ရွာထဲက လူတချို့ ပြောကြတာကတော့ သစ်ပင်ခုတ်ရင်
" နတ်ကိုင်မှာ " ကြောက်ကြသတဲ့လေ
လူတွေက နတ်ကိုင်မှာ ကြောက်ရှာတော့ ကျောင်းက ကိုယ်တော်တွေခမျာ သင်္ကန်းတလွှားလွှားနဲ့ ဓါးကိုင်သူကိုင် လွှကိုင်တဲ့သူကိုင်နဲ့။ သင်္ကန်းခံတောင်းကျိုက်ပြီး ကိုယ်တိုင်တက်ခုတ်။ ဖြတ်ကြ တောက်ကြ ခုတ်ကြထစ်ကြနဲ့ပေါ့။
ကျွန်မတို့ဝိုင်းထဲမှာလည်း ရွေးပင်နဲ့ပိန္နဲပင် အပင်ကြီး နှစ်ပင်ရှိတယ်။ ရွေးပင်က အတော်ကြီးပြီး လူနှစ်ကိုယ်စာ ဖက်လို့တောင် မီမယ်မထင်။