🌧🌧️️ ကိုကို မုန်းရက်ခဲ့ရင်...🌧️🌧
ကားလေးကို အချိန်ကြာမြင့်စွာ ဦးတည်ရာမဲ့မောင်းနှင်လာခဲ့ပါ၏။ ဘယ်ကိုသွားမယ်လို့ ရည်ရွယ်ချက်မရှိဘဲ ဒီအတိုင်းလျှောက်မောင်းနေခြင်းဖြစ်ပြီး ဘေးကိုကြည့်တော့လည်း သူမက စကားတစ်ခွန်းပြောဖို့နေနေသာသာ နှုတ်ဆိတ်ငြိမ်သက်နေတာများ အရုပ်တရုပ်နှယ်...။ လမ်းပေါ်မှာ အချိန်လည်းကြာလာပြီး ညလည်းနက်လာပြီမို့ ညွှန်း စိတ်ရှုပ်စွာ ဆံပင်တွေကိုလက်ဖြင့် ထိုးဖွလိုက်ပြီး ကားကို တစ်နေရာသို့ ဦးတည်လိုက်မိ၏။ သေချာတာတော့ ထိုနေရာကို သူမသဘောကျလောက်မှာမဟုတ်...။
""ဆင်းတော့""
'ဆင်း'ဆိုတော့လည်း ရွှန်း ခပ်မြန်မြန်ပဲ ကားပေါ်ကဆင်းလိုက်ပြီး ဘယ်နေရာမှန်းပင်သေချာမကြည့်မိ။ ကိုကို့အနောက်က လိုက်လျှောက်လာရင်း တဖြေးဖြေးနဲ့လူတွေအများကြီး စည်ကားနေတဲ့နေရာတစ်ခုသို့ရောက်သွားကာမှ ရွှန်း ပတ်ဝန်းကျင်ကို သေချာကြည့်မိတော့ ဒီနေရာက Clubပဲ...။ ကိုကိုက ဒီလိုနေရာတွေလည်း သွားတတ်တာလား...
""ထိုင်!""
'ကိုကို'က ထိုင်လို့ပြောသည့်နေရာမှာပဲ ရွှန်း ဝင်ထိုင်လိုက်ရင်း...အနီးကလူတွေကိုလည်းသေချာလိုက်ကြည့်နေမိသည်။အမှန်ဆို ဒီclubလိုနေရာမျိုးကို ရွှန်း dramaတွေထဲမှာပဲမြင်ဖူးပေမယ့် တစ်ခါမှတော့ကိုယ်တိုင်မရောက်ဖူး...။ ဒါကြောင့် ရွှန်းအတွက်တော့ ဆန်းသစ်တဲ့ပတ်ဝန်းကျင်တစ်ခုလိုဖြစ်နေလေ၏။ မီးရောင်တွေ တဖျတ်ဖျတ်လက်နေပြီး ထိုမီးရောင်တွေကြား musicသံတွေလွင့်ပျံနေခြင်းနဲ့အတူ လူတွေလည်း စုဝေးကခုန်နေကြတာကလည်း အတော်လေးမျက်စိနောက်စရာ...တစ်ချို့က Barဘက်မှာ အရက်သောက်နေကြပြီး ပုံမှန်စားပွဲဝိုင်းတွေမှာလည်းလူတွေကအပြည့်...။
'တော်တော့်ကိုမှ လူများတဲ့နေရာ...
စိတ်ညစ်စရာပဲ'
ရှုပ်ထွေးသောအတွေးတို့နဲ့အတူ ရွှန်း ခေါင်းလေးကိုသာ မကြာခဏယမ်းနေမိတော့သည်။
~~~~~~
ညွှန်း ခုနကတည်းက သူမကိုကြည့်နေတာ...အထဲမှာရှိသမျှနေရာတိုင်းကို ထောင့်စေ့အောင်လိုက်ကြည့်ပြီး တစ်နေရာကြည့် တစ်ခါ ခေါင်းယမ်းနေတဲ့ သူမ...ဒီနေရာကိုအတော်လေးအလိုမကျသည့်ပုံစံနဲ့...။ ညွှန်း သူမကိုကြည့်ကာ အကြံတစ်ခုရသွားပြီး...
""သွား!""
""ရှင်! ဘယ်ကို?""
""ဟိုမှာ သူများတွေ 'က'နေတာတွေ့လား?
မင်းလည်း အဲ့ဒီ့ကို ခဏခဏကြည့်နေတာ သွားချင်လို့မလား""
""မဟုတ်ပါဘူး...""
""မဟုတ်လို့မရဘူး...သွားဆိုသွား
အဲ့လူတွေကြားမှာ တစ်နာရီတိတိသွားရပ်နေ
၁နာရီမပြည့်မချင်းပြန်မလာနဲ့... သွား""
""ကိုကို!""
""ငါ့ကို ဘာမှပြန်မပြောနဲ့
ခုန မင်းပြောတဲ့စကားက ငါဘာခိုင်းခိုင်းလုပ်မယ်ဆိုတဲ့ အဓိပ္ပာယ်မဟုတ်ဘူးလား...""
ကိုယ့်စကားနဲ့ကိုယ်မို့ ရွှန်းဘာမှထပ်မငြင်းတော့ပဲ သူသွားခိုင်းတဲ့နေရာကိုသာ ဦးတည်ထွက်လာခဲ့ရသည်။
စိတ်ညစ်လိုက်တာနော်!
လူတွေကလည်း အများကြီး ငါက ဒီအတိုင်းရပ်နေရမတဲ့...
ဟင့်! ဒါ လူကိုသက်သက်အနိုင်ကျင့်တာ...လူဆိုးကြီး...
အပြစ်တင်တွေးတွေစိတ်ထဲပလုံစီနေသော်လည်း လက်တွေ့မှာတော့ ရွှန်း ထိုလူအုပ်ကြားထဲရောက်နေခဲ့ရပြီ...။ကိုကိုရှိတဲ့နေရာဆီလှမ်းကြည့်တော့...အမလေး! သူကလှည့်ကြည့်ဖော်တောင်မရ...။ ရွှန်းလည်း အူကြောင်ကြောင်လေးနဲ့ပဲ ရပ်နေရင်း...ခဏကြာတော့ ကခုန်နေတဲ့ လူတွေကြားမှ ယောကျ်ားလေးတစ်ချို့က အနားသို့ကပ်ကပ်လာပြီး မထိတထိနဲ့ စနောက်သလိုလို ဘာလိုလို...ယိသဲ့သဲ့ဇာတ်လမ်းတွေ စလာတော့၏။
""ညီမလေး...ဘော်ဒါတွေမပါဘူးလား?
တစ်ယောက်ထဲဆို အကိုတို့ ဝိုင်းကိုလိုက်မလား?""
သီချင်းသံတွေကဆူညံနေသော်လည်း အနားနားသို့အတင်းကပ်ကာပြောနေတာကြောင့် ထိုလူ့အသံကို ရွှန်းအသေအချာကြားနေရပါသည်။ ပြီးတော့ အဲ့ဒီလူက အတော်လေးမူးနေသည့်ပုံစံပင်...။
ပြောရင်းနဲ့ ထိုလူက ရွှန်း လက်ကိုပါ အတင်းဆွဲလာတာမို့...ကြောက်အားလန့်အားနဲ့ရုန်းကန်နေမိကာ...
""ဟင့်အင်း! ကျမ လက်ကိုလွှတ်ပါ""
""ညီမလေးကလည်းကွာ!""
""လွှတ်နော်!...ကျမ...""
ရွှန်း စကားမှမဆုံးသေးခင် အနားသို့ ကိုကိုရောက်လာကာ...ရွှန်းလက်တစ်ဖက်ကိုလှမ်းဆွဲလိုက်ပြီး အရှေ့မှကာရပ်လိုက်လေ၏။ တစ်ဆက်တည်းမှာပဲ ထိုလူရဲ့ ရင်ဘတ်ကိုဆောင့်တွန်းလိုက်တာမို့ ထိုလူလည်း ဟန်ချက်ပျက်ကာ လဲကျသွားလေသည်။ ဒါကို မကျေနပ်သည့်ပုံစံဖြင့် ကုန်းရုန်းပြန်ထလာတာက ကိုကို့ကိုရန်ပြုမည့်နှယ်..။ရန်ပွဲဖြစ်တော့မလို... တင်းမာနေတဲ့အခြေအနေကြောင့် အနားကလူတွေကလည်း အလန့်တကြားနဲ့ရှောင်သူကရှောင်...လာဆွဲသူကဆွဲကြရင်း...
""အကို...အကို...sorryပါနော်
ကျွန်တော်တို့သူငယ်ချင်း မူးနေလို့ပါ""
""ဟေ့ကောင်! မင်း...""
""အာ! တော်စမ်းကွာ...
မူးမူးရူးရူးနဲ့သူများကိုအားနာစရာ""
ထိုသူ၏သူငယ်ချင်းဖြစ်ဟန်တူသော လူနှစ်ယောက်က သူတို့ကောင် သူတို့ပြန်ဆွဲခေါ်ရင်း...
""အနှောင့်အယှက်ဖြစ်သွားတဲ့ sorryပါအကို..
အေးဆေးနော်! ရတယ်မလား""
တစ်ဖက်က တောင်းပန်နေသော်လည်း ညွှန်းကတော့ စိတ်ကိုအလွယ်တကူမလျှော့နိုင်တာကြောင့် ရှေ့တစ်လှမ်းထပ်တိုးလိုက်တယ်ဆိုရင်ပဲ...သူ့နောက်ကျောမှာကပ်ကာ အသံတိတ်နေတဲ့သူမထံမှ စကားသံသဲ့သဲ့လေးထွက်လာလေ၏။
""ကိုကို...ရန်မဖြစ်ပါနဲ့နော်""
ထိုအသံလေးကြားမှ ညွှန်းစိတ်ကိုလျှော့ချလိုက်ကာ...သူမလက်ကိုဆွဲခေါ်လျက် နေရာမှာပြန်သွားထိုင်လိုက်ရသည်။တကယ်ဆို ဒီကိစ္စမှာ သူမှားမှန်း ညွှန်း ကိုယ်တိုင်လည်းသိပါသည်။ ဒါမျိုးတွေဖြစ်လာနိုင်တာသိလျက်နဲ့ သူမကို ဒီလိုမလုပ်ခိုင်းသင့်တာကို...။ ပြီးတော့ သူပြောတိုင်း သူမတကယ်သွားရပ်မယ်လို့လည်း မထင်ခဲ့...။ ဘာခိုင်းခိုင်းလုပ်မယ့်ပုံစံနဲ့ပြောခဲ့တဲ့စကားကို တည် မတည်စမ်းကြည့်ခဲ့ရုံပါ...
အခုတော့ကြည့်! ပြသာနာကဖြစ်ရပြန်ပြီ...ဟူးး!
စိတ်နောက်နောက်နဲ့ ညွှန်း အရက်ခွက်ကိုယူကာ သောက်ရန်ပြင်လိုက်တော့...သူမ မျက်နှာမှာအလန့်တကြား...
""ကိုကို...ကိုကို အရက်တွေသောက်မလို့လား
မသောက်နဲ့လေ...""
""မင်းအထင် ငါ ဒီလိုနေရာကိုလာပြီး
ဘာလုပ်သင့်တယ်တဲ့လဲ?""
""ရှင်!""
""ကိုကိုက အရက်သောက်တတ်တယ်လား""
""ဆိုပါတော့!""
""ရွှန်းတို့အိမ်ကို ကားမောင်းပြီးပြန်ရမှာလေ...
ကိုကို မူးသွားရင်...""
""ငါ မူးသွားရင် ကားကို မင်းမောင်းလေ...ရတာပဲ""
ပြောရင်းဆိုရင်း ကိုကိုက ခွက်ကိုကိုင်ကာမော့ချလိုက်လေ၏။ ရွှန်းလည်း နှုတ်ခမ်းလေးကို မဲ့တွန့်ကာ အနားမှာပဲဆက်ထိုင်နေရပေမယ့် ...စိတ်ကတော့တော်တော်ညစ်နေပြီ
ပြန်လည်းပြန်ချင်ပြီ...။
""📲📲📲""
ထိုစဥ် ကိုကို့ဆီသို့ ဖုန်းcallတစ်ခုဝင်လာတာကြောင့်...ဖုန်းပြောရန်အပြင်သို့ခဏထွက်သွားလေသည်။ မသွားခင်လည်းမှာခဲ့သေး...'ဒီနေရာကနေ လုံးဝမထနဲ့တဲ့!'
""အာ! ဖုန်းပြောတာကလည်းကြာလိုက်တာ!""
တကယ်ပဲ အတော်ကြာသည်အထိ ကိုကိုပြန်မလာသေးတာကြောင့် ရွှန်းလည်းတစ်ယောက်တည်း ညစ်လာရကာ...ဟိုကြည့် ဒီကြည့်ဖြင့် နောက်ဆုံး ကိုကိုသောက်လက်စ အရက်ခွက်ဆီ အကြည့်ရောက်သွားမိပြီး စမ်းသပ်လိုတဲ့စိတ်ကြောင့် လျှာလေးဖြင့်အနည်းငယ်တို့ကြည့်လိုက်မိ၏။
""အိုက်ယိုး! ခါးလိုက်တာ...""
ဒီလိုခါးသက်နေတဲ့အရည်တွေကိုများ ဘာလို့သောက်ကြတယ်မသိ။ နည်းနည်းပဲဝင်လို့ ခါးတာလား...ဒါဆို များများဝင်ရင်ရော...??
စူးစမ်းချင်စိတ်လေးနဲ့ပဲ ရွှန်း ခုနက ခွက်လေးကိုပြန်ယူကာ အကုန်လုံးကုန်တဲ့အထိမော့ချလိုက်တော့သည်။
ဘာမှလည်းမခံစားရဘူး...အရက်သောက်ရင်မူးရမှာလေ...
နည်းသေးလို့လား...ok!
ဘာမှမခံရစားရတာနဲ့ပဲ ပုလင်းထဲကနေပါ ထပ်ငှဲ့ပြီးသောက်လိုက်ပါ၏။ပြီးတော့ တစ်ခါထည့်ရင် အလှ နည်းနည်းလေးထည့်တာမဟုတ်ဘဲ...အပြည့်ထည့်ပြီးကို ကိုင်ပစ်ရင်း...တစ်ခွက် နှစ်ခွက်...သုံးခွက်မြောက်အရောက်မှာ လူကနည်းနည်း ထူအမ်းအမ်းဖြစ်လာသလိုခံစားလာရပေမယ့်လည်း ...မရပ်တန့်မိတော့...။ ဟုတ်တယ်...မူးသွားရင်လည်းကောင်းတာပဲ..
ဟိုရက်စက်တဲ့မျက်နှာကြီးကို ခဏဖြစ်ဖြစ်မေ့သွားရရအောင်...။
ညွှန်း ဖုန်းပြောပြီးပြန်ဝင်လာတော့ သူမက နေရာမှာသာ ငြိမ်ငြိမ်သက်သက်လေးထိုင်နေတာတွေ့ရ၏။ အနားနားရောက်မှသေချာကြည့်မိတော့ စားပွဲပေါ်မှာလက်ကိုထောက်ထားကာ ပါးစပ်ကလည်း တစ်ခုခုကိုပြောနေသလိုလိုနှင့်...
""ရွှန်း! မင်းဘာဖြစ်နေတာလဲ""
""ဟယ်! ကိုကိုပြန်လာပြီ""
ပြောရင်း ထရပ်လိုက်တာက ဒယိမ်းဒယိုင်ဖြစ်နေတာမို့ ညွှန်းတစ်ချက်အံ့သြသွားမိရင်း သံသယစိတ်နဲ့စားပွဲပေါ်ကိုပြန်ကြည့်တော့ ထင်သည့်အတိုင်းပင်...
""ကိုကို...ကိုကို...ကိုကို....ကိုကို""
""အင်း....ဘာလဲပြော""
""စိတ်မဆိုးနဲ့နော်! အရသာဘယ်လိုနေလဲသိချင်လို့..
နည်းနည်းလောက်သောက်ကြည့်ထားတာ""
""မင်းကတော့....
ဘယ်သူကခွင့်ပြုလို့လဲ""
""ကြည့်! ကြည့်! အော်ပြန်ပြီ
ဘာလုပ်လုပ် အမြဲတမ်းစိတ်ဆိုးနေတာပဲ ...
စိတ်ကောင်းမရှိတဲ့လူကြီး...ဒါပေမယ့်လည်း ဒီလူကြီးကိုပဲ ရွှန်းကချစ်နေရတာ""
သူမစကားလေးကြောင့် ညွှန်းသဘောတကျပြုံးလိုက်မိရင်း အနားမှာပဲဝင်ထိုင်လိုက်တော့...သူမက တောက်တဲ့လေးလိုဘေးကတွယ်ကပ်နေကာ စကားတွေတတွတ်ပြောနေလေ၏။
""ကိုကိုက လူဆိုးကြီး""
""အင်း...ကိုယ်ကလူဆိုး...ပြီးတော့ရော"""
""စိတ်ကောင်းလုံးဝမရှိဘူး""
""အင်းလေ..လူဆိုးပါဆိုမှ""
""အကျင့်မကောင်းဘူး""
""ပြောလို့ပြီးပြီလား?"
""မပြီးသေးဘူး...""
""Ok! ဆက်ပြော...""
"