မင်းမကြည့်လို့ ( အပိုင်း...၁၉)

***************************

ဆံပင်....ပုခုံးနှင့် ရင်ဘက်တလျှောက် တွဲလွဲခိုနေသည့်ရေသီးလေးတွေကိုပင်..

သူ..မနာလိုဖြစ်မိသည်

ပိုင်ဆိုင်နေရပြီဆိုမှ....

ဘာကြောင့်ပိုပို သဝန်တိုမိနေသလဲ....

အချစ်ကဆန်းကြယ်သားရယ်ပါ...

သဘက်အဖြူကလေးနှင့်ထွက်လာသည့်သူမကို အနားဆွဲယူကာ..

ဆံပင်တွေကိုရော... ခန္ဓာကိုယ်ပေါ်ကရေတွေကိုပါသုတ်ချပစ်လိုက်သည်

" ယောကျာ်း ယူပြီးမှပဲ ပိုဇိမ်ကျနေသလိုပဲ "

ရေစစ်သွားတဲ့ဆံပင်တွေကို..Dryer မှုတ်ပေးဖို့ပြင်နေရင်း..

သူမ စကားကြောင့်မှန်ထဲကတဆင့်သူမမျက်နှာလေးကိုလှမ်းကြည့်လိုက်သည်...

" မမလေး ဇိမ်ကျတယ်ဆိုလို့ ကျွန်တော်မျိူးကျေနပ်ပါတယ်ခင်ဗျာ..."

ကျေနပ်သွားသည့် မျက်နှာထားလေးကိုမြတ်နိုးစွာငေးကြည့်ရင်း..

'' တသက်လူံး ပိုဇိမ်ကျသထက်ဇိမ်ကျအောင်ထားနိုင်ဖို့ ကိုကိုကြိုးစားပါ့မယ် "

''အာ့လောက်ကြီးအလိုမလိုက်ပါနဲ့ နွယ်ဘာမှမလုပ်တက်မကိုင်တက်ဖြစ်ပြီး ကိုကို့ ကိုပဲမှီခိုချင်သွားရင်ဘယ်လိုလုပ်မလဲ "

'' အာ့လိုမမှီခိုလို့ခက်နေတာပေါ့...တကယ်သာမှီခိုကြည့် ကိုကို သေပျော်ပြီ "

''ကိုကိုကနွယ်လေးအခုလိုအမှီခိုကင်းကင်းရပ်တည်နေတာကိုမကြိုက်ဘူးလား အိမ်မှာပဲ အိမ်ရှင်မလုပ်စေချင်တာလား "

'' တခါတလေတော့လဲ ကိုကိုရှာတာတွေထိုင်ဖြုန်းတဲ့ဇနီးလိုချင်တာပေါ့...

ဒါပေမဲ့ ဒီလိုအမှီခိုကင်းရပ်တည်နိုင်တာလဲတမျိူးသဘောကျရတာပါပဲ ကို့ဇနီးထက်မြက်တာမကြိုက်ဘူးရှိပါ့မလား ကိုကိုစကားမှားသွားရင်တောင်းပန်ပါတယ်နော် နွယ်လေး "

စိတ်ထဲတမျိူးဖြစ်သွားပေမဲ့....

သူ့ရဲ့အလျော့ပေးတောင်းပန်သံတွေကြားမှာပဲ...ကတောက်ကဆ ဆိုတာဘာမှန်းမသိရပ်တန့်သွားမြဲပါပဲ....

တခါတလေကျရင်...

သူဟာ အစွမ်းကုန်အလိုလိုက်နိုင်ဖို့ကြိုးစားလုပ်ယူနေရသလိုလိုပါပဲ...ဘယ်အချိန်အတိုင်းအတာထိ သူ..သည်းခံနိုင်ပါ့မလဲ

တချိူ့ကိစ္စတွေဟာ...

ဇွတ်ညှိယူစရာမလိုပါဘူး....

ရန်ဖြစ်ရင်း နားလည်မှု့တွေပိုယူရတာပဲမဟုတ်လား...

သူစိမ်းနှစ်ယောက်ပေါင်းဖက်ကာ ဖြစ်တည်လာသည့်အိမ်ထောင်ရေးကို လိုတိုးပိုလျှော့... နားလည်မှု့ဖြင့်ရပ်တည်ရမည်မဟုတ်လား...

သူ...တကယ်ပဲ

မှီခိုခြင်း....မမှီခိုခြင်းအပေါ်...စိတ်ခံစားချက်ရှိနေသလား...

" ကိုကို..စိတ်ထဲရှိတဲ့အတိုင်းပြောပြကြည့်ပေးပါလား "

'' ဘာကိုလဲ ကလေးရဲ့ "

'' နွယ်လေးကို ဘယ်လိုပုံစံနဲ့ဇနီးမျိူးဖြစ်စေချင်လဲဆိုတာမျိူးပေါ့ "

'' အာ့လိုမရှိပါဘူး ဒီတိုင်း နွယ်လေးကနွယ်လေးပုံစံအတိုင်းပဲနေပါ "

" မှီခိုစေချင်တာမျိူးရှိရင်...."

'' နွယ်လေး...ကိုကို ဘာရယ်မဟုတ် ပြောလိုက်တဲ့စကားပါ စိတ်ထဲမထားပါနဲ့လို့တောင်းပန်ပါရစေ..

စိတ်ထဲ မခုပါနဲ့နောိ ..''

'' မဟုတ်တာ... ကိုကို ဘာလို့နွယ်လေးစကားကိုဆုံးအောင်နားမထောင်ရတာလဲ "

'' ကိုကို နွယ်လေးကို အဆုံးရှုံးမခံနိုင်လို့ပါကလေးရယ်..

ကျေးဇူးပြုပြီး စိတ်ထဲကထုတ်ပေးပါ.."

ရင်ခွင်ထဲ ဆွဲသွင်းကာ...

ဇွတ်တောင်းပန်လာသည့်သူ့စကားသံတွေကြား...

သူမ ငြိမ်နေလိုက်ရတော့သည်...

မွန်းကြပ်လိုက်တာ

သူ့ခါးကိုအလိုက်သင့်ပြန်ဖက်ရင်း ရင်ခွင်ထဲမျက်နှာအပ်လိုက်သော်ကာ

'' အင်းပါ ကိုကို "

ဒီလိုနဲ့ပဲ ပြေလည်လိုက်ရသည်တဲ့လား...

စိတ်လဲမခုပါ...စိတ်လဲမဆိုးပါ..

သူမက ပွင့်ပွင့်လင်းလင်းဆွေးနွေးချင်ခဲ့ယုံလေးပါပဲ...

........................

ရန်ကုန်ပြန်ရောက်သည်နှင့်...

အလုပ်ကြွေးတွေရယ်...

ကမ်းလှမ်းမှု့အသစ်တွေရယ်ကြားမှာ

ေခါင်းစိူက်ရင်း... လူပင်ပန်းရသော်လည်းသူမပျော်နေမိသည်...

မိုးသားဖြူနဲ့မင်းတိမ်လွှာ လက်ထပ်ကြတော့မယ်

မိုးသားရဲ့ထွက်စာနှင့်အတူ...

မင်းတိမ်လွှာရဲ့ လက်ထောက်လား...

ဆရာဝန်လားမိသားစုလား 

ခေါင်းစဥ်တပ်လို့မရသည့်ခေါင်းစဥ်တွေအောက်က Skycastle ရဲ့တထောင့်တနေရာကအရေးပါသူ...

သူရိန်ဆိုသည့်လူကိုယ်တိုင် ဖိတ်စာနှင့်အတူရောက်လာခဲ့သည်..

ရိုးသားသလို...အလုပ်ကြိုးစာသည့်မိုးသားဖြူဆိုသည့်ကောင်မလေးအကြောင်းတွေးမိတော့...

တကယ်ကို ဝမ်းသာရပါတယ်....

မင်းတိမ်လွှာဟာ သူမလေးအပေါ်ကောင်းသူမဟုတ်လား....

'' ကျွန်တော့ကိုခွင့်ပြုပါအုန်း "

ပြတ်သားသော်လည်းချိူသာသည့်အသံကြားမှ...အတွေးတွေက ရပ်တန့်လေသည်...

အရပ်ရှည်ရှည် အသားဖြူသလိုလိုရှိကာရှင်းသန့်နေသည့် သူရိန်ဟာ.လူချောပဲဟု အခုမှသေချာကြည့်ကာတွေးမိသေးသည်..

သူရိန်...

King Company ဘက်မှခက်သုတ်သုတ်ထွက်လာရင်း..

အဝေးတနေရာမှ လမ်းလျှောက်လာသည့်အမျိူးသမီးထံ အကြည့်ရောက်သည်...

သစ္စာရှင်ဆိုသည့်နာမည်နှင့်မှမလိုက်...

ချောမောလှပလွန်းသည့်ရုပ်ကလေးနှင့်မှမလိုက်အောင်....

ငွေမက်လွန်းသည့် မိန်းမ

သူစိတ်ဝင်စားသည့်ရုပ်ရည်....အရည်အချင်းတွေရှိနေပါသော်လည်း

သူမ စိတ်ထားဟာထင်သလောက်မရိုးရှင်းတာမို့...

သူ တက်နိုင်သလောက်ရှောင်သည်....

သူ့အနားကို ရောက်လာတော့...

သူ့မျက်နှာကို ပြုံးစစနှင့်စိုက်ကြည့်ကာ...

ပြုံးပြနေသေးသည်....

အဲ့ဒီအပြုံးတွေ မုန်းပါတယ်ဆို...

သူသာမျက်နှာမွဲဆို သူမခုလိုနှုတ်ဆက်မည်မဟုတ်တာသေချာသည်...

ငွေမက်သည့်အမျိူးသမီး...

သူ့ကို တခုခုပြောဖို့ ဟန်ပြင်နေသည့်သူမကို ခပ်တည်တည်တချက်သာလှမ်းကြည့်ကာ..

ဖြတ်လျှောက်သွားလိုက်သည်...

Personal အရ ဆက်ဆံခေါ်ပြောလုပ်လို့ကောင်းသည့်အနေအထားမဟုတ်သလို...

မင်းတိမ်လွှာ နှင့်သြဇာဂုဏ်တို့ရဲ့..

ကောင်းမွန်လှသည့်ဆက်ဆံရေးကြောင့်...

D khit Group နှင့် အလုပ်ကိစ္စတွေရှိသည်မို့...

သူမနှင့်မဖြစ်မနေဆက်ဆံရသည့်ကိစ္စတွေရှိသော်လည်း...

လမ်းမှာပြုံးပြနှုတ်ဆက်ရအောင်အထိရင်းနှီးသည်မှမဟုတ်ပဲ...

ခင်ဗျားဟာ သိပ်လှတဲ့ပန်းကလေးပေမဲ့ အန္တာရယ် ရှိတဲ့ ပန်းမို့ ဘိန်းပန်းလိုပဲ