မာရ်နတ်မင်း၏ စစ်သူကြီး...
=================
" မကောင်းဆိုးဝါး...ရေကန်ထဲမှာ မကောင်းဆိုးဝါး
နောက်တစ်ကောင်တွေ့တယ်ဟုတ်လား...၊
နောင်ကြီးကို သွေးစုတ်တဲ့ မကောင်းဆိုးဝါးလား
..."
" မဟုတ်ဘူး ဂါမဏိ မဟုတ်ဘူး...၊
ကျုပ်ကိုသွေးစုတ်သွားတာကတစ်ကောင်
ခုဟာက နောက်တစ်ကောင်..."
" ...အလို...နောက်တစ်ကောင် ဟုတ်လား..."
" ဟုတ်တယ်… ဂါမဏိ နောက်ထပ်မကောင်းဆိုးဝါးတစ်ကောင်
ရှင်းရှင်းပြောရရင် မကောင်းဆိုးဝါးဟာ ကျုပ်ကိုယ်တိုင်ပါပဲ....."
" ...အလိုလေး.........."
အဂ္ဂစကားကြောင့်ဂါမဏိတစ်ယောက်အံ့အြစွာရေရွတ်လိုက်မိ၏အဂ္ဂနောက်ပြောင်ကျီစယ်ခြင်းစကားဆိုတတ်သူမဟုတ်မှန်းဂါမဏိ သိသော်လည်း အခြေအနေကယုံကြည်လက်ခံနိူင်စရာခဲယဉ်းလွန်းနေ၏ ။
ဂါမဏိအံ့အြမင်သေနေစဉ်အဂ္ဂမှသူ့စကားကိုပြန်ဆက်လာပြန်၏ ။
”..လက်ခံယုံကြည်နိူင်ဖို့ခဲယဉ်းမှန်း ကျုပ်သိပါတယ်…
ကျုပ်ကိုယ်တိုင်တောင် အစပထမ အဲဒီလိုဖြစ်သွားတာကိုလက်ခံဖို့ခက်ခဲနေခဲ့တယ် ဂါမဏိမကြောက်ဘူးဆိုရင်ကျုပ်ရုပ်ကိုပြပါမယ်...”
ဂါမဏိအနေဖြင့်အဂ္ဂအကြောင်းအားအထူးတလည်စိတ်ဝင်စားနေသောကြောင့်အဂ္ဂစကားကြားရသောအခါမဆိုင်းမတွပင်။
”..ပြပါနောင်ကြီး နောက်ကြီးဟာ ဘယ်လိုပဲဖြစ်နေပါစေ
ကျုပ်အတွင်မိတ်ဆွေကောင်းတစ်ယောက်၊
ကျေးဇူးရှင်တစ်ယောက်ပါ...”
”..ကောင်းပြီ …လန့်ဖျတ်တော့မသွားပါနဲ့....”
အဂ္ဂလည်းဂါမဏိထံမှစကားကြားရသောအခါ ကျောခိုင်းအနေထားမှဖုံးအုပ်ထားသောခေါင်းဆောင်းအဝတ်ကိုဖြေချ၍
တဖြည်းဖြည်းဂါမဏိနဲ့မျက်နှာချင်းဆိုင်လှည့်လာပါတော့၏ ။
.....အလိုလေး.ဘုရား..ဘုရား.....
ကျိုးတိုးကျဲပါးသောဆံပင်၊ မို့မောက်သောနဖူးပြင်၊မျက်တွင်းနက်နက်ကျီးနူတ်သီးကဲ့သို့နှာယောင်ကောက်ကောက်၊ ပါးစပ်အတွင်း
မဖုံးဖိနိုင်ပဲ အပြင်ထွက်နေသော သွားစွယ်များဖြင့် ကြောက်မက်ဖွယ်ရာမျက်နှာကြီးတစ်ခုကြောင့် တကိုယ်လုံးအမွေးအမျှင်များ၊ထောင်ထကာ အူအသည်းများဗျောင်းဆန်ကုန်သည်အလား
ထိတ်လန့်တုန်လူပ်သွားမိ၏ ။
အကယ်၍များသူသာလျင် လူပ်ရှားပြေးလွားနိူင်စွမ်းရှိသူဖြစ်ပါက အဂ္ဂ နဲ့မည်မျပင်ရင်းနှီးကျွမ်းဝင်သူဖြစ်ပါစေနေရာမှထပြေးမိမည်ဖြစ်ပေ၏ ။
ကြောက်လန့်စိတ်များနဲ့အတူ
အဂ္ဂအပေါ်သနားသောစိတ်များလည်းဝင်လာမိပြန်သောအခါသူ့အနေဖြင့်တဖြည်းဖြည်းစိတ်များပြန်လည်တည်ငြိမ်လာ၏ ။
”...ဘယ်လိုလဲ သိပ်ကြောက်သွားလား ဂါမဏိ...”
ဂါမဏိ လည်းအိနြေ္ဒပြန်ဆယ်လိုက်ရင်းမှ...၊
”..အမှန်ပြောရရင်အစပထမ ကြောက်လန့်မိတယ်
နောက်တော့တဖြည်းဖြည်း အံ့အြရတယ်
ဘာကြောင့် လူတစ်ယောက်ကခုလိုပုံမျိုး
ပြောင်းသွားရတာလဲဆိုတာ နားမလည်နိူင်အောင်
ဖြစ်ရတယ် နောင်ကြီး...”
အဂ္ဂမှာသူ့ခေါင်းပေါ်ဖုံးအုပ်ထားသောအဝတ်ကိုပြန်မဖုံးအုပ်တော့ပေ။ သူ့ဘဝအမှန်အားလှစ်ဟပြီးဖြစ်ဟန်ကြောင့်တူ၏ ။
.”..ကျုပ်လည်းအရင်ကနားမလည်ဘူး ဘာကြောင့်
အခုလိုမကောင်းဆိုးဝါးအသွင်ပြောင်းသွားရလဲဆိုတာဒါပေမယ့်… တဖြည်းဖြည်းပြန်တွေးလာမိတာက
ဒီလိုဖြစ်သွားတာဟာကျုပ်ကိုသွေးစုတ်တဲ့မကောင်းဆိုးဝါးနဲ့ဆက်စပ်မူရှိနိူင်တယ်ဆိုတာတွေးလာမိတယ်...”
.”...ဟုတ်ပ… ဖြစ်သမျခြုံကြည့်ရင်ဒါအဖြစ်နိူင်ဆုံးပဲ
နောင်ကြီး ဒါနဲ့ ဒီလိုဖြစ်သွားပြီးနောက်
ဘာတွေထူးခြားမူဖြစ်သေးလဲ ...။
နောင်ကြီးမိသားစုကရော နောင်ကြီးခုလိုဖြစ်သွားတာသိကြသေးလား...”
အဂ္ဂသက်ပြင်းချသံကိုဂါမဏိကြားလိုက်ရ၏သူပုံမှာ
ခေါင်းငိုက်စိုက်ချကာဝမ်းနည်းကြေကွဲမူအ
သွင်ကိုဆောင်နေသည်မှာ သနားစဖွယ်ပင်။
.”..ဒီလိုပုံစံမျိုးနဲ့ ရွာပြန်ရင်အားလုံးက ကျုပ်ကိုမကောင်းဆိုးဝါးထင်ကြမှာပေါ့။
မိသားစုကရော ကျုပ်ပါလို့ဘယ်လက်ခံယုံကြည်နိူင်ကြမှာလဲ ၊ ကျုပ်အတွက်လူနေပတ်ဝန်းကျင်တွေနား
ပိုပြီးမသွားချင်တဲ့အကြောင်းနောက်တစ်ခုရှိသေးတယ်
ကျုပ်ဟာခုလိုဖြစ်ပြီးနောက်ပိုင်း သား၊ငါးတွေကို အစိမ်းစားရတာပိုကြိုက်လာတယ်သားကောင်တွေကိုဖမ်းယူရာမှာ
သားကောင်နဲ့ယှဉ်ပြေးပြီးဖမ်းယူပြီးသွေးဖောက်
သောက်လိုက်ရမှနေရထိုင်ရသက်သာတယ်။
နောက်တစ်ခုက်သွေးမသောက်ရရင်အားအင်ချိ
နဲ့သလိုခံစားရတယ်။
ကျုပ်ဒေါသဖြစ်လာရင်အဆိုးဆုံးပဲ၊ဘာလုပ်လို့လုပ်မိမှနိးမသိဘူး
ကိုယ့်စိတ်ကိုယ်ထိန်းချုပ်နိူင်စွမ်းမရှိတော့ဘူး။
အားနည်းချက်ကတော့နေအလင်းရောင်အောက်ရောက်ရင်ကျုပ်အားလျော့့သလိုခံစားရတယ် ။
နေကအသားကိုထိလို့မရဘူး
ဒါကြောင့်အမှောင်ကိုကျုပ်ကြိုက်လာတယ်။
အမှောင်ထဲမှာဆိုကျုပ်မျက်လုံးကနေ့ဖက်နဲ့မခြားမြင်နိူင်စွမ်းရှိတယ် ...၊
အလင်းကအားနည်းချက်ဆိုရင်၊အမှောင်က
ကျုပ်အတွက် အားသာချက်တစ်ခုပဲ
ကျုပ်ခုလိုဖြစ်နေတာတွေကြောင့်လူသားတွေအနီးအနားနေရင်ကျုပ်ကြောင့်ဘေးတစ်စုံတရာဖြစ်မှာ
စိုးလို့လူသူဝေးရာအရပ်ရှေင်တိမ်းနေရင်း ရောင်းရင်းနဲ့တွေ့တာပဲ ဂါမဏိ..
ကျုပ်အဖြစ်က ဒါပါဘဲ...” ။
အဂ္ဂစကားအဆုံးသတ်သောအခါလောကကြီး၏အံ့ဖွယ်ထူးခြားမူပဉ္စလက်ဆန်ဆန်အဖြစ်အပျက်များကိုအံ့အြဘနန်းဖြစ်နေမိတော့သည်။
အကယ်၍ အဂ္ဂ အဖြစ်အပျက်များကိုတစ်ခြားသူတစ်ယောက်သာ ပြောပြမည်ဆိုပါကသူ့အတွက်ပုံဝတ္ထုတစ်ပုဒ်သဖွယ်သာ သဘောထားမိမည်မှာ မလွဲမသွေပင်။
ယခုကားသူကိုယ်တိုင်မျက်မြင်ဒိဋ္ဌကြုံရ၊ကြားနေရသောကြောင့်သာတကယ်အပြင်လောကတွင်စိတ်ကူးယဉ်ထက်ဆန်းပြားသောအကြောင်းတရားများရှိနေမှန်းသိရတော့၏ ။
”...နောင်ကြီး အဂ္ဂ အတွက် ကျုပ် စိတ်မကောင်းပါဘူး
နောင်ကြီးရေ...”
”... ခုလိုဖြစ်နေချိန်ကာလမှာပထမဆုံး တွေ့တဲ့လူဆိုလို့ဂါမဏိပဲရှိတယ်။ ဘယ်ရှေးရေစက်ကြောင့်မဆိုနိူင်ဘူး
ဂါမဏိ ကိုခုလိုဘဝနဲ့ မမြင်ချင်ဘူး တစ်ခုခုကူညီချင်လာတယ်။
ဒါပေမယ့် ကျုပ်ကူညီမူဟာဂါမဏိအတွက် ကောင်းကျိုးထက်ဆိုးကျိုးကိုများဦးတည်သွားမလားလဲ စိုးထိတ်မိပြန်တယ် ဂါမဏိ အနေနဲ့ ကျုပ်ပြောတဲ့အစီအစဉ်ကိုကြိုက်မှလုပ်နိူင်ပါတယ် ။
တကယ်လို့မကြိုက်ခဲ့ရင်တောင်ကျုပ်သေ
သည်အထိနောင်ကြီးကိုကျွေးမွေးထားနိူင်ပါတယ်ဆိုတာကြိုပြောပါရစေ....”
.”..ဟင် ကျုပ်...ကျုပ် ...လူကောင်းပကတိပြန်ဖြစ်နိူင်တယ်ဟုတ်လား အမြန်ကူညီပါ အဂ္ဂကျေးဇူး
တသက်မမေ့ပါဘူး....”
အဂ္ဂစကားများမှာမည်သည့်သမားတော်မဆိုကုသ၍မဖြစ်နိူင်သောသူ့အခြေအနေကိုပြောင်းလဲနိူင်
သည်ဆိုခြင်းကြောင့် မျော်လင့်ချက်မဲ့နေသော ဂါမဏိရင်ထဲလိူင်းတန်ပိုးထန်မျရင်ခုန်စိတ်လူပ်ရှားသွားရတော့၏ ။
.”..စကားမဆုံးသေးဘူး… ဂါမဏိ
ခုအခြေအနေကိုကုသနိူင်မယ်လို့ယူဆရတဲ့ဆေးကိုဂါမဏိ ကြားရင်လန့်ဖျတ်သွားလိမ့်မယ်ဆိုတာ
ကျုပ်ပြောရဲတယ်..”။
..ဘာဆေးများမို့လဲ နောင်ကြီး အဂ္ဂ...
...သွေး.....ကျုပ်သွေးက ဂါမဏိ ရောဂါအတွက်ဆေးပဲ...
...ဟာ နောင်ကြီး အဂ္ဂ သွေးက ကျုပ်အတွက်ဆေး ဘယ်လိုလဲကျွန်ပ်
နားမလည်နိူင်အောင်ပါပဲ...
ဂါမဏိ တစ်ယောက်အမှန်ပင်နားမလည်။အဂ္ဂရူးသွပ်စွာလျောက်ပြောနေခြင်းလားဟုပင်တွေးမိ၏ ။
.”..ဂါမဏိ နားမလည်တာတစ်ခု ကျုပ်ပြောပြမယ်
ကျုပ်ဟာ တစ်ခါက ကျားတစ်ကောင်နဲ့ရင်ဆိုင်တိုက်ရင်းတကိုယ်လုံး
ကျားကိုက်ရာ၊ခြစ်ရာ ဗရဗွဖြစ်ဖူးတယ် ဒါပေမယ့်
နောက်တနေ့ရောက်တော့လူကောင်းပကတိပြန်ဖြစ်နေပြန်ရော
မယုံနိူင်စရာပါပဲ ဒီလိုမျိုးပဲ ဝက်ဝံတစ်ကောင်နဲ့ လုံးထွေးသတ်ပုတ်ရင်းချောက်ထြဲပုတ်ကျပြီး ခြေတစ်ချောင်းကျိုးတယ်
မနက်ကျတော့ အကောင်းပကတိ ဖြစ်နေတယ် မယုံမရှိနဲ့.....”
....ဟာ ဒီလိုဆိုနေရာကျပြီပေါ့
နောင်ကြီး အဂ္ဂ ရေ......
အဂ္ဂ စကားများက ဂါမဏိ အတွက်စိတ်အားရကျေနပ်စရာအတိပင်။သို့ရာတွင်အဂ္ဂမှာတစ်စုံတရာအရေးဝန်လေးနေဟန်တူ၏။
အဂ္ဂ မှာစိတ်အားတက်ကြွနေသော ဂါမဏိ အဖြစ်ကိုကြည့်ကာသူ့ဘဝနဲ့ယှဉ်၍သနားနေဟန်ဖြင့်ရှိနေ၏။
သူကသရဲတစ်ပိုင်းလူ၊ ဂါမဏိကတစ်ကိုယ်လုံးလူပ်ရှားမရသောဒုက္ခိတမဟုတ်လား။
.....တစ်ခုတော့ပြောစရာရှိတယ် ဂါမဏိ
တစ်ကယ်လို့ ကျုပ်သွေးနဲ့ကုလိုက်ရင် ဂါမဏိဟာ
မူလရုပ်သွင်ပျောက်ပြီး ကျုပ်လိုဖြစ်သွားနိူင်တယ်။
...ဟင် ဘယ်လို နောင်ကြီး အဂ္ဂ...
”
...ဟုတ်တယ် ကျုပ်သွေးဟာ မိစ္ဆာသွေးနှောနေတော့ဖြစ်မဖြစ်ပြောမရဘူး။
နောက်ထပ်အားတက်စရာတစ်ခုက ကျုပ်ဟာ
မကောင်းဆိုးဝါးအကိုက်ခံရပေမယ့် သူ့အတိုင်း
မပြောင်းလဲသွားဘူး၊ ခုကျုပ်ကတဆင့်ဆိုရင်တော့
ဘာမှတော့လည်းပြောင်းလဲမသွားနိူင်ဘူးလို့
ကျုပ်တွေးမိပြန်တယ်.။
သေချာစဉ်းပါ ဒီနှစ်ခုထဲကတစ်ခုဘာမဆိုဖြစ်သွားနိူင်တယ်နော်
အခုကျုပ်ပြောစရာစကားကုန်ပြီ ဂါမဏိ သဘောအတိုင်းကျုပ်လိုက်လျောပေးဖို့အဆင့်သင့်ပဲ .....”
.........ဟူး...........
ပင့်သက်ပူကြီးတစ်ခုအား ဂါမဏိ မူတ်ထုတ်လိုက်မိ၏ ။
ဘာမဆိုဖြစ်သွားနိူင်သောအခြေအနေမျိုးတွင်သူ့အခြေအနေကရှေ့တိုးရခက်နောက်ဆုတ်ရခက်။
ယခုအတိုင်းဒုက္ခိတဘဝရွေးချယ်လိုက်ပါကလည်းသူ့ဘဝသည်သေလူနဲ့မခြားနား၊
အကယ်၍ အဂ္ဂ သွေးကိုသောက်မိပါက အဆင်မသင့်လျင်အဂ္ဂနည်းတူဖြစ်သွားနိူင်သည်မို့
ဂါမဏိ တွေးရကြပ်နေသလို၊
သူ့အတွေးအာရုံများသည်ယခုအချိန်တွင် မိခင်အားအထူးပင်သတိရလာမိလျက်ရှိနေတော့၏။
အနှိမ်ခံအပယ်ခံဘဝဖြင့် ဆင်းရဲနွမ်းပါးစွာသားမိနှစ်ယောက်ဖြတ်သန်းရပုံများ၊
စက္ကဒေဝနဲ့တွေ့ဆုံပြီးဘဝတဆင့်မြင့်မှမိခင်အားတွေ့မည်စိတ်ပိုင်းဖြတ်ကာ ကြိုးစားခဲ့သမျ
ကံတရားမျက်နှာသာမပေးမူကြောင့်
ယခုလိုဘဝရောက်ရချိန်တွင်မိခင်သည်အဘယ်အရပ်သို့ရောက်နေမှန်းမသိ။
သေသည်ရှင်သည်မသိသောသားအတွက်အဘယ်မျပူဆွေးနေရပြီမဆိုနိူင်၊
အရင်ကမတွေးမိသောအကြောင်းအရာ
များသူ့ခေါင်းတွင်းတခုပြီးတစ်ခုတွေးဝင်လာ၏ ။
ဂါမဏိ စိတ်နှစ်ခုကြားတစ်ခုပိုင်းဖြတ်လိုက်ရင်း...
. ..ကျုပ်ကို နောင်ကြီးအဂ္ဂ သွေးနဲ့ကုပေးပါ
ဖြစ်လာသမျအကျိုးဆက်ကို ကျုပ်လက်ခံဖို့ အဆင်သင့်ပါပဲ...
...ကောင်းပြီ ဂါမဏိ အချိန်ကောင်းပဲ
လမွန်းတည့်ချိန်ရောက်တော့မယ် စမ်းကြည့်
ကြတာပေါ့....
ဂါမဏိ တစ်ယောက် လက်ဖျံအားဓားဖြင့်ထိုးခွဲ၍သွေးကိုခွက်တစ်ခုထဲခံနေသောအဂ္ဂလုပ်ကိုင်ပုံအားရင်တဖိုဖိုစောင့်ကြည့်နေမိ၏ ။
မကြာမှီသူ့ဘဝအလှည့်အပြောင်းစပေတော့မည်။
...ရော့ သောက်လိုက်ဂါမဏိ...
ဂါမဏိမှာအဂ္ဂကမ်းလာပေးသောခွက်အတွင်းမှနီထန်းထန်းညှီစို့စို့သွေးများကို သောက်နေချိန်ပျို့အန်မိမတတ်ဖြစ်လာသော
ကြောင့်အသက်အောင့်၍အားလုံးမော့ချလိုက်တော့၏ ။
သွေးများကုန်သွားချိန် အဂ္ဂမှာထူးခြားမူတစ်စုံတရာ
ဖြစ်မဖြစ်စိတ်ဝင်တစားဂါမဏိကိုစောင့်ကြည့်နေ၏ ။
ဂါမဏိမှာလည်းထူးခြားမူတစ်စုံတရာအတွက်ရင်တဖိုဖိုရှိနေမိတော့၏ ။
သိုရာတွင်……
အချိန်အားဖြင့်ကွမ်းတယာညက်ခန့်ကြာသည်အထိမည်သည့်ထူးခြားမူမှဂါမဏိထံတွင်မပြချေ ။
..နောင်ကြီး အဂ္ဂ ဘာထူးခြားမူမှကျုပ်မခံစားရပါလား...
...ဟုတ်တယ် တကယ်ဆိုတခုခု ဖြစ်ရမှာ ခုတော့....
အဂ္ဂ စကားမဆုံးခင်မှာပင်ကောင်းကင်ပြင်တစ်ခုလုံး,လ ကိုဖုံးသည်အထိလင်းနိူ့ငှက်များကောင်းကင်ယံတွင်ဝဲပျံနေလျက်ရှိနေကြကာ ထိုအရိပ်များကြောင့်
ပတ်ဝန်းကျင်လည်းမှောင်သွားတော့၏ ။
ထို့အတူ……၊
ဂါမဏိတစ်ယောက်ထူးခြားသောအခြေအနေဖြင့်
စတင်ရင်ဆိုင်ရတော့၏ ။
တကိုယ်လုံးရှိသွေးကြောများတွင်ပိုးကောင်ငယ်များ
လှည့်လည်သွားလာနေသလိုခံစားနေရသည်မှာမခံ
ရပ်နိူင်စွာ သွေးကြောများပေါက်ထွက်ကုန်ပြီဟုပင်
ထင်မှတ်နေမိတော့၏ ။
ပိုးကောင်များမှာတစတစဖြင့်သွေးကြောများအတွင်းအဆမတန်များပြားလာသလိုခံစားနေရ
ပြီးခေါင်းများမူးဝေနောက်ကျိကာ၊အမြင်အာရုံများဝေဝါးလာလျက်ရှိနေ၏ ။
...နောင်..ကြီး..အ..ဂ္ဂ...ကျုပ်...မရ.....
စကားပင်မဆုံးခင်မြေကြီးပေါ်သို့အရုပ်ကြိုးပြတ်ဖြင့်ဂါမဏိလဲကျသွားတော့၏ ။
...နောက်ဆုံးတော့ ကျုပ်သွေးက အစွမ်းပြပြီပေါ့....
ဂါမဏိ နောက်ဆုံးကြားလိုက်ရသောအဂ္ဂ စကားပင်။
သူကားလောကကြီးနဲ့ခနတာမျအဆက်အသွယ်ပြတ်တောက်သွားပြီဖြစ်၏ ။
တခြားဘာဆိုဘာမှမသိတော့ပေ။
==========================
၁၁ -ဆက်ရန်