မင်းမကြည့်လို့ ( အပိုင်း...၁၅)
****************************
နွယ်လေး...သဘော
Wedding စ စီစဥ်ပြီဆိုတည်းက....
ဒီစကားတခွန်းနှင့်သာပြီးနေတော့သည်
အလျှော့ပေးလွန်းတာလား...
အလိုလိုက်တာလား...
ဒါမှမဟုတ် ကလေးလိုမြင်လွန်းတယ်ပြောလို့များ အရွဲ့တိုက်လေသလား...
သူမစီစဥ်သမျှတခုမှဝင်မပါ တခုမှတိုင်ပင်မရ ....
ပွဲတခုစ်ီစဥ်ရတာလွယ်သည်မဟုတ်
အဝတ်အစားအရောင်ကအစ မေးမရသည့် သတိုးသားလောင်းနှင့်သူမသာအရာရာ
စိတ်ရောလူပါ ပင်ပန်းရသည်...
ဒါတောင်...လူကြီးတွေရှိနေလို့သာပင်
'' ကိုကို "
မကြည်လင်သည့်စိတ်တွေနှင့်...
ကားပေါ်ကဆင်းတည်းက ကိုကို့ ကိုတောင်နှုတ်မဆက်ခဲ့တာ....
အေပရွန်ပန်းရောင်နှင့် မီးဖိုချောင်ဝင်ရှုပ်နေသည့်ကိုကို....
"ဘာလုပ်နေတာလဲ "
" အိမ်မှာနောက်ဆို အေပရွန်ကို အရောင်ရင့်ရင့်ကလေးတစ်ထည်ထပ်ဝယ်ထည့်ထားမှာပါကွာ "
ကိုကိုဟာ ယောက်ျားလေးဖြစ်သည့်အပြင် နှစ်ဖက်အိမ်ရဲ့အချစ်တော်မို့...
မီးဖိုချောင်ထဲ ဝင်ခဲ့ရဖူးသည်မဟုတ်ပါ...
သူမ..သိသည့် သြဇာဂုဏ်ရဲ့အသွင်ပြင်နှင့်တခြားစီ...
" ရေချိူးတာလဲ ကြာလိုက်တာ ခေါင်းလျှော်လာသေးလား "
သူမ..တအ့တသြနှင့် ခေါင်းခါပြတော့ ကိုကိုဟာပြုံးသည်..
" လိမ္မာတယ် လာထိုင် ညစာ စားရအောင် "
သူ ညွန်ပြသည့် ခုံတွင်ဝင်ထိုင်ရင်း...
" ဒါတွေအကုန် ကိုကိုချက်တာလား "
'' အင်း. "
သူမ နံဘေးကခုံတွင် ဝင်ထိုင်ရင်းဖြေသည်...
" နွယ်လေးကြိုက်တဲ့ ဂျူးဖူးကြော် "
သူမ ပန်းကန်ထဲ ကြိုက်တက်တာလေးတွေလာထည့်ပေးရင်း...
အရိုးကြောက်သည့်သူမအတွက် ငါးတွေကိုသေချာအရိုးနွှင်ကာပေးနေပြန်သည်..
" ကိုကိုရော မစားဘူးလား "
'' စားမှာပေါ့ စားနော် ဒီနေ့ကိုယ့်အချစ်ကလေး အများကြီး ပင်ပန်းထားတာ များများစားနော် နွယ်လေးသာ အဓိက "
'' စိတ်ကောက်သွားမှန်းသိလို့လာချော့တာပေါ့ "
'' အာ..ကိုကို့ ကလေးကစိတ်ကောက်သွားတာလား ဒါမှန်းသိရင် ပိုချော့ဖို့ကြိုးစားပါတယ်ကွာ "
စိတ်ထဲ မကြေမလည်ဖြစ်ပြီး...
ခုနေတာတွေ လဲ ဆက်မခုနိုင်တော့ပါ...
ငါးဟင်းကို တယုတယ အရိုးနွင်ပေးရင်း...
ပန်းရောင်အေပရွန်နှင့် ပြုံးပြနေသည့် ကိုကိုအပြုံးဟာ သူမ ဘဝတစ်လျှောက်မြင်ခဲ့ဖူးသမျှ သြဇာဂုဏ်ရဲ့အပြုံးတွေထဲမှာ...
အလှဆုံးနဲ့အခန့်ညားဆုံးအပြုံးပင်....
'' ဘာတွေ ကောက်နေသလဲရော သိသလား "
ခပ်တည်တည် နဲ့ဟောက်နေပေမဲ့ လူကမနေနိုင်ပါ ထမင်းကို လက်က အလိုလိုခွံနေလိုက်သေးသည်....
သူမခွံလာသည့် ထမင်းလုပ်ကို ပြုံးကြည့်ကာစားလိုက်တာကိုလဲ ကျေနပ်လိုက်သေးရဲ့...
'' နွယ်လေး မျက်နှာမကောင်းတာသိပေမဲ့ ဘာကြောင့်မှန်းတော့ကိုကိုတကယ်မသိတာပါ တုံးလွန်တဲ့ ဒီကောင်ကြီးကို ကောင်မလေးကပဲသည်းခံပြီး ပွင့်ပွင့်လင်းလင်းပြောပြပေးလို့ရမလား "
'' တခါတလေကျတော့လဲ ကိုကိုဘက်ကပြောမှမသိပဲ အလိုက်သိလာအောင်ကြိုးစားပေးမှပေါ့ "
'' အင်းပါ ကိုကိုကြိုးစားမယ်နော် "
ထမင်းဝိုင်းဟာ ဒီနေ့မှအရသာပိုရှိနေသလိုလို...
ပိုနွေးထွေးနေသလိုလို...
" မင်္ဂလာဆောင်ပါတယ်ဆိုမှပဲ ဘာမှတိုင်ပင်မရဘူး နွယ်လေးသဘော နွယ်လေးသဘောနဲ့ နေရာတကာလုပ်နေတာအဆင်မပြေဘူးကိုကို....နွယ်လေး ပိုပင်ပန်းတယ် "
'' ကိုကိုတောင်းပန်ပါတယ် အာ့လောက်ထိမတွေးမိဘူး တသက်မှာတစ်မင်္ဂလာနွယ်လေးစိတ်တိုင်းကျဖြစ်အောင် ဝင်မပါတာပါ "
ဒီလိုကျတော့လဲ သူတွေးတာ သိပ်တော့မမှားသည်မို့ ကလေးဆန်စွာဆက်ဂျစ်မနေချင်တော့ပါ...
အပြန်အလှန်...
ချစ်ခြင်းမေတ္တာတွေအပြည့်နဲ့ထမင်းဝိုင်းလေးကို စိတ်မညစ်စေချင်တော့...
'' ပြီးတာပဲ နောက်အလိုက်သိဖို့ကြိုးစားပါ နွယ်လေးလဲ ပွင့်ပွင့်လင်းလင်းပြောမယ်လေဟုတ်ပြီလား "
'' ဟုတ်ကဲ့ မမလေး "
သူမ ခွံပေးသည့်ထမင်းကို ကလေးလိုအားရပါးရစားနေသည့်ဒီအမျိူးသားရဲ့ ပေါ်တောင့်ပေါ်ခဲ
ကလေးဆန်ဆန် အပြုအမူလေးတွေကိုလဲ..
သူမ ချစ်မြတ်နိုးရတာပါပဲလေ....
'' ကိုကိုတို့လက်ထက်ပြီးရင် ဒီအိမ်မှာပဲနေကြမယ်နော် "
သူမ သူ့မျက်နှာကိုမော့ကြည့်မိသည်....
သူ့မိဘတွေ လက်ဖွဲ့သည့် အိမ်ကိုပြောင်းနေဖို့အစစစီစဥ်ထားခဲ့ကြသည်မဟုတ်လား..
အိမ်ကိုပင် သူ့စ်ိတ်တိုင်းကျ ပြင်နေခဲ့ပြီးမှ..
''မေမေမွန်က နွယ်လေးသာမရှိတော့ရင်တယောက်ထဲကျန်ခဲ့မှာ "
'' မေမေနဲ့နီးနေတာပဲ ကိုကိုရဲ့ မနေလဲ ဖြစ်ပါတယ် ဟိုအိမ်ကို ကိုကိုပဲအင်တိုက်အားတိုင်ပြင်နေတာကို "
'' ဒီနေ့ မေမေ့မွန်ကိုမြင်ပြီးမှ ကိုကို ခွဲမနေချင်တော့ဘူး မေမေနဲ့ဖေဖေကျတော့လင်မယားနှစ်ယောက် ဆိုတော့ အဖော်ရသေးတယ်မလား ကိုယ်မရှိလေပိုကောင်းလေတောင်တွေးနေကြမှာ မေမေမွန်ကျတော့ တယောက်ထဲရယ် နွယ်လေးမရှိရင်တအားသိသာသွားလိမ့်မယ် အိမ်ချင်းနီးပေမဲ့ ကိုယ်တို့အလုပ်ကိုယ်စီနဲ့တနေ့တခေါက်ရောက်ဖို့တောင်မသေချာလောက်ဘူးလေ "
လေးလေးနက်နက်ပြောနေသည့် သူ့ပုံဟာ..
အားနာလို့ဆိုတာထက် မေမေ့ကိုတကယ်စိတ်ပူစွာစီစဥ်နေတာလို့သူမ ယုံကြည်တယ်
တကယ်ဆို သူမလဲ မေမေနဲ့မခွဲချင်ပါ...
အိမ်ချင်းနီးတာပဲလို့တွေးပြီးသာအိမ်ခွဲနေဖို့ဆုံးဖြတ်ခဲ့တာပေမဲ့လဲ...
ကိုကိုတွေးသလိုမတွေးခဲ့မိ...
ဒါကြောင့်ထင်ပါရဲ့...
မေမေဟာအခုတလောလွမ်းလွမ်းဆွေးဆွေးရှိလှသည်...
ဖေဖေ့ကိုလဲ လွမ်းနေတာသိသာသည်
" ကျေးဇူးတင်ပါတယ် ကိုကို "
သူမ မျက်ရည်တွေဝဲလာကာအနားကသူ့ကိုဖက်ထားမိတော့
" လက်တွေပေနေလို့ ပြန်မဖတ်နိုင်တာတောင်းပန်ပါတယ်နော်ကောင်မလေး...
မေမွန်ဟာ ကိုကို့အတွက်အမေပါပဲကွာ ကို့အမေအတွက်ကိုယ်တွေးတာပါ နွယ်လေးကြောင့်မဟုတ်ဘူး "
လူကြီးဆန်တဲ့ အမျိူးသားကိုရထားတာဟာ
တခါတလေတော့အရမ်းကို အလိုက်မသိလွန်းတာတွေရှိနေတက်ပေမဲ့လဲ
အခုလို ရင့်ကျက်စွာမိသားစုဘဝအတွက်တွေးတာလေးတွေကျ သဘောကျရပြန်တာပါပဲ...
စားသောက်ပြီးတဲ့အခါ....
မီးဖိုချောင်ကို သန့်ရှင်းနေအောင်လုပ်သွားသလို
စားပြီးသားပန်းကန်တွေကိုလဲသူကသာဆေးကျောနေပြန်တယ်...
တကယ်ကို
အိမ်အလုပ်တွေလုပ်နေတဲ့အမျိူးသားဟာသိပ်ကိုဆွဲဆောင်မှု့ရှိနေပါလား...
သူမကို ကျောပေးကာ ပန်းကန်တွေဆေးနေသည့်သူ့ခါးကို..
နောက်ကနေဖက်ထားရင်း...
" နွယ်လေးတော့ နောက်ဆို အိမ်အလုပ်မလုပ်ချင်တဲ့အခါစိတ်ကောက်မှထင်တယ် ''
'' ဟောဗျာ ကောက်တော့မကောက်ပါနဲ့.. လုပ်ဆိုလုပ်ပါ့မယ် "
သူမတို့ပြိုင်တူရယ်မိကာ.....
'' ကိုကိုကလဲ နွယ်လေးကိုပဲ အိမ်အလုပ်တွေစီမံခိုင်းဖို့စိတ်ကူးမရှိပါဘူး ကိုကိုတို့အတူ ထူထောင်ထားတဲ့မေတ္တာအိမ်ကလေးပဲဟာ...
ကိုကိုတို့အတူ အလုပ်တွေခွဲဝေလုပ်ကြရမှာပေါ့....
အိမ်အလုပ်ဟာ အမျိူးသမီးတွေပဲလုပ်ရမယ်ဆိုတဲ့အတွေးတွေကို ကိုကိုလက်မခံဘူး..ဒါကြောင့်အနာဂတ်မှာ နွယ်လေးတစ်ယောက်ထဲမပင်ပန်းစေရဘူး ''
''ကျေးဇူးပါကိုကို "
''ကျေးဇူးတင်ရင်အချိန်မဆွဲပဲ ကလေးလေးတွေမွေးပေးလေ ကိုကို ကလေးထိန်းဖို့ယုံကြည်ချက်ရှ်ိပါတယ် "
'' ကိုကိုနော် "
လုပ်လက်စအလုပ်တွေကို လက်စသတ်ကာ...
နောက်ကဖတ်ထားသည့်သူမလက်ကိုဆွဲရင်း
သူမခါးကို ပွေ့သည်...
'' ကိုကိုကတော့..ကလေးတွေနဲ့သိုက်သိုက်ဝန်းဝန်းနေချင်ပေမဲ့ ကောင်မလေးက ဆန္ဒမရှိရင် အတင်းမတိုက်တွန်းပါဘူးကွာ "
ထို့နောက်...
သူမ နဖူးလေးတွေကို မြတ်နိုးစွာဖြင့် ခပ်ဖွဖွနမ်းသည်....
မတောင်းတဲ့ ကတိတွေ မကြာမကြာ ပေးတက်သလို....
ဒီကတိတွေကို...
တကယ်ပဲ တည်နိုင်ပါ့မလားကိုကို.....