💝💝တိုးတိတ်ပျောက်ကွယ်သွားသောအချစ်💔💔
သို့့သော် မိမိနှင့် တိုက်ဆိုင်မှုရှိနေသော သီချင်းဖြစ်နေရာ
နာကျင်နေသော နှလုံးသားနှင့် လွမ်းဖျားလွမ်းနာကျနေ
သော စိတ်တို့ကို အစဖော် နှိုးဆွလျက် ရှိနေသည်။
🎶🎶လူလိမ် လူညာကြီးပေါ့ကွာ အာရွှီးတဲ့ကိုကို🎵🎵
🎶🎶ဘာညာသာရကာသူပြောပြီးတော့🎵🎵
🎶🎶သူများအသဲကို ဒီလို အချစ်က🎵🎵 🎶🎶မိုးလောက်ကြီးတယ်လို့🎵🎵
🎶🎶ပြောတဲ့ကိုကို ပြောတဲ့ကိုကို🎵🎵
ကိုကို အာမရွှီးခဲ့ပါဘူး အသဲရာ……ဟော့ဒီ ရင်ဘတ်ကြီး
နဲ့ မဆံ့လောက်အောင်ကို ချစ်တာပါ။အသဲကို ဟိုးပင်ယံ
ထက်မှာ ပွင့်ဖူးနေတဲ့ ပန်းလေးတစ်ပွင့်ဖြစ်အောင် ကိုကို
ရေလောင်းပေါင်းသင်ပေးချင်တာ။တကယ့်ကို နန်းထိုက်
တဲ့ တော်ဝင်ဖြစ်မှ အများရှေ့ ဂုဏ်ယူဝံ့ကြွားစွာနဲ့ ခေါင်း
မော့ ရင်ကော့ပြီး ဒါ ငါယူမယ့် အမျိူ းသမီးလို့ လက်မ
ထောင်ချင်တာ။
ဒေါက်တာ ဟံသာစိုးရဲ့သား သူ့အဖေလိုပဲ ဖြစ်မှာပါဆိုတဲ့
စကားလုံးတွေကို အမြစ်ကမကျန် ဆွဲနှုတ် သက်သေပြ
ချင်တာ။မင်း အမေက ဖဲဂျိူ းပါကွာ……မင်းလဲကြီးလာရင်
မင်းအမေလိုပဲ ဖြစ်မှာပါဆိုတဲ့ စကားလုံးကို MBBS ဘွဲ့
နှင့်အတူ တွန်းပ မြေလှန်နိုင်ခဲ့တဲ့ ကိုကိုက ကိုယ်လက်
ထပ်မယ့် အိမ်ထောင်ရေးတစ်ခုကို လူအများ ကဲ့ရဲ့လက်
ညှိုးထိုးမှာ မခံလိုဘူးအသဲရယ်။
ကိုကို့ရဲ့ ခံစားချက်တွေကို အသဲ နားလည်ပေးရင်ကောင်း
မယ်။
လူတစ်ယောက်ဆီမှာ စိတ်အစွဲ တစ်မျိူ းစီ ရှိတတ်ကြလေ
သည်။ကျတော့်ရဲ့ စွဲကပ်နေသော အစွဲက လူတွေ လက်
ညှိုးထိုးကဲ့ရဲ့မှာကို သေမလောက် ကြောက်တာပါပဲ။
အဆင်မပြေတဲ့မိသားစု ဆက်ဆံရေးမသာယာတဲ့ မိဘ
နှစ်ပါးကနေ ပေါက်ဖွားလာတဲ့ ကျတော်ဟာ အတွေးအ
ခေါ် အပိုင်းမှာ အနဲငယ် တစ်ဖက်သတ် ဆန်နေနိုင်ပါ
သည်။ဒါသည်လည်း ကျတော့် ခံစားချက်နှင့် ကျတော်မို့
ပါ။
ကျတော့်ရဲ့ အိမ်ထောင်ရေးသည် လူတကာ မောကြည့်ရ
်မယ့် လူတကာ အားကျရမယ့် အိမ်ထောင်ရေးပဲ ဖြစ်စေ
ရမည်။ဒါ ကျတော့် မျှော်လင့်ချက်သာ……
" ကျတော် သူနဲ့တွေ့မှ ဖြစ်မှာမို့လို့ပါ……ဖြစ်နိုင်ရင် သူ
ရှိတဲ့နေရာလေး ပြောပြပါဗျာ "
မထားသည် မိမိရှေ့တွင် ညှိုးငယ်သော မျက်နှာထားဖြင့်
ရိုကျိူ းစွာခွင့်တောင်းနေသော ရာပြည့်ကိုလဲ သနားမိသလို
မနေ့က တညလုံး အခန်းပုန်းငိုနေရှာသော မိနွယ့်ကိုလဲ
ကိုယ်ချင်းစာမိသည့် အားလျော်စွာ မည်သူ့ဘက် ရပ်ရမလဲ
စဉ်းစားမတတ်အောင် ဝေခွဲမရ ဖြစ်၍နေသည်။
" အန်တီ တကယ်မသိတာပါ……ညကတော့ တညလုံး
အခန်းအောင်း ငိုနေတာပါပဲ……မနက် အန်တီဈေးသွား
တော့ သူ့စားပွဲမှာ ဒီစာလေးပဲ တွေ့တယ် "
ပြောလဲပြော တံတွေးလဲမျိူ ချကာ မိနွယ်ပေးသွားသော
စာအား သူ့လက်ထဲ ကမ်းပေးလိုက်သည်။ကမ်းပေးစဉ်
မိနွယ် တားသွားသော စကားလုံးတွေ သတိရမိလေ၏။
" သူလာမေးရင် ဒီစာသာပေးလိုက်ပါအမေ……သမီး
ဘယ်မှာဆိုတာ သူ့ကို လုံးဝ မပြောပါနဲ့……သူ သိသွား
ရင် သမီးကိုယ်သမီး တစ်ခုခုလုပ်မိလိမ့်မယ်……အမေ့
သမီးအကြောင်း အမေအသိဆုံးပါ "
မထားသည် ရာပြည့် မသိအောင် သက်မတစ်ချက်ရှိုက်
ရင်း သူ့အနေအထားကို တစ်စေ့တစ်စောင်း အကဲခတ်
နေမိ၏။အမှန်စင်စစ် စာဆိုသည်မှာလည်း သူ ယုံအောင်
ဇာတ်လမ်းဆင်ထားခြင်းသာ။စာထဲ ရေးထားသည်ကရှင်း
၏။ဖတ်ရသူ အဖို့မှာသာ စူးခနဲ နာကျင်ရသည်။
!! သမီးကို လိုက်ရှာဖို့ မကြိုးစားပါနဲ့ အမေ……
အချိန်တန်ရင် သမီးဘာသာပြန်လာခဲ့ပါ့မယ်……
အရင်ခြူ းသက်နွယ် ပြန်ဖြစ်လာတဲ့အချိန်ထိ
အဝေးမှာ နေခွင့်ပေးပါ……… !!
သြော်……အရင်ခြူ းသက်နွယ် ပြန်ဖြစ်မှ ပြန်လာမယ်တဲ့
လား။စာအရဆို အသဲသည် သူ့ကို အင်မတန်မှ စိတ်နာ
သွားပုံပင်။
ပုန်းပါအသဲ……လုံအောင်ပုန်းပါ။ကိုကိုကလဲ အသဲကို
မတွေ့ တွေ့အောင် ရှာအုံးမှာပါ။လွယ်လွယ်ချစ်ခဲ့တဲ့
အချစ်မဟုတ်တဲ့အတွက် ကိုကို့ဘက်က လွယ်လွယ် အဆုံးသတ်စေမှာ မဟုတ်ပါဘူး။
" သူပြန်လာခဲ့ရင်ပြောပေးပါ အန်တီထား……ကျတော်
သူ့ကို မရ ရအောင် မတွေ့ တွေ့အောင် ရှာမယ်လို့ "
" ခနလေးပါဆရာ……မထားတစ်ခုလောက်ပြောပါရစေ"
ပြန်ရန် ထလိုက်သော ခြေလှမ်းတို့သည် မထားစကား
ကြောင့် တုံ့ဆိုင်းသွားကာ ခပ်လေးလေး ပြန်ထိုင်လိုက်ပါ
သည်။
" ဘယ်ဘက်ကပဲကြည့်ကြည့် မိနွယ်နဲ့ဆရာ……ရှေ့ဆက်
ဖို့ မဖြစ်နိုင်တော့ပါဘူး……"
ရှေ့ဆက်စေချင်တာပေါ့……အမေတစ်ယောက်ရဲ့ သမီး
အပေါ်ထားရှိတဲ့ မေတ္တာလေ။ဒီလို လူကောင်းလေးနဲ့
သိပ်ရှေ့ဆက်စေချင်သေးတာပေါ့။ဒါမို့လဲ ရာပြည့်အတွင်း
စိတ်ကို တီးခေါက်ကြည့်ချင်လို့ မဖြစ်နိုင်ဘူးဆိုတဲ့စကား
ကို လှလှပပ မထား သုံးခဲ့တာပေါ့။
" ဖြစ်နိုင်ပါတယ် အန်တီ……ကျတော့်ဘက်က နောက်ဆုပ်
ပေးမှာမဟုတ်ဘူး……ရှေ့ဆက်တိုးမှာပါ……မဖြစ်နိုင်ဘူး
ဆိုတာ ဘာမှမရှိပါဘူး……ဖြစ်နိုင်အောင် ကျတော့်ဘက်
က ကြိုးစားနေတဲ့အချိန်မှာ အခုလို မထင်မှတ်တာတွေ
ဖြစ်ကုန်တာပါ……နွယ့်ကိုပြောပေးပါ.…ကျတော် သူ့ကိုပဲ
လက်ထပ်ချင်တာပါလို့ ပြောပေးပါ "
မထားသည် ရာပြည့်အပြောတွေ နားထောင်အပြီးမှာ
တော့ အပျော်တွေ ထွက်အံမကျလာအောင် မနဲမျိူ ချနေ
ရသည်။မိနွယ်တော့ မပြောတတ်……မထားမှာဖြင့်
ကြွေဆင်းစရာ သူ့အပြောတွေကြောင့် ရင်ထဲတလှပ်လှပ်
ဖြင့် ဝမ်းနဲသလို လှိုက်ခါလာလေသည်။
ထွက်သွားသော ရာပြည့်ကို မထား မျက်စိ တစ်ဆုံးကြည့်
ကာ နွယ့်အတွက် ပီတိစိတ်ဖြာလျက် အခုချက်ချင်းပဲ နွယ့်
ဆီလိုက်သွားပြီး ရာပြည့်လက်ထဲ အပ်နှင်းချင်စိတ်တွေ
ပေါက်လာလေတော့သည်။
" ခုနက ဘယ်သူလာသွားတာလဲ အထား……"
" ဟယ် အကိုကြီး……အသံမပေး ဘာမပေးနဲ့……ဘယ်က
ဘယ်လို……"
" ဘာလဲ အထား……ဟော့ဒီကောင်ရောက်လာလို့ ကြည်
နူးတဲ့စိတ်တွေ လေနဲ့အတူ ပျောက်ကုန်သွားတာလား
ဒါဖြင့် အနှောင့်အယှက်ပေးမိသလိုဖြစ်သွားတဲ့ ကျူ ပ်ကို
ခွင့်လွှတ်ပေးဗျ……"
" မဟုတ်ဘူး……အကိုကြီး ထင်သလို မဟုတ်ဘူး "
" အကိုကြီးရဲ့ မျက်လုံးနှစ်ဖက် အကောင်းပကတိအတိုင်း
ရှိနေဆဲပါ အထားရယ် "
" မဟုတ်ပါဘူးဆို……အထား နှလုံးသားထဲမှာ အကိုကြီး
တစ်ယောက်ထဲရှိတာပါ……ခုနကကောင်လေးက
မိနွယ် ကောင်လေးပါ…… မိနွယ်လေ သူ့ချစ်သူနဲ့စိတ်
ကောက်ပြီး ပဲခူးရောက်နေတယ်..…အဲ့ဒါ ကောင်လေးက
လာမေးရှာတာပါ "
ဦးတင်မောင်လတ်သည် အထားမျက်နှာကို စာအုပ်တစ်
အုပ်လို ပြည့်စုံစွာ ဖတ်ပြီးသကာလ သက်ပြင်းချကာ
ယုံကြည်ပေးလိုက်ပါသည်။
" ကြည့်ပါအုံး…… အခုထိ မယုံသေးဘူးလား "
" ယုံလိုက်ပါ့မယ်လေ……တင်မောင်လတ်ဆိုတဲ့လူကြီး
ကလဲ အထားနဲ့တွေ့မှ မနေနိုင်မထိုင်နိုင်တွေ ဖြစ်ကုန်
ပြီ……ပြောပါအုံး အထားရဲ့……အကိုကြီးသဘောအရဆ်ို
မနက်ဖြန်မနက် ဇော်နဲ့အတူ အထားကို လာတောင်း
ပစ်လိုက်ချင်တာပဲ "
" နေပါအုံး အကိုကြီးရယ်……မိနွယ်ကို အရင်နေရာချပေး
ပြီးမှ အထားတို့ကိစ္စ စဉ်းစားကြတာပေါ့"
မထားသည် တတိယကြိမ်မြောက် အိမ်ထောင်ပြု ခြင်း
ကိစ္စကို အရင်ကလို အလောသုံးဆယ် မလုပ်ချင်သေးပါ။
ကိုယ်က အိမ်ထောင်ရေးကံမကောင်းခဲ့တာ ဆိုတော့
အကိုကြီးနဲ့ ထပ်ယူမယ့် အရေးကိုလည်း တွေးပူလျက်
ရင်လေးနေမိသည်။
သို့ဖြစ်၍ မိနွယ်အရေးကိုသာ မထား အာရုံစိုက်ထား
သည်။မိနွယ် ဘဝ ပူပင်ကြောင့်ကြမှုကင်းကင်းနဲ့ အေး
အေးချမ်းချမ်းလေးဖြစ်မှ ကိုယ့်အတွက် စဉ်းစားပါတော့
မယ်လေ။
---------------------------------------------------------------------