မင်းမကြည့်လို့
***************************
ပုံမှန်ထက်တိတ်ဆိတ်မှု့ဟာ...ကြီးဆိုးနေသည်
နေရီသက်ဝေ
ပထမဆုံးသတိရမိတာသူမကိုဖြစ်ကာ....
မှောင်မဲနေသည့်အိမ်ထဲမှာ ပထမဆုံးသူမကိုသာ ဦးတည်ရှာနေမိသည်...
ကျေးဇူးပြုပြီး ထင်သလိုမဖြစ်ပါစေနဲ့
ဖြူလွှလွှကုတင်ပေါ်ဝယ်...
ရဲတောက်နေသည့်သွေးကွက်ရယ်...
လက်ကောက်ဝတ်ပေါ်က ဒဏ်ရာတွေရယ်...
" လုပ်ပြန်ပြီကွာ "
သူမကို ဒီလိုပုံစံမကြာမကြာမြင်နေခဲ့သော်လည်းတုန်လှုပ်မှု့က သူရိန်အတွက်အသားမကျနိုင်ပါ...
ဖြူဖြော့နေတဲ့နှုတ်ခမ်းကလေးတွေကသူ့ရင်ကိုအခါခါနာကျင်စေပြန်တယ်...
" လွတ်မြောက်ခွင့်ပေးပါ "
သူ့လက်ပေါ်ကသေးသေးသွယ်သွယ်ကောင်မလေးရဲ့သတိမရတချက်မှာပြောသွားသည့်စကားက...
လွတ်မြောက်ခွင့်ပေးပါတဲ့လား.....
ဒီကကောင်ကိုရော....မင်းထည့်တွက်ရဲ့လားနေရီ
သွေးသားရင်သွေးကလေး ကို သူကိုယ်တိုင်လက်နဲ့သတ်ပစ်ခဲ့ရပြီးဆုံးရှုံးခဲ့ရပြီးပြီ...
ချစ်တက်သွားတဲ့အခါမှ ဝဋ်တွေလည်နေတာအကြိမ်ကြိမ်....
အဆင်ပြေအောင်နေနေရပေမဲ့....
ရင်ထဲမှာပြိုလဲနေတာအကြိမ်ကြိမ်....
မိသားစုဘဝလေးလိုချင်နေတဲ့ကောင်ရဲ့ရင်သွေးကိုမှဖြတ်ချပစ်ပြီး...
မချစ်တက်တဲ့ကောင်ကိုချစ်မိသွားပြီး မပြတ်သားနိုင်အောင်လုပ်ထားပြီးရင်လဲအေးဆေးနေပါတော့လား....
Ren Hospital ဟာသူ့အပိုင်မို့လို့သာတော်သေးသည်
ဘဝမှာ..ပိုက်ဆံတွေရှိနေတာ အာဏာတွေရှိနေတာကိုတောင်ကျေးဇူးတွေတင်နေမိသည်
လုပ်ပါနေရီ.... ဘယ်လိုအခြေနေဖြစ်ဖြစ်ရအောင်အသက်ဆက်မယ် မင်းပြောသလိုအတူတူလောင်ကျွမ်းကြတာပေါ့
မင်းပေးတဲ့ဒဏ်ရာတွေဟာဘာများအရေးလဲ...ကိုယ့်ဘဝမှာဒီထက်မကနာကျင်ခဲ့ဖူးပြီးပါပြီလေ
.....................
"ဘာဖြစ်လို ဒီလိုတွေလုပ်ရတာလဲနေရီ "
" ကျမ..မသိဘူး ကျမလွတ်မြောက်ချင်တယ် "
တိုးလျလျလေသံကလေးနဲ့သူမအဖြေဟာသူ့နားထဲကန့်လန့်ဝင်လာသည်....ပုံမှန်စိတ်နဲ့ဆိုရင် သူ ဒီလိုအကြိမ်ကြိမ်စိတ်ဒုက္ခပေးတဲ့မိန်းကလေးမျိူးကိုအနားကနေအဝေးပို့ပစ်တာကြာလှပြီဖြစ်သော်လည်း..ယခုတော့
ခဏကလေးမတွေ့ရရင်တောင်...
လွမ်းမိ စိတ်ပူမိတဲ့အထိဖြစ်ရသည်မို့...
ဝေးများသွားရင်သူခံနိုင်ရည်ရှိမည်မထင်ပါ...
သို့သော်...သူအတ္တကြောင့်ဒီလိုဆွဲထားမိတာဟာ သူမကိုဒုက္ခပေးသလိုများဖြစ်နေမလားလို့အခုမှပြန်တွေးမိတော့....
" ကိုယ်..ဘာလုပ်ပေးရမလဲ ကွာရှင်းပေးဖို့လိုအပ်သလား "
" ဟင့်အင်း.....သေဆုံးသွားရင်တောင်ရှင့်ရင်ခွင်ထဲမှာပဲသေဆုံးသွားချင်တယ် ကျမတောင်းပန်ပါတယ် "
"ဟုတ်ပြီ ကိုယ်မင်းကိုချစ်တယ်ဆိုတာသိထားနေရီ ပြီးတော့မင်းသိထားတာထက်ပိုပြီးချစ်နေတယ်ဆိုတာလဲသိထားပေး.....
မင်းစိတ်တိုင်းကျ မင်းသဘောအတိုင်းအားလုံးဖြစ်နေရမယ် "
သူမမျက်ရည်တွေကိုသူသုတ်ပေးရင်း.....
"မငိုပါနဲ့....နာကျင်ရရင်တောင် နာကျင်ရသူဟာကိုယ်ပဲဖြစ်ချင်တယ် နောက်တခါဒါမျိူးမလုပ်ပါနဲ့လို့ကိုယ်မချူပ်ချယ်ပါဘူး...
မင်းဘာပဲလုပ်လုပ် မင်းအသက်ကိုကိုယ်ရအောင်ကယ်မှာမို့လို့ "
"နေရီ..တောင်းပန်ပါတယ် "
" ဒုတိယအကြိမ်မှားယွင်းတဲ့ရွေးချယ်မှု့မျိူးမလုပ်စေချင်ယုံပါပဲ.. ကိုယ်ကမှားယွင်းတယ်ထင်သရွေ့မင်းအသက်ကိုရအောင်ကယ်မယ်..
မင်းကမှန်တယ်ထင်သရွေ့...ထင်ရာကိုလုပ်ပါ "
နဂိုကမှပိန်ပါတယ်ဆိုတဲ့လက်ကလေးဟာ...
ပြောစရာမလိုအောင်ပိုပိုပိန်သွားခဲ့ပြီ.....
စိတ်ပင်ပန်းရတဲ့ကြားကပြုံးမိသေးသည်
မင်းတိမ်လွှာ သူ့ဇနီးကိုသည်းသည်းလှုပ်နေတုန်းကပိုကိုပိုတယ်လို့ထင်ခဲ့ဖူးသူမဟုတ်လား
တကယ်တော့အချစ်မှာပိုတယ်ဆိုတာမရှိပါလားသူမကြောင့်နာကျင်ရတယ်သူမကြောင့်ပျော်ရွှင်ရတယ်....
သူမပေးတဲ့ဟန်ဆောင်ပျော်ရွှင်မှု့ကလေးကတောင်သူ့အတွက်တဘဝစာနာကျင်ဖို့လုံလောက်တဲ့အကြင်နာတွေပဲမို့သူခံနိုင်ရည်ရှိပါတယ်.....
အလုပ်တွေပြေးလုပ်ရ....
ဆေးရုံပြေးစောင့်ရသလို
ဒီနေ့ဆိုရင် ဒဏ်ရာတွေနဲ့လှဲလှောင်းပြီးသူမသွေးတွေပေကျံတေသည့်ကုတင်တခုလုံးပစ်ဖို့လုပ်ရတဲ့အပြင် ဒီအိမ်ခန်းဆီနောက်ထပ်သူမကိုခေါ်မလာချင်သည်မို့..
အိမ်ပြောင်းဖို့စီစဥ်ရသလို.....
သူမကိုစိတ်ဒဏ်ရာရစေသည့် ထိုအိမ်ကိုရောင်းထုတ်ပစ်ဖို့ဆုံးဖြတ်လိုက်သည်တချိန်ကဒီအိမ်ထဲမှာ သူသဘောကျသည့်မိန်းကလေးပုံတွေလာဆွဲတက်သည်......
အခုတော့ သူချစ်ရတဲ့မိန်းကလေးကိုနာကျင်စေသည်မို့အမြန်ဆုံးရောင်းထုတ်ဖို့သံယောဇဥ်ပြတ်စီစဥ်နိုင်ခဲ့သည်
တနေကုန်နားချိန်မရှိပြေးလွှားခဲ့ရသည်မို့....
သူမနံဘေးကုတင်ပေါ်ခေါင်းတင်ရင်းအိပ်ပျော်သွားခဲ့ကာ....
နှစ်နှစ်ခြိုက်ခြိုက် အိပ်ပျော်နေသည့်သူရိန်မျက်နှာဟာ နဂိုထက်နွမ်းနယ်နေပုံပေါ်လေသည်...
အတ္တတွေကိုရှေ့တန်းတင်ခဲ့မိသလို
မချစ်တဲ့မိဘတွေကြားကလေးကိုမြေဇာပင်မဖြစ်လိုတာမို့ဖြတ်ချခဲ့ပေမဲ့လဲတကယ်တမ်းရင်သွေးလေးမရှိတော့မှာ...
သူမဘဝဟာနဂိုထက်မှောင်မိုက်လာသည်....
နောင်တတွေတပွေ့တပိုက်နှင့်ရင်ထဲလောင်မြိုက်ရသလို...
သူနဲ့မတူအောင်သည်းခံနေတဲ့သူရိန်ကိုကြည့်ပြီးနောင်တရချင်လာသည်....
ဘဝမှာသူမဟာဘယ်တုန်းကမှအချစ်မခံခဲ့ရဖူးပါ သူများတွေလွယ်လွယ်ကူကူပေါပေါသီသီရသည့်ချစ်ခြင်းမေတ္တာတွေဟာ ၅၂၈မှာရော ၁၅၀၀မှာပါအားနည်းသည်....
သူကရောတကယ်ပဲချစ်တာလား..........
သူမကရောအချစ်ခံဖို့ထိုက်တန်ရဲ့လား......
သူ့ကိုနာကျည်းလို့ဒဏ်ရာတွေပေးခဲ့တာပေမဲ့ထူးဆန်းစွာသူမကပိုနာကျင်နေပြန်သည်....
" Sorry ကိုယ်အိပ်ပျော်သွားတယ် "
" အိပ်ပါ...ရှင်အိပ်ဖို့လိုအပ်နေတာမဟုတ်ဘူးလား "
" မင်းကို စိတ်မချလို့ "
" ကျမ နေကောင်းနေပါပြီရှင်စိတ်ချလက်ချအိပ်ပါ "
" သြော် ပြီးတော့ ကိုယ်အိမ်ပြောင်းလိုက်ပြီ "
" အိမ်ပြောင်းလိုက်ပြီ? "
" မင်းကိုမကြာမကြာနာကျင်စေမဲ့အမှတ်တရတွေရှိနေတဲ့အိမ်အဟောင်းကို....ကိုယ်ပြန်ရောင်းလိုက်ပြီနေရီ အိမ်အသစ်မှာကျန်းကျန်းမာမာနဲ့ပျော်ပျော်ရွှင်ရွှင်နေကြရအောင်နော်...."
" အဟွန့်......ဘာလို့ပြောင်းပစ်လိုက်တာလဲ နာကျင်စေတာလဲအမှတ်တရပဲလေ ရှင်ရက်စက်ခဲ့တာတွေမေ့သွားစေချင်လို့လား "
" ကိုယ်တောင်းပန်ပါတယ် မင်း......မင်းမကျေနပ်ရင် ကိုယ့်ကိုရိုက်လိုက်ပါ ငိုတော့မငိုပါန့ဲ "
" ရှင်..တအားပင်ပန်းထားတယ်ထင်တယ် အိပ်တော့ ကျမကုတင်ဘေးမှာမှောက်အိပ်မနေနဲ့ "
" မင်းကိုထားပြီးသွားအိပ်ဖို့ကို..စိတ်မချလို့"
" ဟိုဘက်ကုတင်နဲ့ဒီဘက်ကုတင်နီးနီးလေးကိူ "
" ရပါတယ်ကိုယ်အဆင်ပြေတယ် မင်းသာအိပ်တော့ "
"အပိုတွေမလုပ်နဲ့ကိုသူရိန် ရှင့်ကိုယ်ရှင်လဲကြည့်အုန်းမျက်တွင်းတွေကျနေတာလူမမားကျလို့ ကုတင်းနှစ်ခုနဲနဲလေးပဲခြားတာစိတ်ချလက်ချသွားအိပ် "
"ကိုယ်မှ မင်းနဲ့ခြားပြီးမအိပ်တက်တာ "
" ဟာ "
" ဟိတ် အပိုလို့မပြောနဲ့နော် ဒီလတွေအတွင်းမှာရင်ခွင်ထဲလာလာတိုးပြီးအကျင့်လုပ်တာမင်း "
" ရှင်ဆိုသည်မှာ.....တကယ်ပဲ ကျမကရှင်အိပ်ရေးပျက်မှာစိုးလို့ "
"တကယ်အိပ်စေချင်တာလား "
" အင်း "
သူမစိတ်အားထက်သန်စွာခေါင်းညိမ့်ပြတော့...သူ့ရုပ်ကပြုံးစိစိဖြင့်...
" ဒါဖြင့်...ဒီလိုအိပ်မယ် "
သူမခြုံထားသည့်စောင်ကိုလှန်ကာသူမနံဘေးဝင်အိပ်ရင်း....
ထထိုင်နေသည့်သူမကိုပါ သူ့နံဘေးဆွဲလှဲချရင်းဖက်အိပ်တော့သည်...
" ကုတင်တွေက ထင်ထားတာထက်ကျဥ်းနေတယ်နောက်ဆိုလူနာကုတင်ကိုနဲနဲပိုကြီးတာတွေလဲခိုင်းရမယ် "
သူ့ဘာသူရေရွတ်ရင်းမျက်လုံးတွေကိုဇွတ်မှိတ်ထားသည်မို့...
ဘာမှပြောချိန်မရသည့်သူမငြိမ်၍သာနေလိုက်တော့သည်လိုချင်တာရအောင်ယူ...
လုပ်ချင်တာဖြစ်အောင်လုပ်တက်သည့်သူကို....
သူမနိုင်အောင်မပြောနိုင်တော့ပါ.....
တကယ်ဆိုဒီရင်ခွင်ကိုထပ်တွေ့ခွင့်မရတော့ဘူးလို့ထင်ထားခဲ့တာမဟုတ်လား........