အင်မော်တယ် တာအို ဆိုသည်မှာ ထာဝရ တည်ရှိသော်လည်း အင်မော်တယ် များအား ရှာရအလွန်ခက်ခဲပေသည်။
လီနင်းဖန် သည် သေမျိုးကမ္ဘာ မှ ကျင့်ကြံခြင်း ကမ္ဘာဆီသို့ ကူးပြောင်းရောက်ရှိလာလေသည်။ သို့သော် သူ့ထံ ကျင့်ကြံရန် မျှော်လင့်ချက် မရှိကြောင်း သိပြီးသည့် အနောက်တွင်တော့ ငြိမ်းငြိမ်းချမ်းချမ်းသာ နေထိုင်သွားရန် ဆန္ဒရှိတော့သည်။
သို့ပေငြားလည်း....
သူ မွေးစားခဲ့သည့် ခွေးတစ်ကောင်က သူ၏ ပန်းချီ ကဗျာတွေ မြင်ပြီးနောက် နတ်ဆိုးဘုရင်မျိုးဆက် ဖြစ်လာကာ ကမ္ဘာတစ်ခုလုံးကို လွှမ်းမိုးနိုင်စွမ်း ရှိခဲ့သည်။
သူ့ အိမ်အနောက်တွင် စိုက်ပျိုးထားသည့် သစ်ပင်က သူ၏ ဂီတသံစဉ်များ နားဆင်ခဲ့ပြီး ကမ္ဘာသစ်ပင် အဖြစ် ကြီးထွားလာခဲ့ကာ ကောင်းကင် နှင့် မြေပြင်ကြား တံတားတစ်စင်း ဖြစ်တည်သည်။
လမ်း၌ တွေ့ပြီး သူ ဉာဏ်အလင်းပွင့်စေခဲ့သည့် ခရီးသွားက မျိုးဆက်တစ်ခုလုံး ဦးဆောင်နိုင်သော အင်မော်တယ်သူတော်စင် ဖြစ်လာလေသည်။
ထပ်ပေါင်းပြောရမည်ဆိုသော်...
သူ့ထံ ကြုံကြိုက်တုန်း စစ်တုရင်ပညာ၊ ပန်းချီ ပညာ သင်ကြားနေသည့် တစ်ယောက်က အင်မော်တယ်လောက မှ စစ်တုရင်သူတော်စင်ကြီး တစ်ယောက် ဖြစ်နေသလို ညတိုင်းလိုလို သူ၏ ဂီတသံစဉ် လာရောက်နားဆင်နေတဲ့ မိန်းမလှလေးသည်လည်း အင်မော်တယ်လောက၏ နံပါတ်တစ် အလှဆုံး မိန်းကလေး ဖြစ်နေပြန်သည်။
