💖 အမုန်းရန်များပျက်ပြယ်သော်
(or)
အချစ်များဖြင့်ဖန်ဆင်းမည် 💖
----------------
"ကဲ အခုအားလုံးမျှော်နေကြတဲ့ ဒီလေလံပွဲရဲ့
နောက်ဆုံးဖြစ်တဲ့ တန်ဖိုးကြီးကျောက်မျက်ရတနာတစ်ခုကို လေလံတင်တော့မှာဖြစ်ပါတယ် "
ဟု ပွဲကြေညာသူပြောပြီးတာနဲ့ စင်အနောက်မှ မော်ဒယ်ကောင်မလေးက တဖျတ်ဖျတ်လက်ကာ အရှိအဝါတောက်ပဝင့်ထည်နေတဲ့
ကျောက်စိမ်းတုံးကိုထည့်ထားသည့်ဗူးကို
စင်အလယ်သို့ယူဆောင်လာသည်။
ပွဲကိုစိတ်မဝင်စားတဲ့သူများလှုပ်လှုပ်ရှားရှား
ဖြစ်နေတဲ့ သူတွေရဲ့မျက်လုံးတွေကစင်ပေါ်တွင် ရပ်နေတဲ့မော်ဒယ်မိန်းကလေးရဲ့လက်ထဲက ကျောက်စိမ်းတုံးကြီးကို အကြည့်ရောက်သွားကာငြိမ်သက်သွားကြသည်။
သူလည်းပဲ ခါးကိုမတ်လိုက်ရင်း ကျောက်စိမ်းတုံးကို သေချာကြည့်နေကာ စခေါ်မဲ့စျေးကို အာရုံစိုက်ကာနားထောင်နေသည်။
"ဟုတ်ကဲ့ပါ အားလုံးပဲစိတ်ဝင်တစားဖြစ်နေကြတဲ့ ဒီကျောက်စိမ်းတုံးကို အခုပဲသိန်း ၈၀၀ နဲ့ စဖွင့်လိုက်ပါပြီဗျာ "
" သိန်း ၁၀၀၀ "
"ဟုတ်ကဲ့ သိန်း ၁၀၀၀ ပါခင်ဗျာ နောက်ထပ် "
" သိန်း ၁၅၀၀ "
တဖြည်းဖြည်းစျေးခေါ်လာခဲ့တာ သိန်း ၂၀၀၀ ထိစျေးခေါ်ပြီးတဲ့နောက် ရုတ်တရက်ဆိုသလို ရပ်တန့်သွားကာ စျေးခေါ်မဲ့သူမရှိဖြစ်သွားရသည်။
"စျေးထပ်ခေါ်မဲ့သူမရှိတော့ရင်တော့ သိန်း ၂၀၀၀ တစ်ကြိမ် သိန်း ၂၀၀၀ နှစ်ကြိမ်...."
"သိန်း ၂၅၀၀ "
လေလံပွဲပိတ်ခါနီးလေး အနောက်ဘက်ကနေ လူတစ်ယောက်က စျေးပိုပေးကာလေလံပွဲကိုဆက်လာသောကြောင့် ပွဲထဲမှလူတွေရဲ့အကြည့်က စျေးခေါ်လိုက်တဲ့သူဆီသို့ပြောင်းသွားသည်။ သူလည်းသိချင်ဇောဖြင့် အနောက်ကိုလှည့်ကြည့်လိုက်တော့ သူမျှော်လင့်ထားသည့်အတိုင်း သူ့ရဲ့ အချစ်ဆုံးသူငယ်ချင်းမင်းဒင်က သူ့ကိုမချိုမချဉ်အကြည့်နှင့်ကြည့်နေသည်။
"အခုဆိုပွဲကအတော်လေးစိတ်ဝင်စားဖို့
ကောင်းလာပါပြီ ဘယ်သူစျေးပိုပေးဦးမလဲ
စျေးပိုပေးဖို့မရှိတော့ရင်...."
သတိုးသည် သူ့လက်ထဲမှ နံပါတ်ပြားကိုကိုင်မြှောက်လိုက်ရင်း...
" သိန်း ၃၀၀၀ "
"Diamond company ကစျေးမြှင့်လိုက်ပါပြီ၊ အဲတော့ဘယ်သူစျေးထပ်မြှင့်ဦးမလဲခင်ဗျာ "
" ဟွန်း သတိုးတေဇ အခုမှပိုစိတ်ဝင်စားဖို့ကောင်းတဲ့ဟာကိုပြပေးမယ် "
" စျေးမြှင့်မဲ့သူ ...."
"သိန်း ၃၅၀၀ "
"ဟုတ်ပါပြီ အခုဆိုရင်သိန်း ၃၅၀၀ ထိတိုးပေးလိုက်ပါပြီ ဒီကသူဋ္ဌေးစျေးမြှင့်ဦးမလာခင်ဗျာ "
သူ့ကိုကြည့်ကာမေးလာတဲ့ ပွဲကြေညာသူကို
ပုခုံးတစ်ချက်သာတွန့်ပြလိုက်သည်။
"သိန်း ၃၅၀၀ တစ်ကြိမ် "
သူ့လက်ထဲမှဖုန်းတုန်ခါလာသောကြောင့်
ခလုတ်ကိုနှိပ်ကာ ဖုန်းပြောလိုက်သည်။
"....."
ဖုန်းပြောပြီးသည်နှင့် အောင်နိုင်သူအပြုံးဖြင့် ပြုံးကာ ခါးကိုဆတ်ခနဲဆွဲမတ်လိုက်၏။
"ကိုကို အဲ့ကျောက်စ်ိမ်းတုံးကို မလိုချင်တော့ဘူးလားဟင် စျေးထပ်မမြှင့်တော့ဘူးလား..."
ဘေးနားကနေ ဆူညံပူညံလုပ်နေတဲ့ မိုးထက်မြင့်ကို သူလျစ်လျူရှူကာ ပွဲပြီးဖို့ကိုပဲကျေနပ်ပီတိဖြစ်စွာ ထိုင်စောင့်နေလိုက်သည်။
"သိန်း ၃၅၀၀ သုံးကြိမ် "
" တိန် တိန် တိန် "
ပွဲကြေညာသူက လက်ထဲမှ တူလေးကိုအသံ
မြည်အောင် သုံးချက်တီးလိုက်တာနဲ့ ကျောက်စိမ်းတုံးဟာ သီဟမင်းဒင်အပိုင်ဖြစ်သွားသည်။
ပွဲထဲမှ ဧည့်ပရိတ်သက်များရဲ့လက်ခုပ်သံများနှင့်အတူ လေလံပွဲက အောင်မြင်စွာပြီးဆုံးသွားသည်။ ဘေးနားကမိုးထက်ကတော့ မျက်မှောင်ကြုတ် ဆူပုတ်ကာသူနှင့်အတူ ပွဲခန်းမထဲမှလိုက်ထွက်လာသည်။
"ကိုကို မပြန်သေးဘူးလား "
" အင်း "
"ဒါဆိုလည်းပြီးရော မိုးပြန်တော့မယ် "
သူ,မပြန်သေးဘဲ ခန်းမရှေ့တွင်ရပ်နေသည့်အတွက် မိုးထက်ကမျက်နှာကြီးဆူပုတ်ကာ ခြေစောင့်ထွက်သွားသည်။
လေလံပွဲရှုံးနိမ့်သူတစ်ယောက်ရဲ့မျက်နှာမှာ
အပြုံးပန်းတွေဝေဆာနေတာကို တခြားသူ
တွေမြင်ရင် သူ့ကိုတစ်ခုခုပဲလို့ပြောကြပါလိမ့်မည်။ သူကတော့ ကိုယ့်အကြောင်းနဲ့ကိုယ်ဆိုတော့ သူတို့ကိုအရေးမလုပ်နိုင်...၊ ထိုအချိန် မင်းဒင်တစ်ယောက် ခန်းမထဲမှ သူ့လူယုံနဲ့အတူ ထွက်လာသည်။ သူ့ကိုမမြင်လို့ပဲလား မမြင်ချင်ယောင်ဆောင်သွားတာလားတော့မသိ သူ့အရှေ့မှအဖြတ်...
"Congratulation ပါ မင်းဒင် "
သတိုးတေဇအကြောင်း သူသိတာပေါ့၊ သူ့ကို ခနဲ့စကားပြောဖို့စောင့်နေမယ်ဆိုတာ...။ နောက်ခိုင်းပြီးမှပြန်လှည့်လာရင်း...
"Oh! long time no see "
"မတွေ့ရတာကြာပေမဲ့ ဘာမှမပြောင်းလဲသွားပါလား...မင်းဒင် "
"ဟွန်း အဲ့စကားကမင်းအတွက်ဆိုပိုမှန်လိမ့်မယ်၊ ငါနဲ့ယှဉ်တိုင်းအမြဲတမ်းအနိုင်ရမှကျေနပ်တဲ့သူက အခုသဘောတွေစွတ်ကောင်းနေပါလား..."
"ငါကမယှဉ်ပြိုင်ပါဘူး...မင်းတစ်ယောက်ထဲဆိုတော့ ပျင်းနေမှာစိုးလို့ အတူလိုက်ကစားပေးရုံပါ အခုကံတရားက မင်းကိုမျက်နှာသာပေးလို့နေပါလိမ့်မယ်ကွာ...မင်းပစ္စည်းကိုသေချာဂရုစိုက်နော် "
သူကပြောပြီးတာနဲ့ လှည့်ထွက်ပြီးမှပြန်လှည့်လာကာ...
"မင်းဒင် ဝေးဝေးစဉ်းစားမနေနဲ့ မင်းရူးသွားဦးမယ်၊ ငါကတန်ဖိုးကြီးလို့ဒီအတိုင်းပြောလိုက်တာ အဟက် "
"ဝမ်းသာပါတယ် မင်းဘယ်လိုစိတ်နဲ့ပဲဖြစ်ဖြစ်ငါ့ကိုစိတ်ပူပေးလို့ "
"Ok see you "
သတိုးတေဇအောင်နိုင်သူအပြုံးဖြင့် နေရာမှ
လှည့်ထွက်ခဲ့တော့သည်။ သူသိသည်
မင်းဒင်တစ်ယောက်အတွေးတွေထဲချာချာ
လည်ပြီး ပိတ်မိနေဦးမယ်ဆိုတာ...။
" တောက် အခုချက်ချင်းအိမ်ပြန်မယ် "
ရှိုင်းလည်း အလိုက်တသိဖြင့် ကားပါကင်မှ
ကားကိုသွားထုတ်လာခဲ့သည်။ သတိုးတေဇ
ကိုနိုင်ပြီဆိုပြီးပျော်နေတာ... သတိုးတေဇကို
လွယ်လွယ်အနိုင်ယူလို့မရဘူးဆိုတာ အခုထိ
သူမယုံနိုင်သေး...၊ မင်းဘာလှည့်စားမှုတွေသုံးလိုက်ပြန်ပြီလဲ...။
"လှည့်စားမှုလို့မပြောရဘူး အဂ္ဂ လှည့်ကွက်လို့ပြောရတယ် "
"ဟုတ်တယ်သခင်လေး ကျွန်တော်လည်းအံ့သြနေတာ နောက်ပြီးသိလည်းသိချင်တယ်...သခင်လေးခိုင်းလို့သာလုပ်ခဲ့ရတာ အခုထိရေရေရာရာကိုမသိသေးဘူး...ဦးမိုးထက်ကိုဘယ်လိုပုံစံနဲ့စည်းရုံးလိုက်လို့ သူကလက်ခံပြီး အဲ့ကျောက်စိမ်းတုံးကို သခင်လေးကိုပေးလိုက်တာလဲလို့ "
"ဒါလား...ဒါကတော့ "
°°°°°°°°
^ လွန်ခဲ့သောနှစ်ရက်ခန့် ^
"မောင်သတိုးတေဇလာမယ်ဆိုလို့ အန်ကယ်ဘယ်မှမသွားဘဲစောင့်နေတာ...အလုပ်ကိစ္စနဲ့လား ဒါမှမဟုတ်တခြားကိစ္စရှိလို့လား..."
" အလုပ်ကိစ္စရယ်လို့တော့မဟုတ်ပါဘူး...
အကူအညီတောင်းစရာရှိလို့ဆိုရင်ပိုမှန်လိမ့်မယ်ဗျ "
"ကဲ ပြောပါဦး ထူးထူးခြားခြား "
"ကျွန်တော်အရင်ရက်တွေတုန်းက တစ်စုံတစ်ယောက်ကိုလက်ဆောင်ပေးဖို့ဘာပေးရမှန်းမသိဖြစ်နေတယ်...ဒါနဲ့ကျွန်တော်လှည့်ပတ်ရှာရင်း ကျောက်စိမ်းတုံးတစ်တုံးကိုသွားတွေ့တယ်ဗျ၊ အဲ့ကျောက်စိမ်းတုံးကပိုင်ရှင်ရှိပြီးသားလို့သိရတယ်လေ၊ ကျွန်တော်ဘယ်လောက်ကံဆိုးလဲဗျာ...အခုလည်းကံကောင်းမလားလို့ အန်ကယ့်ဆီမှာရှိတဲ့ပစ္စည်းကို အဖိုးအခနဲ့ပြန်ရောင်းနိုင်မလားလို့အကူအညီလာတောင်းတာပါ "
"သြော် ကျောက်စိမ်းတုံးလား...အဲ့ပစ္စည်းကို
အန်ကယ်လေလံတင်မှာလေ မောင်သတိုးတေဇဆီကိုလည်းဖိတ်စာပို့ခိုင်းထားတယ်၊ ဖိတ်စာရောက်တယ်မလား..."
"ရောက်ပါတယ် ယှဉ်ပြိုင်ပြီးယူရတာထက်
ပိုပြီးစိတ်ဝင်စားဖို့ကောင်းတဲ့ဟာမရှိဘူးဆိုပေမယ့် ကျွန်တော်ပိုင်တဲ့အရာကို ကျွန်တော်တစ်ဦးတည်းပြိုင်ဖက်မရှိပိုင်ဆိုင်ချင်လို့ပါ "
"အေး ဘယ်လိုပြောရမလဲ အန်ကယ်ကဆုံးဖြတ်ပြီးသွားပြီ ဆုံးဖြတ်ပြီးတဲ့ကိစ္စတစ်ခုကိုပြန်ပြင်ရိုးထုံးစံမရှိပေမယ့် အခုလိုတစ်ကူးတကအကူအညီတောင်းလာတော့ မိတ်ဖြစ်ဆွေဖြစ်အနေနဲ့ အပေးအယူတစ်ခုလောက်လုပ်ရင်မကောင်းဘူးလား "
"အပေးအယူ...."
သူမျက်ခုံးတစ်ချက်ပင့်လိုက်ရင်း...
" အပေးအယူကမျှတနေရင် ဘာမလုပ်စရာ
ရှိလဲဗျာ "
ခြေချိတ်ထိုင်နေရာက သတိုးတေဇ ခြေထောက်ပြင်ထိုင်၍ ပြုံးစစဖြင့် ဦးမိုးထက်မျက်လုံးအား သူတည့်တည့်ကြည့်လျက် စကားဆက်လိုက်၏။
"ဒါဆို ကျွန်တော့ဘက်ကအရင်တောင်းဆို
ပါရစေ "
"ကောင်းပါပြီ "
"ကျွန်တော် တန်ဖိုးဖြတ်တာမဟုက်ပါဘူး
သိန်း၁၅၀၀ ပေးပါ့မယ်၊ နောက်တစ်ခုက
အဲ့လေလံတင်မဲ့နေရာမှာ ကျွန်တော့်ပစ္စည်း ကို အစားထိုးပြီးလေလံတင်ချင်ပါတယ် "
"မောင်သတိုးတေဇပစ္စည်းကြောင့် အန်ကယ့်ကို "
"အန်ကယ့်ကိုမထိခိုက်စေရပါဘူး..."
"မောင်သတိုးတေဇက သေချာစီစဉ်ထားတာပဲ ကောင်းပြီလေ မောင်သတိုးတေဇကပေးပြီးပြီဆိုတော့ အန်ကယ့်ဘက်ကပြန်ယူရမှာပေါ့၊ သိပ်အများကြီးမဟုတ်ပါဘူး...၊ အန်ကယ့်နာမည်အောက်မှာ လေလံတင်မဲ့ပစ္စည်းက အန်ကယ်နဲ့လည်းဆိုင်တယ်မဟုတ်လား
အဲ့တော့ ရလာမဲ့အကျိုးအမြတ်ကို တစ်ဝက်စီခွဲယူကြတာပေါ့ "
" မျှတရဲ့လား..."
"မျှတပါတယ် ဒါဆိုကိစ္စပြီးပြီလို့မှတ်လိုက်တော့မယ်နော် "
သတိုးတေဇ က မတ်တပ်ရပ်လိုက်သည့်အတွက် ဦးမိုးထက်လည်း အလိုက်သင့်ထရပ်ကာ သူကလက်ကမ်းပေးတော့ ဦးမိုးထက်လည်း လက်ဆွဲနှုတ်ဆက်ကာ Royal City ကုမ္ပဏီမှထွက်လာခဲ့သည်။
"ဒါဆိုရင် ဒီပွဲမှာဦးမိုးထက်က အချီကြီးရလိုက်တာပေါ့ "
"မင်းထင်လို့ပါ မင်းမမြင်တာရှိသေးတယ်...
ဒီပွဲမှာ ငါကအောင်နိုင်သူပဲ ဘာလို့လဲဆို
ငါလိုချင်တဲ့ပစ္စည်းလည်းရတယ် မင်းဒင်ရဲ့စိတ်ကိုလည်းရခဲ့တယ်လေ "
"အချီကြီးဆိုပေမဲ့ ငါးလိုချင်လို့ငါးစာချကျွေးတဲ့သဘောပါ ဦးမိုးထက်ဆီကပြန်ယူမဲ့ဟာနဲ့နှိုင်းယှဉ်ရင် ပါမွှားလောက်ပဲရှိပါတယ် "
"ကျွန်တော်တို့လေလံတင်လိုက်တဲ့ပစ္စည်းရဲ့ တန်ဖိုးကရောသခင်လေး... "
"ပိုမှန်ကျောက်စိမ်းတစ်လုံးရဲ့အရည်အသွေး တစ်ဝက်လောက်ပဲလျော့ထားတာပါ၊ ငါညစ်တာမဟုတ်ဘူးနော် ဉာဏ်လျှင်သူစားစတမ်းပဲလေ "
သူနဲ့ အဂ္ဂတို့ စကားပြောလာကြပြီး ကားကို
မောင်းနှင်လာသည်။
°°°°°°°°
လိပ်ပြာတို့ညီအစ်မနှစ်ယောက် တစ်ဆိုင်ဝင်
တစ်ဆိုင်ထွက်နဲ့ ခြေတိုအောင်ပတ်လာပြိီးမှ
အမောတကောဖြင့် နာရီကြည့်လိုက်တော့
နေ့လည်တောင်ရောက်နေပြီမို့ နီးစပ်ရာဆိုင်တစ်ဆိုင်မှာ ဝင်စားပြိီးဆိုင်ထဲမှအထွက် ...
"မမ မေမေစားဖို့ crystal မာလာရှမ်းကော
ပါဆယ်ဆွဲလိုက်ဦးမယ်...ဒီမှာစောင့်နေနော်
ခဏပဲ "
" အင်း မလိုက်တော့ဘူး "
ဆိုင်ရှေ့လမ်းမဘေးမှာရပ်စောင့်နေရင်း
တိုက်တိုက်ဆိုင်ဆိုင်အရှေ့ဆိုင်မှထွက်လာတဲ့စိုင်းရဲ့ညီဝမ်းကွဲလင်းမြတ်နဲ့ တွေ့ပါလေရော...။
"အမလိပ်ပြာဘာရပ်လုပ်နေတာလဲ "
"ဟဲ့ လင်းမြတ်ပျောက်နေတာတောင်ကြာပြီ
ဘာလာလုပ်တာလဲ "
"ဒီလိုပါပဲ ဟိုဟိုဒီဒီခြေဆန့်နေတာ ဒါနဲ့
အစ်မကရော "
"ညီမလေးနဲ့မုန့်ဝင်စားတာ "
"သြော် ညီမ ဘယ်ကညီမလဲ..."
"Bangkok ကလာလည်တာ "
"မိတ်ဆက်ပေးဦးနော် "
"အေးပါ နှာခေါင်းရဲ့၊ ငါ့ညီမကအခုမှအသက်ပြည့်ခါစနော် "
"အစ်မကလည်း...အစ်မကိုအကူအညီတောင်းစရာရှိလို့ကြုံတုန်းလေးကုသိုလ်လုပ်သွားပါဦး "
လင်းမြတ်ပါးစပ်ဟလိုက်တာနဲ့ အူဘယ်နှခွေရှိသည်အထိ ခန့်မှန်းနိုင်လောက်အောင် အတွင်းကျကျသိနေတာမို့ သူစကားစလိုက်တော့ သူမ အတပ်သိကာ နှုတ်ခမ်းလေး သိသာစွာ မဲ့ကျသွားတော့ လင်းမြတ်က ဇတ်ပုပြကာ သနားစဖွယ် ပြုံးပြလာ၏။
°°°°°°°°°°°°°°°°°°°°°°•°•°•°•°•°•°•°•°•°♥•°
အပိုင်း(၃၆) ဆက်ရန် >>>
#Ruby Linn