့်စိတ်များထိန်းမနိူင်သိမ်းမရ
ဖြစ်ကုန်ကြတော့သည်။
ရေထဲဆင်းပြေးမည်ဆိုပါကလည်းမြွေကိုက်၍
မသေလျင်တောင် ရေစီးကြမ်းလွန်းခြင်းကြောင့်ကူးခတ်မရပဲသေဆုံး
ဖို့ရာခိုင်နူန်းများနေသလို၊ဝါးဖောင်ပေါ်ဆက်နေပါ
ကလည်း မြွေကြီးကြောင့်သေရမည့်အဖြစ်မို့
သုံးယောက်သားပူးကပ်၍ထိုးဝါးကိုယ်စီကိုငန်းမြွေ
ကြီးရှိရာထိုးချိန်ထားကြ၏ ။
ငန်းမြွေကြီးမှာဒေါသဖြစ်နေဟန်၊ပါးပြင်းထောင်၍ကိုယ်ကိုမတ်လိုက်ရာ လူခါးတရပ်မျမြင့်သွားခြင်းကြောင့် မြွေကြီးကို
ကြည့်၍တုန်တုန်ယင်ယင်ဖြစ်ကုန်ကြလျက်ယခု
တကြိမ်တွင်သူတို့သေပြီဟုသုံးယောက်သားစိတ်
တွင်းတွေးနေကြတော့၏။
ငန်းမြွေကြီးမှာလူခါးတရပ်မျထောင်မတ်ထား
ရင်းပါးပြင်ခွက်ထားလျက် ခန္ဓာကိုယ်ဘယ်ညာယိမ်းနွဲ့၍အမြီးဖျားထောက်လျက်ရန်သူကိုခုန်အုပ်ရန်ချောင်းမြောင်းနေချိန်။
ရုတ်တရက်အခြေအနေပြောင်းလဲသွားသော
သောအခြေအနေတစ်ခုပြောင်းလဲသွားတော့၏ ။
ငန်း မြွေကြီးမှာ ချက်ခြင်းမာန်ဟုန်ထနေသောပါးပြင်းခွက်ပျေလျော့
သွားခြင်းနဲ့အတူ ၊ မတ်တတ်ထောင်နေရာမှဖြေလျော့၍ဖောင်ပေါ်မှ
လျောခနဲဆင်းပြေးတော့၏ ။
မြွေကြီးဆင်းပြေးပြီးမရှေးမနှောင်းမှာပင်
နဂါးရုံတစ်ကောင်မှာငန်းမြွေကြီးနောက်သို့
့ပျံလိုက်သွားသည်ကိုအားလုံးတွေ့လိုက်ကြရ၏။
ငန်းမြွေကြီးမှာသူပြေး၍မလွတ်မှန်းသိသောအခါ
ကိုယ်ယောင်ဖျောက်ရန်ရေအောက်သို့ငုတ်လျိုးသွားသော်လည်းနဂါးရုံမှာရေအောက်မှမြွေကြီးကို
မြင်ရသည်အလား ရေပြင်ပေါ်ပျံသန်းနေ၏။
ငန်း မြွေကြီးမှာအတော်ဝေးဝေးငုတ်သွားပြီး
ရန်သူလက်မှလွတ်မြောက်ပြီအထင်ဖြင့် ရေပေါ်
ခေါင်းပေါ်လာချိန်ခနမှာပင် အသင့်စောင့်နေသော
နဂါးရုံမှာ ငန်းမြွေခေါင်းကိုထိုးချလိုက်ရာမြွေခေါင်း
မှာရေထဲပြန်မြုတ်သွားတော့၏ ။
ယခုတကြိမ်တွင်မူမြွေကြီးမှာနောက်တကြိမ်
ရေပေါ်သို့ တသက်လုံးပေါ်လာနိူင်တော့မည်မဟုတ်ကြောင်း
မြင်ကွင်းကိုအစအဆုံးလိုက်ကြည့်နေကြသော
ကာထန်တို့သူငယ်ချင်းသုံးယောက်တွေး၍ စိတ်သက်သာရာရစွာသက်ပြင်းကိုယ်စီချလိုက်မိကြ
တော့၏ ။
နဂါးရုံကောင်မှာဖောင်ဆီသို့ပျံသန်းလာပြီး
ဖောင်ဦးထိပ်တွင်ထောင်ထားသောဝါးပေါ်မှသူ့ရွံ
အိမ်အတွင်းဝင်သွားတော့သည်။
ထိုဝါးတွင်နဂါးရုံအိမ်ကပ်နေခြင်းကို
သူတို့ရိုးရာဓလေ့ရ ကံကောင်းသောအဆောင်အဖြစ်သဘောထား၍
ကာထန်ကထောင်ထားခြင်းဖြစ်ရာ ယခုကား
တကယ်ပင်သူတို့သုံးယောက်အသက်ဘေးမှလွတ်မြောက်ခဲ့ရပြီဖြစ်၏ ။
ကာထန်မှာရွာသို့ပြန်ရောက်ချိန်ထိုနဂါးရုံအိမ်
ပါသောဝါးကိုအိမ်ဦးခန်းတွင်တရိုတသေထား၍
အသက်သခင်ကျေးဇူးရှင်ကိုအိမ်တွင်ခေါ်ထားခဲ့တော့၏ ။
သူ့မိသားစုကိုလည်းထိုနဂါးရုံမှာသူ့အသက်သခင်
ကျေးဇူးရှင်မို့မလေးမစားမလုပ်ရန်သူ့ကြုံရသော
အသက်ဘေးမှနဂါးရုံကယ်၍လွတ်မြောက်သော
ဇတ်လမ်းကိုမကြာခနပြောပြတတ်၏ ။
”..ဒါတွေက အဘ အဖေရဲ့ကိုယ်တွေ့အကြောင်း
အရာတွေပဲ....”
”..အတော်ထူးဆန်းတာပဲနော်အဘ..ဒါနဲ့ငန်းမြွေ
ကြီးက အဘအဖေတို့နောက်ကိုဘာလို့အငြိုးတကြီး
လိုက်လာရတာလဲ...”
”...အဲဒါက အသက်ဘေးကလွတ်ပြီးမှအဘ အဖေတို့စဉ်းစားမိတဲ့အကြောင်းပါ
သူတို့စားမိတဲ့ဥနှစ်ဥက ငန်းမြွေကြီးတွေရဲ့
ဥတွေဖြစ်နေလို့ပဲလေ သူ့ဥကိုယူသွားသူတွေကို
အငြိုးတကြီးလက်စားချေဖို့လိုက်လာတာပဲ...၊
တချို့လူတွေဆိုငန်းမြွေဥအိမ်ယူသွားမိလို့
တအိမ်လုံးငန်းမြွေပေါက်သတ်ရတွေတောင်
ရှိဖူးတယ်..”
”…အတော်အငြိုးကြီးတဲ့မြွေပဲနော် အဘ..”
”..ကဲ ..ဒီလောက်ဆိုနဂါးရုံအကြောင်းလည်း
သိသင့်သလောက်သိရပြီမို့ ခရီးဆက်ကြအုံးစို့..”
ရန်မတီးမှာစိတ်ဝင်တစားမေးမြန်းနေသော
လူငယ်များကိုသူဖခင်ကြုံတွေ့ခဲ့ရသောနဂါးရုံအကြောင်းများပြောပြပြီးသောအခါ နေရာမှထလိုက်၍
ခရီးဆက်ရန်ပြောလာခြင်းကြောင့် ကျန်သူများမှာ
လည်းအထုတ်အပိုးကိုယ်စီလွယ်၍ရှေ့မှသွားနေသော ရန်မတီးနောက်လိုက်ခဲ့ကြတော့၏ ။
ယခုခရီးအစမှာပင်သည်းထိတ်ရင်ဖို
အဖြစ်အပျက်ကိုလက်တွေ့ကြုံတွေ့ရပြီးပြီမို့နောက်
ထပ်အန္တရယ်အသွယ်သွယ်ကသူတို့ကိုစောင့်ကြို
နေမှန်းအားလုံးစိတ်တွင်းအလိုလိုသိရှိနေကြပါ
တော့သည်။
==========================
၃-ဆက်ရန်
မြူခိုးအလင်္ကာ