မင်းမကြည့်လို့
****************************
မင်းတိမ်လွှာသတင်းကြားပြီးထဲက....
သူအလုပ်ရှုပ်နေမယ်ဆိုတာနေရီသိပါတယ်...
message ရောက်သံကြားတော့မသိမသာမျှော်နေမိတဲ့သူ့ဆီကစာဖြစ်နေသော်လည်း....
ဆေးသေချာသောက်ဖို့လှမ်းပြောရှာသတဲ့လား...
သူနဲ့ကိုယ်ဟာလင်မယားမဟုတ်ဘူးလား....
မတော်တဆကိုယ်ဝန်ရခဲ့ရင်ကော....
သူမနဲ့ပတ်သတ်ရင်....သူ့ရင်သွေးကိုတောင်မလိုချင်ဘူးတဲ့လား
စိတ်ချပါ..
ဆိုသည့်message ကိုပို့ရင်းရင်ထဲမှာနာကျင်ရသည်....
သူမတင်ပဲအချစ်မခံရတာမဟုတ်ဘူး...
သူမကြောင့်...ရှိတောင်မလာသေးတဲ့အနာဂတ်ရင်သွေးလေးဟာအချစ်မခံရဘူးတဲ့ကွယ်....
မိုးသားဖြူကိုသိပ်အားကျသည်.....
မင်းတိမ်လွှာဟာတုန်နေအောင်ချစ်သလို....
အနီးနားကလူတွေကပါ...
အထူးသဖြင့်အမြဲတမ်းတည်တည်တင်းတငိးဖြင့်...ဘယ်သူနှင့်မဆိုခပ်တန်းတန်းနေတက်သောအမကအစ....အပူတွေကြားကသတင်းကြားကြားခြင်းမိုးသားဆီအပြေးသွားခဲ့သည်တဲ့...
ကျမလေ...အချစ်ခံရသူတွေကိုသိပ်အားကျတယ်
ဘဝမှာသူမကိုသိပ်ချစ်ဖူးပါတယ်ဆ်ုတဲ့အာကာတောင်အကြိမ်ကြိမ်နာကျင်အောင်သတ်ခဲ့တယ်...
သူမကိုစွန့်ပစ်ခဲ့တယ်.....
သူရော..........ဘယ်တော့သူမကိုစွန့်လွှတ်မလဲ
သူမရဲ့စိတ်ထွက်ပေါက်ဟာ....ရေချိူးခန်းကရေပန်းသာဖြစ်သည်..အေးစက်စက်ထိတွေ့လာတဲ့ရေစက်တွေဟာ သူလောက်တော့မအေးစက်ပါဘူးကွာ...
လောကကြီးကသူမကိုစွန့်ပစ်တယ်.....
ဒီလောကကြီးကိုသူမကျောခိုင်းပစ်ချင်တယ်....
ဝဋ်ကြွေးရှိရင်ကြေပါစေတော့လား......
အချိန်ဘယ်လောက်ကြာသွားသလဲသူမ...မသိပါ
ညနေစောင်းတော့ လူကဖျားချင်ချင်ဖြစ်လာသည်....မရွှင်လန်းသည့်စိတ်နှင့်ဘာမှလဲထမလုပ်ချင်ပါ....ဘယ်သူမှမသိတဲ့ကမ္ဘာလေးထဲကနေတိတ်တဆိတ်ပဲထွက်သွားချင်သည့်အထိစိတ်ထောင်းကိုယ်ကြေ....
အိပ်ယာပေါ်ပစ်လှဲရင်းကြိပ်မှိတ်အိပ်ပစ်လိုက်သည်....
တရေးနိုးတော့ လူကခေါင်းတွေအုံခဲနေသည်
ဒီရက်တွေသူပြန်လာမည်မဟုတ်တာကိုတော့သူမသိနေပါသည်...ကြားရတဲ့သတင်းကလဲမကောင်းပါ မင်းတိမ်လွှာအခြေနေကောင်းပုံမရ....
အသက်အန္တရာယ်ကအမြန်ဆုံးလွတ်ကင်းပါစေလို့မဆီမဆိုင်ဆုတောင်းမိသေးသည်....
တနေကုန်ယောက်ယက်ခတ်နေမှာဆိုတော့သူထမင်းမှစားရရဲ့လားမသိဘူး...စားချိန်ရရင်တောင်စားပါ့မလား....
ချစ်မိတဲ့သူဟာထာဝရရှုံးတာပါပဲ.....
တခုခုပို့ပေးချင်ပေမဲ့သူမကိုယ်တိုင်တောင်မထနိုင်ပါ....
ပါရာတစ်လုံးကို....တွေ့ရာပေါင်မုန့်တချပ်စားပြီးဝင်အောင်သောက်ရသည်...
အခုချိန်မှာသူရှိမနေတာကိုလဲပိုကျေးဇူးတင်သည်...ကြင်နာယုယနေမှာမဟုတ်တောင်မှမျက်စိရှေ့မှာမြင်နေရရင်ပစ်မထားလောက်ဘူးထင်ရတာပဲလေ...
တစုံတယောက်ရှိနေရင်.....တစုံတယောက်ကိုမှီခိုချင်သွားလိမ့်မည်အသားကျနေသည့်အထီးကျန်မှု့နဲ့ပဲ...ဖြတ်ကျော်သွားရမည်လေ..
အဖျားတွေတက်လာသော်လည်းပေတေနေလိုက်သည်သေလဲအေးတာပဲဆိုသည့်စိတ်ကြောင့်ထင်ရဲ့.....
ပိုပြီးခံလိုက်ရသည်....
မျက်လုံးတွေကို အားယူဖွင့်လိုက်တော့မိုးပင်လင်းနေချေပြီ...
" ကို့အသံကြောင့်နိုးသွားတာလား "
" မဟုတ်ပါဘူး "
" ကိုယ်ခန လိုအပ်တာတွေလာယူတာ "
" ကိုမင်းတိမ်လွှာအခြေနေရော "
" စိတ်ချရတဲ့အခြေနေမှာရှိနေပေမဲ့...သတိတော့ပြန်လည်မလာသေးဘူး "
" အင်း....စိတ်ချရပြီဆိုတော်သေးတာပေါ့ "
" မင်းအသံကရော အားမရှိသလိုပဲ "
" အိပ်ယာနိုးကာစမို့နေပါလိမ့်မယ် "
သူမအနားကိုကပ်လာကာ မသင်္ကာလို့ ထင်ရဲ့နဖူးကိုလာစမ်းသည်...
" ဟာ..မင်းဖျားနေတာပဲ "
သူ..ရဲ့လှုပ်ရှားမှု့ဟာမြန်ဆန်လွန်းတာမို့သူမရှောင်ချိန်မရ...
သူတခုခုကိုတွေးနေပုံရကာ...ဖုန်းကအဆက်မပြတ်မြည်နေသည်
" ရှင့်ကိုခေါ်နေပြီထင်တယ်....သွားတော့လေ "
" ဒါပေမဲ့...မင်းက...."
" နေရီအဆင်ပြေပါတယ် "
ရေဘူးအချိူ့ရယ်ဆေးနဲ့မုန့်တွေသူမအိပ်ယာနံဘေးကခုံပေါ်တင်ပေးခဲ့ကာ.....
" တခုခုဆို..ဖုန်းဆက်လိုက် "
နောက်ထပ်တွေဝေခြင်းမရှိသူထွက်ခွာသွားသည်....မျှော်မှန်းပြီးသားအခြေနေမို့လိုနာကျင်နေတာမျိူးလဲမရှိတော့ပါ
သူသွားပြီးတစ်နာရီလောက်အကြာမှာ....
သူလွှတ်လိုက်သည်ဟုဆိုကာ...ဆရာဝန်နဲ့ nurse တချိူ့ရောက်လာသည်...
အဖော်ရအောင်...အကူအမျိူးသမီးရောက်လာသော်လည်း သူမ...တယောက်ထဲပဲနေချင်တာမို့ပြန်လွှတ်လိုက်ရသည်....
နေ့လည်ပိုင်းမှာအနည်းငယ်ထူထူထောင်ထောင်ဖြစ်လာသော်လည်းပဲ....
ညပိုင်းမှာအဖျားကတက်လာသည်....
သတိမလွတ်အောင်ကြိုးစားနေသော်လည်း......အိပ်ပျော်သွားသေးရဲ့
လှုပ်ရှားသံတွေကြားနေသည်မို့မျက်လုံးကိုအာယူဖွင့်တော့...
နွေးထွေးသည့်ရင်ခွင်တခုကထွေးပွေ့ထားသည်....
" အဖျားကျပြီလား "
" အင်း..."
" ဒါဖြင်ငြိမ်ငြိမ်နေပေးမလား...ကိုယ်ညကလဲတညလုံးတမှေးမှမမှေးရသေးဘူး "
ချက်ချင်းငြိမ်ကျသွားသည့်သူမလေးကြောင့်သူပြူံးလိုက်မိသည်...တကယ်ဆို တညလောက်မအိပ်ယုံနှင့်သူအဆင်ပြေပါသည်...
မဖြစ်သာလို့သွားရပေမဲ့တနေကုန်စိတ်ကသူမဆီသာရောက်နေကာ....
ဘယ်လိုမှစိတ်မချနိုင်သည့်မို့ သူပြန်လာခဲ့တာဖြစ်သည်...ဟိုဘက်ရောဒီဘက်ရောစိတ်မချတာပေမဲ့လဲဟိုဘက်မှာအထူးကုပါရကူတွေအပြင်ညစောင့်အိပ်ဖို့လူများစွာရှိသလို
မိုးသားဖြူ ကိုလဲ......ဂရုစိုက်ကြသည်
အခုလဲ မိုးသားကိုအိမ်ပြန်ပို့ရှိသမျှလူအကုန်မိုးသားကိုသေချာစောင့်ရှောက်ဖို့မှာခဲ့ပြီးမှ...
ဘယ်သူမှမရှိတဲ့သူမဆီပြေးလာရသည်....
ရောက်လာတော့လဲ အဖျားတက်နေသည့်သူမကိုမရမကဆေးဝင်အောင်တိုက်ရင်း...ရေပတ်တိုက်ကာပြုစုပေးရသည်....
ဘဝမှာထူးထူးဆန်းဆန်း...ပထမဆုံးအကြိမ်အဖြစ်သူဆရာဝန်ဖြစ်တာကိုကျေးဇူးတင်မဆုံးဖြစ်ခဲ့ရသည်.....
မချစ်တော့ဘူးပြောပေမဲ့......
သူ့နာမည်ကိုယောင်နေသည့်သူမကြောင့်ရင်ထဲတမျိူးလေးဖြစ်ရသေးသည်....
ပြန်အိပ်မောကျသွားသည့်....
ဖြူဖျော့ဖျော့မျက်နှာလေးကိုငုံကြည့်ပြီး....
ထိန်းမနိုင်သိမ်းမရခုန်လာသည့်ရင်ခုန်သံတွေဟာဘာသဘောလဲ?
တယောက်ထဲဖျားနေခဲ့တာကိုမထူးဆန်းသလိုဖြတ်သန်းနေသည့်သူမ....
ဘယ်လိုတောင်ပင်ပန်းခဲ့လို့ပါလိမ့်....
သူမနဲ့စတွေ့ကထဲနေ.....တောက်လျှောက်ရင်ခုန်ခဲ့ခြင်းမရှိပါ
မင်္ဂလာဦးညကိုဖြတ်သန်းခဲ့တုန်းကတောင်မခုန်ခဲ့သည့်ရင်ခုန်သံတွေဟာအခုမှဗလောင်ဆူနေလေသည်....
သူ.....
ရင်ခုန်တက်သွားတာများလား.....
အိပ်ပျော်နေသည့်သူမကိုငုံကြည့်ရင်း.....
တကယ်ပဲမင်းကငါ့ကို...ရင်ခုန်အောင်လုပ်နိုင်ခဲ့တာလားနေရီ....